Read Sehwi Kolosefoɛ 4 Bible Online

Kolosefoɛ 4 - Sehwi bible

Kolosefoɛ 4

¹ Meneɛ mɔ, edwirɛ bɔ ɔte pɛpɛɛpɛ ná ɔtengyɛ yeɛ ɛ́mɔfa beli ɛmɔ ngoaa mɔ ɔ, ofikyɛ ɛmɔse kyɛ ɛmɔ koso ɛmɔle Meneɛ wɔ nyameɛso.

² Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.

³ Ɛ́mɔbɔ mbaeɛ bɛ́ma yɛ koso, kyɛ Nyameɛ bukye edwirɛ ne nwo atee ma yɛ, ma yɛbɔ Kristo mvealeɛ nu dwirɛ ne dawure, edwirɛ bɔ yiti yeɛ nna kukunu ye.

⁴Ɛ́mɔsrɛ bɛ́ma me kyɛ ngyirekyire nu pefee kyɛbɔ ɔsɛ kyɛ mekyire nu ɔ.

⁵ Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.

⁶ Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.

⁷ Tihiko kɔɔfa me nwo dwirɛ kɔbɔ ɛmɔ amaneɛ. Ɔte aliɛmaa bɔ mekuro ye dwirɛ paa ne nahorɛ adwumayɔlɛniɛ, ɔne mmiɛngo somvoɛ wɔ Awurade nu.

⁸ Ɛhe ati yeɛ masoma ye ɛmɔ berɛ ɔ, amaa ɛmɔanwu kyɛbɔ yɛ nwo si te ɔ, ná wakyekye ɛmɔ wora,

⁹ na masoma ye ne Onesimo, aliɛmaa nahorɛniɛ bɔ ɔla m’ahone nwo, bɔ ɔte ɛmɔ nu ko ne, Na bɛkɔhã bɔ wasi wa amukoraa bekohyire ɛmɔ.

¹⁰ Mmiɛngo kukununiɛ Aristako bisa ɛmɔ ahye; Banaba awosea Marko bɔ ɛmɔnyane ye nwo ngraa ne koso sɔ ala, (sɛ ɔba ɛmɔ berɛ a, ɛ́mɔle ye nyemene so).

¹¹Yesu bɔ bɛfrɛ ye Yusto ne koso obisa ɛmɔ ahye. Ɛhemɔ ngome yeɛ bɛte bienzuapɛlɛfoɛ bɔ bɛne me yɛyɔ Nyameɛ ahennie ne nwo adwuma ɔ, na bɛte aworakyekyerɛ ma me.

¹²Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

¹³ Medi ye nwo adanzeɛ kyɛ wabɔ mmɔden paa wama ɛmɔ ne Laodikeafoɛ ne Hirapolifoɛ.

¹⁴ Yɛ dɔfo safoɛ Luka ɔne Dema bebisa ɛmɔ ahye.

¹⁵ Mebisa aliɛmaa mɔ bɔ bɛwɔ Laodikea; yeɛ afei Nimva ne asɔre bɔ ɔwɔ ye awuro ne ahye.

¹⁶ Sɛ ɛmɔkenga krataa he wɔ ɛmɔ nu beyie a, ɛ́mɔma bɛkenga ye wɔ Laodikeafoɛ asɔre nu koso. Ɛmɔ koso odi kyɛ ɛmɔkenga Laodikeafoɛ krataa bɔ bɛkɔfa bɛkɔbrɛ ɛmɔ ne.

¹⁷ Ɛmɔhã behyire Akipo kyɛ, “Nea kyɛ ɛkɔyɔ ɛsolɛ adwuma bɔ anya afi Awurade berɛ ne ekoyie pɛpɛɛpɛ ɔ.”

¹⁸ Me Pɔɔlo, me bɔbɔ me sa noa ahyerɛlɛ he yeɛ mefa mebisa ɛmɔ bisabisa ɔ. Ɛ́mɔkaye kyɛ ndɛla kuku nu. Adom ɔyɛ ɛmɔ deɛ. Amen.