Read Sehwi 1 Aberɛso Dwirɛ 25 Bible Online

1 Aberɛso Dwirɛ 25 - Sehwi bible

1 Aberɛso Dwirɛ 25

¹Dawide ne safohene nemɔ, betuli mmenia befili Asafe abusua nu, Heman abusua nu ne Yedutun abusua nu besiele berɛ kyɛ bɛbɔ sangoo, adengum ne firikyiwa bɛfa bɛhyɛ ngɔm. Mmenia bɔ bɛyɛle adwuma ne ɛhe, yeɛ b’adwuma bɔ bɛyɔle ɛhe:

²Asafe abusuafoɛ ne anu, bɛyele Sakure, Yosef, Netania ne Asarela bɔ bɛte Asafe mma mmienzua ne. Asafe bɔ ogyina ɛhene ne dwirɛ so ɔhyɛ ngɔm ne yeɛ né ɔla bɛ noa ɔ.

³Yedutun abusuafoɛ ne, bɛ ole Gedalia, Seri, Yehyaya, Simei,[11] Hasabia ne Matitia: bɛte nzia. Bɛ baba Yedutun bɔ ɔbɔ sangoo ɔfa ɔhyɛ ngɔm ɔda AWURADE ase ɔye ye ayɛ ne, ye yeɛ né ɔla bɛ noa ɔ.

⁴Heman abusuafoɛ nemɔ, bɛyele Bukia, Matania, Yusiɛl, Sebuel, Yerimote, Hanania, Hanani, Eliata, Gidalti, Romamti Esere, Yosebekasa, Maloti, Hotiri, yeɛ Mahasiote.

⁵Bɛ mukoraa bɛte Heman bɔ ɔte Nana Dawide sona bɔ ɔse ase ne, ye mma mmienzua. Ofikyɛ né Nyameɛ wama Heman mmaa mmienzua buru ne nna yeɛ mmaa mmrasua nza, kyɛbɔ Nyameɛ hyɛle ye bɔ kyɛ ɔkɔhyɛ ye animnyam ne.

⁶Edwein bɔ né bɛbɔ firikyiwa, sangoo ne adengum bɛto ye wɔ AWURADE awuro bɛfa bɛyɔ Nyameɛ awuro berɛ ɛsɔnenɛ adwuma ne, né bɛ baba nemɔ yeɛ bɛlela bɛ mukoraa bɛ noa ɔ. Asafe, Yedutun ne Heman de, né ɛhene bɔbɔ yeɛ ɔnea bɛ so ɔ.

⁷Bɛ ne bɛ nwo ama, bɔ batete bɛ wɔ AWURADE nwo dweintolɛ nu, bɔ bɛ mukoraa bɛse edwein to paa ne, bɛ somaa te ɛyaa nyɔ aburawɔtwɛ ne mmɔtwɛ.

⁸Mbanyi oo, ngwadaa oo, bɛ bɔ bekyire oo, bɛ bɔ besua oo, bɛfale serewagualɛ so yeɛ bɛhyɛle b’edweintolɛ adwuma ne bɛmane bɛ ɔ.

⁹Serewa bɔ oli moa ne, ɔyele Yosef bɔ ofi Asafe abusua nu ne. Bɔ ɔtɔ so nyɔ ne yele Gedalia ne oliɛma mmienzua mɔ ne ye mma mmienzua mɔ: bɛte buru ne nyɔ.

¹⁰Bɔ ɔtɔ so nza ne yele Sakure ne ye mma mmienzua mɔ ne oliɛma mmienzua mɔ: bɛte buru ne nyɔ.

¹¹Bɔ ɔtɔ so nna ne yele Yisiri ne ye mma mmienzua mɔ ne oliɛma mmienzua mɔ: bɛte buru ne nyɔ.

¹²Bɔ ɔtɔ so nnu ne yele Netania ne ye mma mmienzua mɔ ne oliɛma mmienzua mɔ: bɛte buru ne nyɔ.

