Read Sembeleke Kini Pieke 36 Bible Online

Kini Pieke 36 - Sembeleke bible

Kini Pieke 36

¹Dota꞉ mo hande Iso o biki ma꞉nda꞉ Idomo la꞉la꞉ somena꞉ monduma꞉ monduma꞉ pieke wekiwandikina꞉ wekiwandikina꞉ bikie.

²Isoma꞉ta꞉ Keinani wanda꞉weki miekeme. Ma꞉nda꞉ta꞉ Hidi hali Ilonona꞉ waneke Ada miekeme. Kutupa mo Hipi hali Sibionona꞉ eiyeke Anana꞉ waneke Oholibama make

³Nebeiotona꞉ beliki Ba꞉sema꞉deta꞉ Isima꞉elona꞉ waneke make miekeme.

⁴Titina꞉ wanda꞉ Adama꞉ta꞉ Elipa꞉se mendiaeyekeme. Ba꞉sema꞉dema꞉ta꞉ Leuelo mendiaeyekeme.

⁵Kutupa Oholibamama꞉ta꞉ Dieusi make Dialamo make Kota make mendiaeyekeme. Do weki paeyaota꞉ mo Keinani kenke pa꞉ta꞉ hata꞉ Isona꞉ mendiaemeke weki tonue.

⁶Kutupa Isoma꞉ta꞉ ipika꞉ wanda꞉weki make eiyeke tonu make waneke tonu make ipika꞉ da pa꞉ta꞉ haemeke wanda꞉hali paeyao make ipika꞉ ma꞉na꞉manu make mo Keinani kenke pa꞉ta꞉ hata꞉ mieke alemanu paeyao tonka꞉na꞉ mea hameke Dieikope mina꞉pa꞉lao mo kenke ma꞉nda꞉ pa꞉ta꞉ peekeme.

⁷Ipiki mina꞉pa꞉laeyeke ekita꞉ mo Dieikope ipiliki haepeke kenketa꞉ ne doka꞉tiki yeke piekeme. Ipilika꞉ ma꞉na꞉ manuta꞉ wotu ta̱la̱o̱ handolo hata꞉ homeke pa꞉ta꞉ hapeke na yekeme.

⁸Koto ekina꞉ Isota꞉ mo Idomona꞉ pote eli pa꞉ta꞉ pu hayekeme.

⁹Dota꞉ mo hande Idomo wanda꞉halina꞉ apa꞉mei Isona꞉ monduma꞉ monduma꞉ pieke wekiwandikina꞉ wekiwandikie.

¹⁰Isona꞉ weteke Adama꞉ta꞉ weki homeke Elipa꞉se mendiaeyekeme.Kutupa weteke ma꞉nda꞉ Ba꞉sema꞉dema꞉ta꞉ weki homeke Leuelo mendiaeyekeme.

¹¹Isona꞉ eiyeke Elipa꞉sema꞉ta꞉ weki yunki hata꞉ mendiekeme. Ika꞉ biki manuta꞉ Temani make Oma make Sepo make Ka꞉tamo make Kena꞉se makee.

¹²Kutupa Elipa꞉sena꞉ pa hameke e pokaeyeke wanda꞉ ma꞉nda꞉ Timinama꞉ta꞉ ipiki pa꞉ta꞉ weki homeke A꞉ma꞉leke mendiaeyekeme.

¹³Kutupa Isona꞉ eiyeke Leueloma꞉ta꞉ weki tonkopu mendiekeme. Ika꞉ biki manuta꞉ Nahati make Sita make Siama make Misa makee. Ikita꞉ mo Ba꞉sema꞉dena꞉ wekina꞉ eiyeke tonue.

¹⁴Isona꞉ weteke ma꞉nda꞉ Oholibamama꞉ta꞉ weki tepo mendiaeyekeme.Ika꞉ biki manuta꞉ Dieusi make Dialamo make Kota makee.Oholibamama꞉ta꞉ mo hande Sibionona꞉ eiyeke Anana꞉ wanekee.

¹⁵Dota꞉ mo Iso pa꞉ta꞉ yama꞉ epemeke tapake you hali manue.Mo Isona꞉ mupeke weki Elipa꞉seta꞉ do tapake manuna꞉ apa꞉meie.Temani make Oma make Sepo make Kena꞉se make

¹⁶Kota make Ka꞉tamo make A꞉ma꞉leke makee.Do tapake manuta꞉ mo Isona꞉ weteke Ada pa꞉ta꞉ yama꞉ epemeke tapake manue.

¹⁷Isona꞉ eiyeke Leuelo pa꞉ta꞉ yama꞉ epeeke tapaketa꞉ Nahati make Sita make Siama make Misa makee. Do tapake manuta꞉ Isona꞉ weteke Ba꞉sema꞉de mendiaeyeke ekie.

