Read Sehwi Gyenesise 36 Bible Online

Gyenesise 36 - Sehwi bible

Gyenesise 36

¹Yisɔ, bɔ yeɛ bɛfrɛ ye Edom ne, ye boso ama ɛhe:

² Yisɔ gyale ɔye mɔ fili Kanaanfoɛ nu; bɛ ɛhe: Hitiniɛ Elon ɔwa brasua Ada, Ana bɔ ye baba ole Hiwiniɛ Sibeon ne, ɔwa brasua Oholibama;

³ yeɛ Yismael awa brasua Basemate bɔ oliɛma brasua ole Nebayote ne.

⁴Ada ne Yisɔ bɛwole Elifase, Basemate wole Rewel;

⁵yeɛ Oholibama wole Yeyuse, Yalam ne Kora. Yisɔ mma bɔ bɛwole bɛ wɔ Kanaan aseɛ so nemɔ ɛne.

⁶Na Yisɔ sesale ɔye mɔ, ye mma mmienzua, ye mma mmrasua, ɔne ye awuro ama mukoraa ɔne ye nandwie ne ye nyɛmmoa mukoraa, ɔne ye agyapadeɛ bɔ onyane ye wɔ Kanaan aseɛ so amu, na ɔtele ye nwo fili oliɛma Yakob nwo ɔɔtenane aseɛ foforɛ aso;

⁷ofikyɛ né b’agyapadeɛ sone paa maa bɛ munyɔ bɛnzo neka horɛ. Aseɛ bɔ né bɛte so ɛwɔfoɛ ne, ɔnate bɛ nyɛmmoa pee ne ati, né ɔte kãa ma bɛ.

⁸Yiti Yisɔ (bɔ besa bɛfrɛ ye Edom ne) ɔɔtenane Sɛre mmokaa aseɛ ne aso dɔ.

⁹Yisɔ bɔ ɔte Edomfoɛ bɔ bɛtete Sɛre mmokaa aseɛ ne aso dɔ bɛ nana ne, ye bosofoɛ ɛhe:

¹⁰Yisɔ mma mmienzua mɔ dumaa ɛhe: Elifase bɔ ɔte ɔye Ada awa bienzua ne, ɔne Rewel bɔ ɔte ɔye Basemate ɔwa bienzua ne.

¹¹Elifase mma mmienzua mɔ ole Teman, Omare, Sefo, Gatam ne Kenase.

¹²(Né Timina te Yisɔ awa bienzua Elifase sómaa; na ɔne Elifase bɛwole Amalɛke.) Yisɔ aye Ada ye mma mmienzua mɔ ɛne.

¹³Rewel mma mmienzua mɔ ɛhe: Nahate, Sera, Sama ɔne Misa. Ɛhemɔ te Yisɔ aye Basemate nnomaa mmienzua mɔ.

¹⁴Yisɔ aye Oholibama bɔ ɔte Sibeon awa bienzua Ana ɔwa brasua ne, ye mma mmienzua bɔ ɔne Yisɔ bɛwole bɛ ɛhe: Yeyuse, Yalam ne Kora.

¹⁵Yisɔ boso ama nemɔ, bɛ nu atitire mɔ ɛhe: Yisɔ bamuɛbaa Elifase mma mɔ ɛhe: atitirefoɛ Teman, Omare, Sefo ne Kenase,

¹⁶Kora, Gatam ne Amalɛke; bɛ yeɛ bɛte Elifase bosofoɛ atitire bɔ bɛwɔ Edom aseɛ so ne. Bɛte Ada mma.

¹⁷Yisɔ awa bienzua Rewel ye mma mmienzua mɔ ɛhe: atitirefoɛ Nahate, Sera, Sama ne Misa; bɛ yeɛ bɛte Rewel bosofoɛ atitire wɔ Edom aseɛ so ɔ. Bɛte Yisɔ aye Basemate nnomaa.

¹⁸Yisɔ aye Oholibama ye mma mmienzua mɔ ɛhe: atitirefoɛ Yeyuse, Yalam ɔne Kora; atitirefoɛ bɔ yeɛ Ana awa brasua Oholibama ɔne Yisɔ bɛwole bɛ hɔ ɛne.

