Read Sehwi Edwein 26 Bible Online

Edwein 26 - Sehwi bible

Edwein 26

¹Dawide dwein Ao AWURADE, bua me be, ofikyɛ mafa pɛpɛɛpɛyɛlɛ manate; na mafa me nwo mato AWURADE so bɔ mengɔnwɔngye mengɔtɔ ɔ.

²Neanea me nu ná so me nea, pɛnzɛpɛnzɛ m’ahone nu ne me ti anu.

³Ofikyɛ daa biala mekaye wɔ ɔdɔ bɔ onni ngasi ne, na wɔ nahorɛlilɛ ne anu yeɛ menate ɔ.

⁴Me ne asanzafoɛ yɛndu nu, yeɛ me ne nyaatwomfoɛ yɛmva abiɛngoɛ.

⁵Mekyi kyɛ me ne bɔnefoɛ yɛkɔbɔ dwaa ɔ, na me ne nzɛmmɔnefoɛ yɛngɔtena yɛngɔbɔ nu.

⁶Menwunzi me sa mefa mekyire kyɛ menni fɔ, na mepɛ w’afɔleɛ bokyea ne anwo mebra meyia, ao AWURADE;

⁷metea nu meto asennaa dwein, na mebɔ w’anwanwadeɛ amukoraa nwo dawure.

⁸Ao AWURADE, awuro bɔ ɛte nu ne, ɔla m’ahone nwo, nekaa bɔ w’animnyam te ne.

⁹Nnɛpra me kra boka bɔnefoɛ so, yeɛ nnɛpra me ngoa fra kodiawufoɛ so,

¹⁰mmenia bɔ bɔne nwo adwene ala yeɛ ɔwɔ bɛ ti anu ɔ, bɔ bɛyere bɛ nwo bede fea-ase-ma ɔ.

¹¹Nakoso me de, nahorɛlilɛ yeɛ mefa menate ɔ; pepɛ de me, ná nwu me anwumvoin.

¹²Me gya gyi berɛ pindinn wɔ aseɛ frɛtɛɛ so, na badwa kandinga nu yeɛ ngɔye AWURADE ayɛ ɔ.