Read Sehwi 1 Timoteo 2 Bible Online

1 Timoteo 2 - Sehwi bible

1 Timoteo 2

¹ Afei, bɔ oli moa wɔ ye mukoraati nu ɔ, metu foɛ kyɛ, ɔsɛ kyɛ ɛmɔdi ngotosrɛ, mbaeɛbɔlɛ, odima ne asennaa nwo dwumaa bɛma mmenia amukoraa,

² ahemvo ne bɛ bɔ tumi wura bɛ sa amukoraati, amaa ɔnate so yatena ase konn, ná yɛ so anu atɔ yɛ, nyamesom paa ne anidie brabɔlɛ amukoraa nu.

³Na sɔ te paa, na ɔsɔ yɛ Ngoadefoɛ Nyameɛ nye,

⁴ ye bɔ okuro kyɛ mmenia amukoraa benya daa ngoa ná bɛba nahorɛ nimdeɛ ne anu ne.

⁵ Ofikyɛ Nyameɛ te komapɛ twe, na Nyameɛ ne adasa mmaa b’afia ndamgyinaniɛ te komapɛ, bɔ ye ole Kristo Yesu;

⁶ bɔ ɔfa yɛle mbata mane mmenia amukoraati, adanzeɛ bɔ ɔwale nu wɔ mmerɛ bɔ bahyɛ bato berɛ ne anu ne.

⁷ Na ɛhe ati yeɛ batu me basie berɛ bayɛ me nzɛmbahanɛniɛ ne somafoɛ ɔ, (mekã nahorɛ [wɔ Kristo nu], na membɛ ngondombo), nde Amaenmaensofoɛ nu kyerɛkyerɛniɛ wɔ gyidie ne nahorɛ nu.

⁸Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

⁹Sɔ ala koso yeɛ ɔsɛ kyɛ mmrasua mɔ bɛfa anwobrɛaseɛ bewura ndaadeɛ bɔ ɔfata, bɔ ongua bɛ nyunu ase ɔ; bɔ nna tire bɔ babɔ ye mmɛsa, sikaa kɔkorɛ, afire paa anaa ndena nyɔboɛserɛ ahɔ ɔ;

¹⁰na mmom nnwumaa paa bɔ ɔfata mmrasua bɔ bɛda nyamesom ali ɔ.

¹¹Ma brasua ɔyɛ konn osua edwirɛ ne wɔ anwobrɛaseɛ mukoraati nu.

¹²Brasua de, memma ye ate kyɛ ɔyɛ ngyerɛkyerɛ anaa oli bienzua so; na mmom ɔsɛ kyɛ omua ye noa.

¹³ Ofikyɛ belili moa bɛbɔle Adam koraka yeɛ bɛbɔ Hawa ɔ.

¹⁴ Nna Adam yeɛ bɛlakalakale ye ɔ; na mmom brasua ne yeɛ bɛlakalakale ye maa ɔtone mmeraa ɔ.

¹⁵Nakoso sɛ ɔtena gyidie ne ɔdɔ ne krongronyɛlɛ ne anwobrɛaseɛ nu a, bekole ye ngoa wɔ ye mmaaworɛ nu.