¹⁹Yisɔ (bɔ besa bɛfrɛ ye Edom ne) ye mma mmienzua mɔ ɛne, na ɛhemɔ yeɛ bɛte bɛ nu atitirefoɛ ɔ.

²⁰ Horiniɛ Sɛre mma bɔ né bɛte aseɛ ne asofoɛ nemɔ ɛhe: Lotan, Sobal, Sibeon ne Ana,

²¹Dison, Esere ne Disan; Sɛre mma bɔ bɛte Horifoɛ atitirefoɛ bɔ bɛwɔ Edom aseɛ so nemɔ ɛne.

²²Né Lotan mma mɔ ole Hori ne Heman, yeɛ oliɛma brasua koso ole Timina.

²³Sobal mma mmienzua mɔ ɛhe: Alwan, Manahate, Ebal, Sefo ne Onam.

²⁴Sibeon mma mmienzua mɔ ɛhe: Aya ne Ana. Sɔ Ana he yeɛ mmerɛ bɔ ɔfale ye baba Sibeon afunum mɔ hɔle adidie ne, oofitele nzuehyerɛ asue ti so wɔ ɛserɛ so ne.

²⁵Ana mma mɔ ɛhe: Dison, yeɛ Ana awa brasua Oholibama.

²⁶Dison mma mmienzua mɔ ɛhe: Hemdan, Eseban, Yitran ne Kyeran.

²⁷Esere mma mmienzua mɔ ɛhe: Bilhan, Saawan na Akan.

²⁸Disan mma mmienzua mɔ ɛhe: Yuse ne Aran.

²⁹Horifoɛ b’atitirefoɛ mɔ ɛhe: atitirefoɛ Lotan, Sobal, Sibeon, Ana,

³⁰Dison, Esere ne Disan. Ɛhemɔ ole Horifoɛ b’atitire kyɛbɔ bɛ mmusua te wɔ Sɛre aseɛ so ne.

³¹ Ɛhene mɔ bɔ belili bia Edom aseɛ so koraka yeɛ Yisraelfoɛ baanya ɛhene nemɔ ɛhe:

³²Bela bɔ ɔte Beɔ awa ne lili hene wɔ Edom; né bɛfrɛ ye kuro Dinhaba.

³³Bela wuli, na Yobabo bɔ ɔse ole Sera bɔ ofi Bosra ne, olili ye bia.

³⁴Yobabo wuli, na Husam bɔ ofi Teman aseɛ so ne lili ye bia.

³⁵Husam wuli, na Bedade awa Hadade bɔ olili Midian so ngonim wɔ Moabo aseɛ so ne, olili ye bia; na né ye kuro dumaa li Awite.

³⁶Hadade wuli, na Samla bɔ ofi Masereka lili ye bia.

³⁷Samla wuli, na Sɔɔlo bɔ ofi Rehobote bɔ ɔwɔ asue Yufreti nwo ne, olili ye bia.

³⁸Sɔɔlo wuli, na Akibɔ awa Baalhanan lili ye bia.

³⁹Akibɔ awa Baalhanan wuli, na Hada lili ye bia. Né ye kuro li Pau; na ɔye li Mehetabel. Mehetabel oni ole Mesahabo awa brasua Matrede.

⁴⁰Yisɔ bosofoɛ atitire nemɔ dumaa, kyɛbɔ bɛ mmusua kure, b’atenaleɛ ɔne bɛ dumaa te ɛhe: Atitirefoɛ Timina, Alwa, Yetete,

⁴¹Oholibama, Ela, Pinon,

⁴²Kenase, Teman, Mibesa,

⁴³Magediɛl ne Yiram; ɛhemɔ yeɛ bɛte Edom (bɔ besa bɛfrɛ ye Yisɔ ne) ye bosofoɛ atitirefoɛ, kyɛbɔ b’atenaleɛ te wɔ aseɛ bɔ benyane ye ne aso ɔ. Edom ye ala ole Yisɔ bɔ ɔte Edomfoɛ bɛ nana ne.