¹³Bɔ ɔtɔ so nzia ne yele Bukia ne ye mma mmienzua mɔ ne oliɛma mmienzua mɔ: bɛte buru ne nyɔ.

¹⁴Bɔ ɔtɔ so nzoo ne yele Yesarela ne ye mma mmienzua mɔ ne oliɛma mmienzua mɔ: bɛte buru ne nyɔ.

¹⁵Bɔ ɔtɔ so mmɔtwɛ ne yele Yehyaya ne ye mma mmienzua mɔ ne oliɛma mmienzua mɔ: bɛte buru ne nyɔ.

¹⁶Bɔ ɔtɔ so ngona ne yele Matania ne ye mma mmienzua mɔ ne oliɛma mmienzua mɔ: bɛte buru ne nyɔ.

¹⁷Bɔ ɔtɔ so buru ne yele Simei ne ye mma mmienzua mɔ ne oliɛma mmienzua mɔ: bɛte buru ne nyɔ.

¹⁸Bɔ ɔtɔ so buru ne ko ne, ɔyele Asarel ne ye mma mmienzua mɔ ne oliɛma mmienzua mɔ: bɛte buru ne nyɔ.

¹⁹Bɔ ɔtɔ so buru ne nyɔ ne, ɔyele Hasabia ne ye mma mmienzua mɔ ne oliɛma mmienzua mɔ: bɛte buru ne nyɔ.

²⁰Bɔ ɔtɔ so buru ne nza ne, ɔyele Subayel ne ye mma mmienzua mɔ ne oliɛma mmienzua mɔ: bɛte buru ne nyɔ.

²¹Bɔ ɔtɔ so buru ne nna ne, ɔyele Matitia ne ye mma mmienzua mɔ ne oliɛma mmienzua mɔ: bɛte buru ne nyɔ.

²²Bɔ ɔtɔ so buru ne nnu ne, ɔyele Yeremote ne ye mma mmienzua mɔ ne oliɛma mmienzua mɔ: bɛte buru ne nyɔ.

²³Bɔ ɔtɔ so buru ne nzia ne, ɔyele Hanania ne ye mma mmienzua mɔ ne oliɛma mmienzua mɔ: bɛte buru ne nyɔ.

²⁴Bɔ ɔtɔ so buru ne nzoo ne, ɔyele Yosebekasa ne ye mma mmienzua mɔ ne oliɛma mmienzua mɔ: bɛte buru ne nyɔ.

²⁵Bɔ ɔtɔ so buru ne mmɔtwɛ ne, ɔyele Hanani ne ye mma mmienzua mɔ ne oliɛma mmienzua mɔ: bɛte buru ne nyɔ.

²⁶Bɔ ɔtɔ so buru ne ngona ne, ɔyele Maloti ne ye mma mmienzua mɔ ne oliɛma mmienzua mɔ: bɛte buru ne nyɔ.

²⁷Bɔ ɔtɔ so aburanyɔ ne yele Eliata ne ye mma mmienzua mɔ ne oliɛma mmienzua mɔ: bɛte buru ne nyɔ.

²⁸Bɔ ɔtɔ so aburanyɔ ne ko ne, ɔyele Hotiri ne ye mma mmienzua mɔ ne oliɛma mmienzua mɔ: bɛte buru ne nyɔ.

²⁹Bɔ ɔtɔ so aburanyɔ ne nyɔ ne, ɔyele Gidalti ne ye mma mmienzua mɔ ne oliɛma mmienzua mɔ: bɛte buru ne nyɔ.

³⁰Bɔ ɔtɔ so aburanyɔ ne nza ne, ɔyele Mahasiote ne ye mma mmienzua mɔ ne oliɛma mmienzua mɔ: bɛte buru ne nyɔ,

³¹yeɛ bɔ ɔtɔ so aburanyɔ ne nna ne, ɔyele Romamti Esere ne ye mma mmienzua mɔ ne oliɛma mmienzua mɔ: bɛte buru ne nyɔ.