Read Sehwi Numeri 33 Bible Online

Numeri 33 - Sehwi bible

Numeri 33

¹Yisraelfoɛ tuli bɛ bo koɛhonɛfoɛ kure kure fili Misraim aseɛ so, bɔ né Mose ne Aarɔn la bɛ noa ne, nekaa ahoroɔ bɔ bɛkyekyele asikyeleɛ mɔ ɛhe.

²Mose hyerɛhyerɛle nekaa ahoroɔ bɔ betuli bɛ bo befili ne, kyɛbɔ AWURADE hyɛle bɛ ne. Na nekaa ahoroɔ bɔ betuli bɛ bo befili nemɔ ɛhe.

³Bosome bɔ oli moa, ye kyẽa bɔ ɔtɔ so buru ne nnu ne, besili nu befili Ramese. Belili Abɔtra ne, ye alehyeleɛ, Yisraelfoɛ sili bɛ hue betuli bɛ bo, bɔ né Misraimfoɛ nye tua bɛ ɔ.

⁴Sɔ mmerɛ ne, né Misraimfoɛ begu so besie bɛ bamuɛbaa mɔ amukoraa bɔ AWURADE ahũhũ bɛ wafi bɛ nu ne. Misraimfoɛ nyameɛ nemɔ koso, AWURADE amva bɛ nwo angyɛ bɛ.

⁵Yiti Yisraelfoɛ tuli bɛ bo fili Ramese, na bɛɛkyekyele asikyeleɛ wɔ Sukote.

⁶Betuli bɛ bo befili Sukote, na bɛɛkyekyele asikyeleɛ wɔ Etam, bɔ ɔwɔ ɛserɛ ne anoa dɔ ne.

⁷Betuli bɛ bo befili Etam, na besale bɛ si bɛhɔle Pi Hahirote, bɔ ɔwɔ Baal Sefon ndendeneɛ so ne, na bɛɛkyekyele asikyeleɛ wɔ Migidol nyunu.

⁸Betuli bɛ bo befili Pi Hahirote, bɛpɛle ɛpo ne bɛhɔle ɛserɛ ne aso, bɛpɛle atee bɔ bɛfa ɛlɛsa yeɛ bɛpɛ ɔ wɔ Etam ɛserɛ ne aso, na bɛɛkyekyele asikyeleɛ wɔ Mara.

⁹Betuli bɛ bo befili Mara, na beedwuli Elim. Né mbombonzue buru ne nyɔ ɔne ayee aburasoo wɔ Elim, na bɛɛkyekyele asikyeleɛ wɔ berɛ.

¹⁰Betuli bɛ bo befili Elim, na bɛɛkyekyele asikyeleɛ wɔ Ɛpo Kɔkorɛ ne anoa.

¹¹Betuli bɛ bo befili Ɛpo Kɔkorɛ ne anoa, na bɛɛkyekyele asikyeleɛ wɔ Sin ɛserɛ ne aso.

¹²Betuli bɛ bo befili Sin ɛserɛ ne aso, na bɛɛkyekyele asikyeleɛ wɔ Dofeka.

¹³Betuli bɛ bo befili Dofeka, na bɛɛkyekyele asikyeleɛ wɔ Aluse.

¹⁴Betuli bɛ bo befili Aluse, na bɛɛkyekyele asikyeleɛ wɔ Refidim. Né mmenia ne bennya nzue bɛnno wɔ berɛ.

¹⁵Betuli bɛ bo befili Refidim, na bɛɛkyekyele asikyeleɛ wɔ Sinai ɛserɛ ne aso.

¹⁶Betuli bɛ bo befili Sinai ɛserɛ ne aso, na bɛɛkyekyele asikyeleɛ wɔ Kibrote Hataawa.

¹⁷Betuli bɛ bo befili Kibrote Hataawa, na bɛɛkyekyele asikyeleɛ wɔ Haserote.

