Read Sembeleke Kini Pieke 5 Bible Online

Kini Pieke 5 - Sembeleke bible

Kini Pieke 5

¹Dota꞉ mo hande A꞉da꞉ma꞉na꞉ tapakena꞉ biki ula꞉ ekie. Koda꞉ma꞉ hande wanda꞉hali wepieke dina꞉ta꞉ ipikima꞉ kone handeke wanda꞉hali wepitolota꞉

²hali pita꞉ wanda꞉ yaapo wepiekeme. Ipikana꞉ma꞉ta꞉ mo tooli ta꞉na꞉ma꞉ homaasa꞉ pi laaka꞉na꞉ ipilika꞉ bikita꞉ Wanda꞉halie laa wiekeme.

³A꞉da꞉ma꞉ ipika꞉ bapi 130 mieketa꞉ ipikima꞉ handeke weki ma꞉nda꞉ mondu wiaata꞉ ipika꞉ bikita꞉ Sedi leekeme.

⁴Koto hoki naneta꞉ A꞉da꞉ma꞉ta꞉ bapi 800 hayekeme. Koto bapi tukiki pa꞉ta꞉ta꞉ mandane wekiwandiki make mendiekeme.

⁵Kutupa ipikita꞉ 930 bapina꞉ta꞉ homeekeme.

⁶Mo Sedi ipika꞉ bapi 105 yeketa꞉ biki Inosi leeke weki mondu wiekeme.

⁷Kutupa bapi 807 tukiki pa꞉ta꞉ta꞉ mandane wekiwandiki make mondu wiaata꞉

⁸ipika꞉ 912 bapina꞉ta꞉ homeekeme.

⁹Mo Inosi ipika꞉ bapi 90 yeketa꞉ biki Kenana leeke weki mondu wiekeme.

¹⁰Kutupa bapi 815 tukiki pa꞉ta꞉ta꞉ mandane wekiwandiki make mondu wiaata꞉

¹¹mo 905 bapina꞉ta꞉ homeekeme.

¹²Mo Kenana ipika꞉ bapi 70 yeketa꞉ Mahalale biki leeke weki mondu wiekeme.

¹³Kutupa bapi 840 tukiki pa꞉ta꞉ta꞉ mandane wekiwandiki make wopu mondu wiaata꞉

¹⁴mo 910 bapina꞉ta꞉ homeekeme.

¹⁵Mo Mahalale bapi 65 yeketa꞉ Dia꞉tedi biki leeke weki mondu wiekeme.

¹⁶Kutupa bapi 830 tukiki pa꞉ta꞉ta꞉ mandane wekiwandiki make mondu wiaata꞉

¹⁷mo 895 bapina꞉ta꞉ homeekeme.

¹⁸Mo Dia꞉tedi ipika꞉ bapi 162 yeketa꞉ biki Onoko leeke weki mondu wiekeme.

¹⁹Kutupa bapi 800 tukiki pa꞉ta꞉ta꞉ mandane wekiwandiki make mondu wiaata꞉

²⁰mo 962 bapina꞉ta꞉ homeekeme.

²¹Mo Inoko ipika꞉ bapi 65 yeketa꞉ biki Medusela leeke weki mondu wiekeme.

²²Koto hoki naneta꞉ Inokota꞉ 300 bapi tukiki pa꞉ta꞉ta꞉ Koda꞉ yaapo ta꞉ma꞉ni pea hata꞉ mandane wekiwandiki mondu wiekeme.

²³Ipikita꞉ do kenkena꞉ 365 bapi hata꞉

²⁴Koda꞉ yaapo ta꞉ma꞉ni pipikime. Kutupa ipikita꞉ Koda꞉ma꞉ miekeeki yalo hata꞉ pa alu paeyekeme.

²⁵Mo Medusela ipikita꞉ bapi 187 yeketa꞉ biki La꞉meke leeke weki mondu wiekeme.

²⁶Kutupa bapi 782 tukiki pa꞉ta꞉ta꞉ mandane wekiwandiki make mondu wiekeme.

²⁷Kutupa 965 bapina꞉ta꞉ homeekeme.

²⁸Mo La꞉meke ipikita꞉ bapi 182 yeketa꞉ weki mondu wia hata꞉

²⁹alota꞉ Mo Tekehalima꞉ esihou pi wieke kenkena꞉ kone do wekima꞉ta꞉ do nika꞉ ka꞉nda꞉ paeyao mea baalo pa꞉la꞉ wekie alo hata꞉ ipika꞉ bikita꞉ Noa leekeme.

³⁰Kutupa bapi 595 pa꞉ta꞉ta꞉ mandane wekiwandiki make mondu wiekeme.

³¹Kutupa 777 bapina꞉ta꞉ homeekeme.

³²Kutupa Noa ipiki bapi 500 mieketa꞉ weki tepo mondu wiekeme. Ika꞉ bikita꞉ Seme make Ha꞉me make Dieipedi yekeme.