¹⁸Dota꞉ mo hande Anana꞉ waneke Oholibamama꞉ Isona꞉ mendiaeyeke weki tonuna꞉ tapakemanue. Dieusi make Dialamo make Kota make mendiaeyekeme

¹⁹Koto tapake paeyaota꞉ Iso pa꞉ta꞉ yama꞉ epemeke tapakemanue Seiyana꞉ monduma꞉ monduma꞉ pieke tapakemanu

²⁰Mo Idomo kenke kini pea haemeke tapakemanu ika꞉ apa꞉meita꞉ mo Ho hali Seiyana꞉ monduma꞉ monduma꞉ pieke wekiwandikina꞉ wekiwandikie. Koto tapake manuna꞉ apa꞉meina꞉ biki manuta꞉ doe.Loutani make Soubalo make Sibiono make Ana make

²¹Disiono make Esa make Disiana꞉ makee.

²²Loutanita꞉ mo Hoti pita꞉ Hemane yaapona꞉ apa꞉meie. Kutupa Loutanina꞉ belikita꞉ Timinae.

²³Soubalota꞉ mo Elipani make Manahati make Ebalo make Siepo make Onamo make paeyaona꞉ apa꞉meie.

²⁴Sibionota꞉ weki yaapo Aiyali pita꞉ Ana yaapo mendiekeme. Anata꞉ mo hande atekena꞉ donkimanu mo hande hapu hayeke alema꞉ handeteke hata꞉ mo titipu piki ikali opeekeeki handa꞉ wieke somee.

²⁵Anata꞉ mo Disionona꞉ atekee. Anama꞉ta꞉ wandiki ma꞉nda꞉ Oholibama make mondu wiekeme.

²⁶Disionota꞉ do tapake manuna꞉ apa꞉meie. Hemedani make Esibani make Itidani make Dietani makee.

²⁷Esata꞉ mo Bilihane make Sapani make Akane make koto tapake manuna꞉ apa꞉meie.

²⁸Disiana꞉ta꞉ mo Usu pita꞉ Atani tapake yaapona꞉ apa꞉meie.

²⁹Koto mo hande Idomo kenke pa꞉ta꞉ haemeke Ho tapake manuna꞉ bikie. Loutani make Soubalo make Sibiono make Ana make Disiono make Esa make Disiana꞉ makee. Idomona꞉ Kinimanu

³¹Amba꞉ta꞉ mo Isulai wanda꞉halita꞉ kinimanu ma꞉nda꞉ma꞉ na handeteke haena꞉ta꞉ mo Idomo kenke pa꞉ta꞉ kini pieke kini manuna꞉ bikimanu doe.

³²Beona꞉ eiyeke Belata꞉ mo Idomona꞉ kini hali hayekeme. Ipika꞉ daonina꞉ bikita꞉ Dinihabae.

³³Bela homeeke dina꞉ta꞉ Sitana꞉ eiyeke Diobabema꞉ anketeke mea kini hali hayekeme. Ipika꞉ daonita꞉ Bositae.

³⁴Diobabe homeeke dina꞉ta꞉ Husamima꞉ ipika꞉ anketeke mea kini hali hayekeme. Ipikita꞉ mo Temani kenke pa꞉ta꞉ epeeke somee.

³⁵Husami homeeke dina꞉ta꞉ Bedadena꞉ eiyeke Hadadema꞉ ipika꞉ anketeke mea kini hali hayekeme. Ipika꞉ daonina꞉ bikita꞉ Apitie. Ipikana꞉ma꞉ta꞉ mo Moa꞉be kenke pa꞉ta꞉ mo Midiani tapake ame̱le̱ a꞉nda꞉ pea bepolayeke somee.

³⁶Hadade homeeke dina꞉ta꞉ mo Maseteka hali Samelama꞉ ipika꞉ anketeke mea kini hali hayekeme.

³⁷Kutupa Samela homeeke dina꞉ta꞉ mo ikali tea꞉na꞉ hayeke Teihobodi daoni pa꞉ta꞉ hayeke some Siauluma꞉ ipika꞉ anketeke mea kini hali hayekeme.

³⁸Siaulu homeeke dina꞉ta꞉ Akebona꞉ eiyeke Baele Hananema꞉ anketeke mea kini hali hayekeme.

³⁹Akebona꞉ eiyeke Baele Hanane homeeke dina꞉ta꞉ Hadadema꞉ anketeke miekeme. Ipika꞉ daonina꞉ bikita꞉ Paue. Ipika꞉ weteketa꞉ mo Mesahabena꞉ waneke Matededena꞉ waneke Mehetabelee.

⁴⁰Dota꞉ mo hande Iso pa꞉ta꞉ yama꞉ epeeke tapake manuna꞉ you haliwekina꞉ biki manue.Timina make Alapa make Dietede make

⁴¹Oholibama make Ela make Pinono make

⁴²Kena꞉se make Temani make Mibisa make

⁴³Makediele make Itame makee. Koto you haliwekimanu haemeke kenke manuta꞉ ika꞉ bikimanu yalao haemeke tapake manue.