¹⁸Betuli bɛ bo befili Haserote, na bɛɛkyekyele asikyeleɛ wɔ Ritema.

¹⁹Betuli bɛ bo befili Ritema, na bɛɛkyekyele asikyeleɛ wɔ Rimon Pɛrɛse.

²⁰Betuli bɛ bo befili Rimon Pɛrɛse, na bɛɛkyekyele asikyeleɛ wɔ Libina.

²¹Betuli bɛ bo befili Libina, na bɛɛkyekyele asikyeleɛ wɔ Risa.

²²Betuli bɛ bo befili Risa, na bɛɛkyekyele asikyeleɛ wɔ Kehelata.

²³Betuli bɛ bo befili Kehelata, na bɛɛkyekyele asikyeleɛ wɔ Sefere bokaa ne anwo.

²⁴Betuli bɛ bo befili Sefere bokaa ne anwo, na bɛɛkyekyele asikyeleɛ wɔ Harada.

²⁵Betuli bɛ bo befili Harada, na bɛɛkyekyele asikyeleɛ wɔ Makelote.

²⁶Betuli bɛ bo befili Makelote, na bɛɛkyekyele asikyeleɛ wɔ Tahate.

²⁷Betuli bɛ bo befili Tahate, na bɛɛkyekyele asikyeleɛ wɔ Tara.

²⁸Betuli bɛ bo befili Tara, na bɛɛkyekyele asikyeleɛ wɔ Miteka.

²⁹Betuli bɛ bo befili Miteka, na bɛɛkyekyele asikyeleɛ wɔ Hasemona.

³⁰Betuli bɛ bo befili Hasemona, na bɛɛkyekyele asikyeleɛ wɔ Moserote.

³¹Betuli bɛ bo befili Moserote, na bɛɛkyekyele asikyeleɛ wɔ Bene Yaakan.

³²Betuli bɛ bo befili Bene Yaakan, na bɛɛkyekyele asikyeleɛ wɔ Hore Hagidade.

³³Betuli bɛ bo befili Hore Hagidade, na bɛɛkyekyele asikyeleɛ wɔ Yotebata.

³⁴Betuli bɛ bo befili Yotebata, na bɛɛkyekyele asikyeleɛ wɔ Abrona.

³⁵Betuli bɛ bo befili Abrona, na bɛɛkyekyele asikyeleɛ wɔ Esion Gebɛre.

³⁶Betuli bɛ bo befili Esion Gebɛre, na bɛɛkyekyele asikyeleɛ wɔ Sen ɛserɛ so (bɔ ye ole Kadese).

³⁷Betuli bɛ bo befili Kadese, na bɛɛkyekyele asikyeleɛ wɔ Hore bokaa ne anwo. Ɔwɔ Edom aseɛ ne wɛen so.

³⁸ Yisraelfoɛ fili Misraim aseɛ so ne, ye afoɛ aburanna ne anu, kyẽa bɔ oli moa wɔ bosome bɔ ɔtɔ so nnu ne anu ne, ɔsɔfo Aarɔn fo hɔle Hore bokaa ne aso kyɛbɔ AWURADE hyɛle ye ne, na oowuli wɔ berɛ.

³⁹Aarɔn wuli wɔ Hore bokaa ne aso nen, né wali afoɛ ɛyaa ko aburanyɔ ne nza.

⁴⁰Na Arade hene, bɔ ɔte Kanaanniɛ bɔ né ɔte Kanaan aseɛ ne ye ngwaen dɔ ne, ɔtele Yisraelfoɛ nga kyɛ bɛba.

⁴¹Betuli bɛ bo befili Hore bokaa ne anwo, na bɛɛkyekyele asikyeleɛ wɔ Salmona.

⁴²Betuli bɛ bo befili Salmona, na bɛɛkyekyele asikyeleɛ wɔ Punɔn.

