Read Sehwi 1 Korintofoɛ 8 Bible Online

1 Korintofoɛ 8 - Sehwi bible

1 Korintofoɛ 8

¹Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

²Na sɛ ebie dwene kyɛ ole nimdeɛ a, né onnya nnyane nimdeɛ bɔ ɔsɛ kyɛ onya ɔ.

³Na sona bɔ okuro Nyameɛ dwirɛ nen, ye yeɛ Nyameɛ se ye ɔ.

⁴ Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

⁵Ye po sɛ nikyee biemɔ bɔ bɛfrɛ bɛ nyameɛ wɔ berɛ a, sɛ bɛwɔ nyameɛso oo, anaa aseɛ so oo, kyɛbɔ nyameɛ pee ne meneɛ pee wɔ berɛ ne,

⁶ yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

⁷Nakoso nna mmenia mukoraa yeɛ bele nimdeɛ he ɔ. Mmenia biemɔ adwene ahɔ bosoensolɛ nu kyengyekyengye bɔ ɔbaadwu ɛnɛ ye po, sɛ bedi sɔ aleɛ ne bie a, b’adwene yɛ bɛ kyɛ amba bedi bosoen so aleɛ, na ɔma bɛ tiboa bɔ ɔyɛ mmerɛ ne gua bɛ nwo fiɛ.

⁸Aleɛ ngora mma yɛnzɔ Nyameɛ nye. Sɛ yanni a, yɛnhwere hwee, yeɛ sɛ yɛdi koso a, yɛnnya ngɔsoɛ biala.

⁹ Nakoso ɛ́mɔnea yé ná sɔ fawɔnwodi bɔ ɛmɔle ye wɔ ɛhe nwo ne, wanyɛ sundidua wamma bɛ bɔ bɛyɛ mmerɛ ne.

¹⁰Na sɛ sona bie bɔ ye tiboa yɛ mmerɛ nwu wɔ bɔ ele nimdeɛ ne kyɛ edidi bosoen asɔneyɛɛ sua nu a, aso ɛhe ngɔwɔ ye kɔme asi ma ongoli bosoen so aleɛ ne bie?

¹¹Na eliɛma bɔ ɔyɛ mmerɛ, bɔ Kristo wu mane ye ne, aso ɔnate wɔ nimdeɛ ti ɔsɛ kyɛ owu anaa?

¹²Na sɛ ɛmɔyɔ ɛmɔ aliɛma mɔ sɔ bɔne ne bɛfa betia bɛ tiboa bɔ ɔyɛ mmerɛ ne a, né ɛmɔayɔ batia Kristo.

¹³ Yiti sɛ aleɛ to aliɛmaa sundidua a, nzaade mengoli sɔ aleɛ ne le, ná mamma wamvi ase.