Read Sehwi Yob 13 Bible Online

Yob 13 - Sehwi bible

Yob 13

¹“Tie, ɛhe amukoraa me nye anwu ye, yeɛ me so ate, na mate ye bo.

²Bɔ ɛmɔse ne, me koso mese, ɛmɔ nworɛ ndra me deɛ.

³Me de, Tuminiɛ ne mmom yeɛ mepena kyɛ me ne ye yɛdwudwo ɔ, Nyameɛ yeɛ mepena kyɛ me ne ye yɛbɔ kuro ɔ.

⁴Na ɛmɔ de, ɛmɔ noa nu yeɛ ɛmɔbobɔ ɔ, ɛmɔ amukoraa bɛte safoɛ bɔ mvasoɛ nne ɛmɔ so ɔ.

⁵Sɛ ɛmɔmua ɛmɔ noa mmom a, ahaa okyire kyɛ ɛmɔse nworɛ!

⁶Mesrɛ ɛmɔ, ɛ́mɔtie me kurobɔlɛ ne, ná ɛmɔyɛ asoɛ betie bɔ meka mefa meye me noa ɔ.

⁷Aso Nyameɛ yeɛ ɛmɔgyi ye gya nu bɛka ngondombo dwirɛ ye? Ye yeɛ ɛmɔgyi ye gya nu bɛka nnakannaka dwirɛ ye?

⁸Aso ɛmɔgyi Nyameɛ si anaa, anaakyɛ ɛmɔka bie bɛma ye?

⁹Sɛ ɔneanea ɛmɔ nu a, aso ɛmɔ nwo kɔyɛ sannwuu? Anaakyɛ, ɛmɔkɔhora bɛkɔlakalaka ye kyɛbɔ sona lakalaka sona anaa?

¹⁰Nahorɛ nu, sɛ ɛmɔfea ɛmɔ nwo bɛka bie bɛma ye a, okohwi ɛmɔ nyunu.

¹¹Ye tumi totohyia ne, aso ɔngɔma ɛmɔngosuro? Ye nwo suronyi ne, aso ɔngɔtɔ ɛmɔ so?

¹²Ɛmɔ anyandera ne, yɛte ye daa, mvasoɛ nne so, yeɛ ɛmɔ kurobɔlɛ ne koso, ɔndɔ asoɛ nu.

¹³“Ɛ́mɔma nya me so, ná ndwudwo, bɔ ɔkɔto me biala, maa ɔto me!

¹⁴Nzu ɔ? Ngɔyɔ bɔ ɔkɔma me ti kɔkeka ɔ, ngɔfa me ngoa ngɔto serewa.

¹⁵Sɛ oku me po a, ye yeɛ ɔte m’anyelasoɛ ɔ,[6] nakoso me ne ye yɛkɔbɔ kuro.[7]

¹⁶Na ɛhe yeɛ ɔkɔyɛ me ngoalelɛ ɔ, ofikyɛ amumuyɛɛniɛ biala ngogyina ye nyunu.

¹⁷Ɛ́mɔyɛ asoɛ betie me dwirɛ ye yé, ná edwirɛ bɔ meka mefa mesa me nwo ne, ɛ́mɔma ɔhɔ ɛmɔ so anu.

¹⁸Me dwirɛ ne, madwene ye nwo masie, na mese kyɛ me nwo kofi.

¹⁹Nwa yeɛ ɔne me yɛbaabɔ kuro ɔ? Ahaa ye de ngomua me noa ná mawu.

²⁰Oo Nyameɛ, nikyee nyɔ pɛ yeɛ mebisa mefi wɔ berɛ ɔ, ɔba ye sɔ a, mengɔfa me nwo ngɔfea wɔ:

²¹Amaneɛ bɔ afa ato me so ne, ye fi me so, yeɛ nnɛma wɔ nwo suronyi ɔtɔ me so.

²²Na afei, to wɔ sa frɛ me, na ngɔye me noa, anaakyɛ maa mmɔ me kuro ma ɛye ye noa.

²³Me mvomsoɛ ne me bɔne, ye somaa te nyɛɛ? Maa nwu me mmeraatolɛ ne me bɔne.

²⁴Nzu ati yeɛ afa wɔ nyunu afea me e, bɔ afa me ayɛ wɔ pɔfoɛ ye?

²⁵Nyaa bɔ mvrama bɔ ye kɔ ɔ, aso ekonwunanwuna ye? Aso ɛkɔfoa ɛserɛ worowaa?

²⁶Ofikyɛ edwirɛ tɛɛ yeɛ ɛkyerɛ tia me ɔ, na ɛfa me mmerandeɛ nu bɔne nwo akatuaa etua me so kerɛ.

²⁷ Ɛbɔ me panwu, ɛfa wɔ nye sra agyirɛ biala bɔ metu ɔ, na ato wɛen afa nekaa bɔ odi kyɛ me gya tia ɔ.

²⁸Sona de, ɔte kyɛ dufure, ɔporɔ, na ɔtete kyɛ ɛtena bɔ mvrɔlɔ ali ɔ.