Read Sehwi Edwein 76 Bible Online

Edwein 76 - Sehwi bible

Edwein 76

¹Asafe dwein. Ɔfa mane edweinhyirelɛniɛ ne kyɛ bɛfa sangoo bɛto Ebiala se Nyameɛ wɔ Yuda, na ye dumaa te piri wɔ Yisrael.

²Ye tena sua wɔ Salem, na ye atenaleɛ wɔ Sion.

³Berɛ yeɛ obubuli agyaen bɔ bɛte see yerɛmyerɛm, akokyɛm mɔ, ngrandɛ ne akodeɛ mɔ nu ɔ. Sela

⁴Ele animnyam, ele ahennie nu animnyam tra mmokaa bɔ betimu berɛ afebɔɔ ne.

⁵Bale ahoneserɛfoɛ nemɔ bɛ sa nu koɛ nzesadeɛ; batotɔ, na koɛhonɛfoɛ nemɔ, bɛ nu biala wangora wango.

⁶Ao Yakob Nyameɛ, ɛteateane bɛ ne, pɔngɔhanɛniɛ ne ɔne ye pɔngɔ ne, bɛlale berɛ pakayaa.

⁷Nakoso wɔ de, wɔ nwo yɛ suro! Sɛ ɛfɛ yaa a, nwa yeɛ ɔkɔhora wɔ nyunu gyina ɔ?

⁸Ebuale ndɛen wɔ nyameɛso maa yɛtele; ɛserɛ hane aseɛ, na ɔyɛle dinn,

⁹mmerɛ bɔ Nyameɛ dwɔsole buale ndɛen, kyɛ ɔfa pepɛ ode aseɛ ye aso anwobrɛaseɛfoɛ amukoraa ne. Sela

¹⁰“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

¹¹Odi kyɛ ɛmɔhyehyɛ AWURADE ɛmɔ Nyameɛ bɔ, na ɛmɔtua, bɛ bɔ bapɛ ye nwo bayia ne amukoraa, odi kyɛ ebiala ɔfa akyɛdeɛ ɔbrɛ ye bɔ ye nwo yɛ suro ne.

¹²Ye yeɛ ɔbrɛ ahemvo mɔ b’ahandaen ase ɔ, na ye yeɛ ye nwo yɛ aseɛ so ahemvo mɔ suro ɔ.