Read Sehwi Edwein 87 Bible Online

Edwein 87 - Sehwi bible

Edwein 87

¹Kora boso ama dwein AWURADE kuro bɔ wakyekye ne, ye fapem gyi bokaa krongron ne aso.

²AWURADE kuro Sion pambim nemɔ dwirɛ tra Yakob atenaleɛ amukoraa.

³Ao, Nyameɛ kuro, animnyam dwirɛ yeɛ bɛkã bɛfa wɔ nwo ɔ. Sela

⁴Bɛ bɔ bɛse me ne, mebɔ Rahabo ne Babilɔn dumaa wɔ b’afia; Filistia, Tiro yeɛ Yitiopia bɛnwa, “Berɛ yeɛ bɛwole ɛhe ɔ.”

⁵Na bɛkɔhã bɛkɔfa Sion nwo kyɛ, “Sona he ne asomasi koso, kuro ne anu berɛ yeɛ bɛwole bɛ ɔ”; ofikyɛ Anwuro Anwuro Nyameɛ ne bɔbɔ kɔmaa kuro ne kogyina.

⁶AWURADE hyerɛle tole berɛ mmerɛ bɔ né ɔkyerɛkyerɛ maen maen mɔ dumaa ne kyɛ, “Ɛhe, bɛwole ye wɔ berɛ.” Sela

⁷Edweintolɛfoɛ ne abiliegolɛfoɛ bɛkã kyɛ, “Wɔ nu yeɛ me saleɛ amukoraa wɔ ɔ.”