Read Sehwi Yeremia 45 Bible Online

Yeremia 45 - Sehwi bible

Yeremia 45

¹Yuda hene Yehoakim bɔ ye baba ole Yosia ne, ye ahennie afoɛ bɛ ɔtɔ so nna ne anu, edwirɛ bɔ ngɔmhyɛlɛniɛ Yeremia hã hyirele Neria awa Baruku mane Baruku koso hyerɛle Yeremia noa dwirɛ ne guale nwomaa nu ne, ye ɛhe.

²“Ao Baruku, AWURADE Yisrael Nyameɛ ose wɔ kyɛ,

³Ɛnwa, ‘Edwirɛ ato me oo! Ofikyɛ AWURADE wafa aworabɔlɛ waboka me yealɛ so; mapene mafɛ, na mennya me nwome menne.’

⁴Kã kyire ye kyɛ, AWURADE nwa nyoo: Tie, bɔ masi ne, ngobubu ye, yeɛ bɔ malua ne, ngotutu ye bo. Na ngɔyɛ ɛhe wɔ aseɛ ye amukoraa so.

⁵Na wɔ, aso nningyein mbiri mbiri yeɛ ɛpena mma wɔ nwo ɔ? Nnɛpena, ofikyɛ ngɔprapra musue ngogua anwoɔnaen amukoraa so, AWURADE noa dwirɛ ɛne. Nakoso wɔ de, ekonya wɔ ti kodidi nu kyɛ koɛ nu nzesadeɛ wɔ nekaa biala bɔ ɛkɔhɔ ɔ.”