Read Sehwi Edwein 70 Bible Online

Edwein 70 - Sehwi bible

Edwein 70

¹Dawide dwein. Ɔfa mane edweinhyirelɛniɛ ne kyɛ ɔte ngayeɛ afɔleɛ Ao Nyameɛ, yɛ ndɛ pepɛ de me. Ao AWURADE, yɛ ndɛ baaboka me!

²Bɛ bɔ bɛpena me beku me ne, ma bɛ nyunu gua ase, ná bɛ nye so ɔtã. Bɛ bɔ bɛpena me ne tɛɛ ne, maa bɛtete besa bɛ si ná bɛ nyunu gua ase.

³Bɛ bɔ bɛkekã kyɛ, “Ehee, Ehee!” ne, bɛ nwo nyanzoen ti, maa bɛtete besa bɛ si.

⁴Bɛ bɔ bɛpena wɔ si atee ne amukoraa, maa beli ahurusi, ná bɛ nye gye wɔ wɔ nu. Bɛ bɔ bɛ nye gye wɔ ngoalelɛ nwo ne, maa bɛhã ye afebɔɔ kyɛ, “Nyameɛ te piri!”

⁵Nakoso wahia me, yeɛ meyɛ anwumvo. Ao Nyameɛ, yɛ ndɛ bra me berɛ! Wɔ yeɛ ɛte me bokafoɛ ne me defoɛ ɔ; Ao AWURADE, nnɛkyɛ!