Read Sehwi Edwein 95 Bible Online

Edwein 95 - Sehwi bible

Edwein 95

¹Ɛmɔbra maa yɛto dwein yɛye AWURADE ayɛ; ɛ́mɔma yɛ́fa ahurusi yɛ́bɔ yɛ ngoalelɛ nyɔbotaen ne nwo ese!

²Ɛ́mɔma yɛ́fa asennaa yɛbra ye nyunu! Ɛ́mɔma yɛ́fa ayɛyelɛ dwein yɛli ahurusi yɛbɔ ye nwo ese.

³Ofikyɛ AWURADE te Nyameɛ piri, ɔte Ɛhene piri bɔ ɔtra nyameɛ mɔ amukoraa ɔ.

⁴Ye sa nu yeɛ aseɛ bo dɔ kuronn ne wɔ ɔ; na mmokaa mɔ so anwuro anwuro koso te ye deɛ.

⁵Ɛpo te ye deɛ, ofikyɛ ye yeɛ ɔbɔle ɔ, yeɛ aseɛ wosee koso, ye sa yeɛ ɔhyehyɛle ɔ.

⁶Ao, ɛmɔbra maa yɛbɔ yɛ nu ase yɛsɔne ye, ɛ́mɔma yɛ́bu ndwerɛ wɔ AWURADE bɔ ɔbɔle yɛ ne, ye nyunu!

⁷ Ofikyɛ ɔte yɛ Nyameɛ, na yɛte ye mmenia bɔ ɔma bɛ aleɛ ɔ, ɔne ye sa nu mmoaen. Ao, sɛ ahaa ɛnɛ ɛmɔkotie ye noa dwirɛ a!

⁸Nnɛma ɛmɔyɛ asoserɛ, kyɛbɔ ɛmɔyɛle wɔ Meriba ne, kyɛbɔ ɛmɔyɛle ye sɔ kyẽa ne wɔ Masa wɔ ɛserɛ ne aso ne,

⁹mmerɛ bɔ ɛmɔ nana mɔ sole me bɛneane, ná bɛgyegyele me ne, ɔwɔ nu kyɛ né banwu me nnwumaa de.

¹⁰Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

¹¹Yiti mvɛle yaa ndale ndaen kyɛ, “Bengowura me nwomelelɛ ne anu bie.”