Read Sehwi Galatiafoɛ 6 Bible Online

Galatiafoɛ 6 - Sehwi bible

Galatiafoɛ 6

¹ Aliɛmaa mɔ, sɛ ɛmɔ nu bie yɔ bɔne a, ɛmɔ bɔ ɛmɔte sunzum nufoɛ ne, ɔsɛ kyɛ ɛmɔfa aboterɛ bɛtengyɛtengyɛ ye. Nakoso nea wɔ nwo yé ná wɔ wora angɔ nzɔhwɛ nu.

² Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

³ Ofikyɛ sɛ ebie dwene kyɛ odi mu, nakoso ɔtte huu a, ɔlakalaka ye bɔbɔ ye nwo.

⁴ Yiti ma oso ye bɔbɔ ye adwuma nea, na ɛhe kɔmaa ɔkɔfa nikyee bɔ ye bɔbɔ wayɔ kɔhoahoa ye nwo, na ɔngɔfa ebie deɛ.

⁵ Ofikyɛ ebiala kɔsoa ye bɔbɔ ye adesoa.

⁶ Ma ebiala bɔ osua nzɛmba ne, ɔma ye kyerɛkyerɛniɛ ye nikyee paa biala bɔ ole ɔ bie.

⁷Nnɛma ɛmɔlakalaka bɛ nwo, na bɛgoro Nyameɛ nwo. Ofikyɛ bɔ sona dua ne ala yeɛ okobu ɔ.

⁸ Na bɔ sona biala dua ye wɔ anwoɔnaen akɔnnɔ nu ne, okonya ewue kofi anwoɔnaen nu; nakoso bɔ odua ye wɔ Sunzum nu ne, okonya daa ngoa kofi Sunzum nu.

⁹ Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

¹⁰ Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

¹¹ Ɛmɔnea ahyerɛlɛ mbiri bɔ mafa me bɔbɔ me sa mahyerɛ mabrɛ ɛmɔ ye!

¹² Mmenia bɔ bɛpena anwoɔnaen nu animnyam nen, bɛ yeɛ bɛhyɛ ɛmɔ kyɛ ɛmɔpɛ ɛmɔ bienzua ɔ. Na bɛyɔ sɔ kyɛbɔ Kristo mmeamudua ne ati mmenia ngɔtane bɛ nye ɔ.

¹³ Na bɛ bɔ bapɛ bɛ bienzua ne po, bɛ bɔbɔ benni mmeraa ne aso; nakoso bɛpena kyɛ ɛmɔpɛ ɛmɔ bienzua, amaa ɔnate so bahoahoa bɛ nwo ɛmɔ nwonaen nu.

¹⁴ Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

¹⁵ Sɛ ebie pɛ ye bienzua oo, wambɛ ye bienzua oo, nu biala nwo nhia; kyɛ bɛkɔwo wɔ foforɛ yeɛ ohia ɔ.

¹⁶Na mmenia amukoraa bɔ bedi nhyehyɛleɛ he aso ne, asomdwee ne anwumvoinnwunɛ ɔyɛ bɛ, ɔne Yisrael bɔ ɔte Nyameɛ deɛ ne ye deɛ.

¹⁷ Ofi ɛnɛ bɔ ɔkɔ ɔ, nnɛma ebiala ha me; ofikyɛ manya Yesu etwa wɔ me nipadua nwo.

¹⁸Aliɛmaa mɔ, y’Awurade Yesu Kristo adom ne ɛmɔ sunzum bɛtena. Amen.