Read Sehwi Edwein 55 Bible Online

Edwein 55 - Sehwi bible

Edwein 55

¹Dawide dwein. Ɔfa mane edweinhyirelɛniɛ ne kyɛ bɛfa sangoo bɛto Ao Nyameɛ, yɛ asoɛ tie me mbaeɛ; nnɛma m’abisadeɛ ogua wɔ so asi.

²Tie me, ná bua me; m’amaneɛnwunɛ abungam afa me so. Mahɔ ateetee nu,

³ɔnate me pɔfoɛ mɔ bɛ dede ne ati, ɔne bɔnefoɛ mɔ bɛ ndaneanyeɛ ne ati. Ofikyɛ bɛmaa menwu amaneɛ, na bele ɛyaa bɛpɔ me.

⁴M’ahone di aworabɔlɛ wɔ me nu, ewue nwo suronyi atɔ me so.

⁵Esuronyi ne ahunundetelɛ atɔ me so, na ɛserɛ akyekye me.

⁶Me dwirɛ ole kyɛ, “Ahaa né manya ndaa te kyɛ abubure! Ahaa ngotu ngɔɔpena nekaa bie ngɔtena;

⁷nahorɛ nu, ahaa ngɔnwati ngɔhɔ dedeede, ná maatena ɛserɛ so. Sela

⁸Ahaa nne amirika ngɔɔpena nekaa ngɔbɔ me nwo adwaa ngofi mvrama ne mvrama piri bɔ otu ne anu.”

⁹Ao AWURADE, sɛkye bɛ porɛ bɔ bɛbɔ ɔ, ma bɛ noa ɔto fofo, ofikyɛ kyɛ menwu basabasayɔlɛ ne ngondiihonɛ wɔ kuro ne anu.

¹⁰Eyia ne kɔngɔen bɛnate fasue nemɔ aso bɛpɛ kuro ne anwo bɛbra beyia, na amumuyɛɛ ne amaneɛ yeɛ ɔwɔ kuro ne anu ɔ.

¹¹Nningyein ayɛ basaa wɔ kuro ne anu; ndaneanyeɛ ne asisie ye bo ndu mvi kuro berɛ dwaaso.

¹²Nna me pɔfoɛ yeɛ ɔkã me anyinga ɔ, ɛhene de, ahaa ngɔhora ye noa gyina; nna sona bɔ okyi me yeɛ ɔbɔ me alapaa ɔ, ye de, ahaa ngɔhora ngɔfa me nwo ngɔfea ye.

¹³Na mmom wɔ bɔ ɛte me tipɛen ɔ, mmiɛngo bɔ me ne wɔ kɔ ba ɔ,

¹⁴wɔ bɔ né me ne wɔ yɛtu nu paa ɔ; bɔ né me ne wɔ yɛbɔ nu yɛnate wɔ Nyameɛ awuro ɔ.

¹⁵Ma ewue ɔte pe bɛ so; maa bɛhɔ ɛborɔ anyekaenn so, ofikyɛ bɔne wɔ b’awuro ne b’afia.

¹⁶Na me de, mesu mefrɛ Nyameɛ, na AWURADE kɔpepɛ kole me.

¹⁷Nɔsoa, ngyerɛmɔ ne eyia, mekã me yealɛ mesu, na okotie me mbaeɛ.

¹⁸Ɔkɔpepɛ kole me kra kofi koɛ bɔ bafa batoa me ye anu, ofikyɛ mmenia pee badwɔso batia me.

¹⁹Nyameɛ bɔ odi hene fi tete ne, okotie me, ná wali bɛ so ngonim, ofikyɛ bɛnzakyera b’adwene, na benzuro Nyameɛ. Sela

²⁰Mmiɛngo ne, odwɔso tiale ye mmango nemɔ, na obuli ye apam ne aso,

²¹ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

²²Fa w’adesoa to AWURADE so, na ɔkɔsɔ wɔ nu; ɔngɔnea ngɔma teneneeniɛ ngofi ase.

²³Nakoso wɔ, ao Nyameɛ, ekofindi bɛ kogua ewue kumaa ne abo dɔ; kodiawufoɛ ne ngondombofoɛ de, bengoli b’aseɛ ye aso ngoa ye bue po. Nakoso me de, mefa me wora mewura wɔ nu.