Read Sehwi Edwein 12 Bible Online

Edwein 12 - Sehwi bible

Edwein 12

¹Dawide dwein. Ɔfa mane edweinhyirelɛniɛ ne Boka me, ao AWURADE, ofikyɛ teneneeniɛ de, ebie nne berɛ ko; na nahorɛlilɛfoɛ, bɛ boso anunu afi adasa mmaa nu.

²Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

³AWURADE, bɛ bɔ bɛdɛfɛdɛfɛ ne, kã bɛ noa to nu, yeɛ bɛ bɔ bɛfa bɛ noa bɛkã anwomasoɛ dwirɛ mbiri ne,

⁴ɔne bɛ bɔ bɛkã kyɛ, “Yɛkɔfa yɛ noa yɛkɔbɔ yɛ nwo waen; yɛ bɔbɔ deinn yeɛ yɛle yɛ noa ɔ, yɛlle meneɛ biala!” ne.

⁵AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

⁶AWURADE bɔhyɛ te bɔhyɛ bɔ ye nwo te ɔ, ɔte kyɛ ɛdwetɛ bɔ bapɔ ye nwo wɔ ɛfaa afaa nu ɔ, bɔ bapɔ ye nwo pɛen nzoo ɔ.

⁷Ao AWURADE, nea yɛ so; bɔ yɛ nwo waen fi sɔ aworɛ ndoatoasoɛ he anu afebɔɔ.

⁸Bɔnefoɛ abu so wɔ nekaa biala, na adasa mmaa sosɔ bɔne so.