Read Sehwi Edwein 92 Bible Online

Edwein 92 - Sehwi bible

Edwein 92

¹Afofikyẽa dwein Ɔte paa kyɛ bɛkɔfa asennaa bɛkɔma AWURADE ɔ, kyɛ bɛkɔto wɔ dumaa nwo ayɛyelɛ dwein ɔ, ao Anwuro Anwuroniɛ;

²kyɛ bɛkɔbɔ wɔ ɔdɔ bɔ onni ngasi ne anwo dawure ngyerɛmɔ, ɔne wɔ nahorɛlilɛ ne anwo dawure kɔngɔen,

³mmerɛ bɔ bɛbɔ sangoo bɔ ye nyamaa buru ɔne adengum ne, odi kyɛ bɛfa sangoo bɛto dwein.

⁴Ofikyɛ wɔ AWURADE, ɛnate bɔ ayɔ ɔ so ɛma me nye agye; medi ahurusi meto wɔ sa noa adwuma ne anwo dwein.

⁵Ao AWURADE, wɔ nnwumaa te mbiri mbiri paa! W’adwene nu pi paa!

⁶Sona kwaseaa de, ɔnze, sona bɔ wagyimi de, ɔnde ɛhe abo:

⁷sɛ bɔnefoɛ befifi kama kyɛ ndire, ná amumuyɛɛfoɛ benya ngɔsoɛ a, ɔla berɛ ma bɛ kyɛ bekowu ewue afebɔɔ ɔ.

⁸Nakoso ao AWURADE, wɔ de, edi ebiala so hene afebɔɔ.

⁹Amba, ao AWURADE, wɔ pɔfoɛ mɔ, wɔ pɔfoɛ mɔ de bekowuwu, bɔnefoɛ amukoraa bɛkɔbɔ aya.

¹⁰Nakoso amaa manya anwoserɛ kyɛ torɔen, na ahwie ngoo foforɛ agua me so.

¹¹Me nye anwu me pɔfoɛ mɔ b’asefinɛ; bɛ bɔ bɛpena me bepura me ne, me so ate b’ayieleɛ bɔ wayie bɛ ɔ.

¹²Teneneefoɛ befifi kama kyɛ ayee, na benyi kyɛ sida bɔ ɔwɔ Lebanon ɔ.

¹³Balua bɛ wɔ AWURADE awuro, na befifi frɔmfrɔm wɔ yɛ Nyameɛ aluo berɛ.

¹⁴Bɛkɔ so besu mmaa wɔ bɛ nworowaa nu, daa bɛte frɔmfrɔm ne monɛ,

¹⁵bɛfa bekyire kyɛ AWURADE tengyɛ; me Nyɔbotaen ɛne, na bɔ ɔndengyɛ biala ɔnne ye nu.