Read Sehwi Edwein 30 Bible Online

Edwein 30 - Sehwi bible

Edwein 30

¹Dawide ayɛyelɛ dwein. Ao AWURADE, ngɔkamvo wɔ, ofikyɛ apepɛ ale me, na amma me pɔfoɛ mɔ banni me nwo ahurusi.

²Ao AWURADE, me Nyameɛ, nzu mvrɛle wɔ kyɛ ɛboka me, na asa me anwonyerɛ.

³Ao AWURADE, aye me kra afi ɛborɔ kumaa nu, na amaa mafi ɛborɔ kumaa nu masa mawa ngoa nu.

⁴Ao ɛmɔ, AWURADE anwoteefoɛ, ɛ́mɔto dwein bɛye ye ayɛ, ná ɛmɔla ye dumaa krongron ne ase.

⁵Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

⁶Me de, mmerɛ bɔ me so anu tɔle me ne, ngane kyɛ, “Edwirɛ tɛɛ biala ngɔto me le.”

⁷Ao AWURADE, ɔnate kyɛ ɛlole me ne ati, ɛmane me bo timuni serɛserɛ kyɛ bokaa; nakoso ɛyele wɔ nye feale me ne, me kunu tetele me.

⁸Ao AWURADE, nzu mvrɛle wɔ, na AWURADE, ngoto nzrɛle wɔ kyɛ,

⁹“Sɛ mewu a, anaa sɛ mekɔ ɛborɔ kumaa nu a, nzikyɛ mvasoɛ yeɛ ɔwɔ so ɔ? Aso mvuture kɔye wɔ ayɛ anaa? Aso ɔkɔbɔ wɔ nahorɛlilɛ nwo dawure anaa?

¹⁰Ao AWURADE, tie, ná nwu me anwumvoin! Ao AWURADE, mepena kyɛ ɛyɛ me bokafoɛ!”

¹¹Ama m’aworabɔlɛlilɛ wakakyi ahurusililɛ; aye me nwo ɛsɛen tena ne agua berɛ, na afa anigye ahera me,

¹²amaa ɔnate so me kra wanga ye noa wandu nu, na mmom waye wɔ ayɛ. Ao AWURADE me Nyameɛ, ngɔla wɔ ase afebɔɔ.