⁴³Betuli bɛ bo befili Punɔn, na bɛɛkyekyele asikyeleɛ wɔ Obote.

⁴⁴Betuli bɛ bo befili Obote, na bɛɛkyekyele asikyeleɛ wɔ Yiye Abarim, bɔ ɔwɔ Moabo aseɛ so ne.

⁴⁵Betuli bɛ bo befili Yiyim, na bɛɛkyekyele asikyeleɛ wɔ Dibɔn-Gade.

⁴⁶Betuli bɛ bo befili Dibɔn Gade na bɛɛkyekyele asikyeleɛ wɔ Almɔn Diblatayim.

⁴⁷Betuli bɛ bo befili Almɔn Diblatayim, na bɛɛkyekyele asikyeleɛ wɔ Abarim mmokaa nemɔ anu, wɔ Nebo ndendeneɛ so.

⁴⁸Betuli bɛ bo befili Abarim mmokaa nemɔ anu, na bɛɛkyekyele asikyeleɛ wɔ Moabo aseɛ frɛtɛɛ ne aso, wɔ asue Yɔɔdan bue nu dɔ bɔ opingye Yeriko ne.

⁴⁹Bɛɛkyekyele asikyeleɛ wɔ Yɔɔdan noa, fi Bete Yesimote alaa beedwuli Abel Sitim wɔ Moabo aseɛ frɛtɛɛ ne aso.

⁵⁰Moabo aseɛ frɛtɛɛ ne aso, wɔ asue Yɔɔdan bue nu dɔ bɔ opingye Yeriko ne, berɛ yeɛ AWURADE sele Mose kyɛ,

⁵¹“Kã kyire Yisraelfoɛ kyɛ, Sɛ ɛmɔpɛ asue Yɔɔdan bɛkɔ Kanaan aseɛ ne aso a,

⁵² ye de ɛ́mɔfoa aseɛ ne aso ama mukoraa béfi ɛmɔ nyunu. Bɛ mmosoen bɔ bafa nyɔboɛ base ɔne b’amoen mɔ bɔ bahuro nikyee bafa bayɔ amukoraa, ɛ́mɔsɛkye bɛ. Ɛ́mɔbubu b’asɔneyɛɛ amukoraa bégua,

⁵³ná ɛ́mɔfa aseɛ ne bɛtena so, ofikyɛ mafa aseɛ ne mama ɛmɔ kyɛ ɛmɔfa.

⁵⁴Na ɛ́mɔfa serewagualɛ so bɛ́hyɛ aseɛ ne kyɛbɔ ɛmɔ mmusua mmusua nemɔ bɛ mbiri si te ɔ. Abusua bɔ ɔte piri ne, odi kyɛ ɛmɔma bɛ aseɛ piri, yeɛ bɔ ɔte kãa ne koso ɛ́mɔma bɛ aseɛ ne kaaba. Nekaa bɔ serewagualɛ ne kɔye kɔma ebiala ne, ma berɛ ɔyɛ ye deɛ. Ebiala konya ye agyapadeɛ wɔ ye nana mɔ abusua kure deɛ nu.

⁵⁵Nakoso sɛ ɛmɔamvoa aseɛ ne aso ama bamvi ɛmɔ nyunu a, ye de bɛ bɔ ɛmɔkɔmaa bɛkɔha aseɛ ne aso ne, bɛkɔyɛ kyɛ mmakaa bɛkɔwowɔ ɛmɔ nye, bɛkɔyɛ kyɛ mmowue bɛkɔwowɔ ɛmɔ mvenu, na bɛkɔha ɛmɔ adwene wɔ aseɛ bɔ ɛmɔkwaatena so ne aso.

⁵⁶Na nikyee bɔ nyɛle m’adwene kyɛ ngɔfa ngɔyɔ bɛ ne, ɛmɔ yeɛ ngɔfa ngɔyɔ ɛmɔ ɔ.”