Read cisena Kutoma 36 Bible Online

Kutoma 36 - cisena bible

Kutoma 36

¹Ipi mphidzukulu pya Esau wakuchemerwa pontho Edomu.

²Esau adasemba akazi a mu Kanani: Ada, mwana Eloni wa Chihiti; Oholibama mwana Anahi, mdzukuluache[85] Zibeoni wa Chihivi,

³na Basemati, mwana Ishimaele, pontho ule ndi nyamaingache Nebaioti.

⁴Ada adabala Elifazi; Basemati adabala Reuele;

⁵Oholibama adabalambo Yeushi, Yalamu na Kora. Ana achimuna onsenewa babawo akhali Esau. Iwo adabalwa m'dziko ya Kanani.

⁶Tenepo Esau adakwata akazache, anache achimuna na achikazi ene, anthu onsene akhali na iye, pifuyo pyache pyonsene pontho na pyonsene pidagumana iye m'dziko ya Kanani mbaenda kudziko inango kutali na mbaleache Yakobo.

⁷Iye adabuluka thangwi dziko ikhakhala iye pabodzi na Yakobo hikhali yakukwana tayu, thangwi onsene awiri akhali na pifuyo pizinji, natenepo nee mbadakwanisa kukhala pabodzi pene tayu.

⁸Natenepo Esau adakhala m'dziko ya mapiri ya Seiri.

⁹Ipi mphidzukulu pya Esau, kholo wa Aedomu ale akhakhala m'dziko ya mapiri ya Seiri.

¹⁰Ada, mkazi Esau, adabala mwana mbodzi basi wamamuna dzinache Elifazi; tenepo Elifazi akhali na ana ashanu achimuna: Temani, Omara, Zefo, Gatamu na Kenazi. Pontho mkazache unango dzinache Timina akhali na mwana unango wamamuna dzinache Amaleki. Basemati, mkazi Esau, adabala mwana mbodzi basi wamamuna dzinache Reuele. Tenepo Reuele akhali na ana anayi achimuna: Nahati, Zera, Shama na Miza.

¹⁴Oholibama, mkazi Esau wachitatu, mwana Anahi, pontho mdzukuluache[86] wa Zibeoni, adabala ana atatu achimuna: Yeushi, Yalamu na Kora.

¹⁵Awa ndi mafumu akubulukira muna Esau. Mwana Esau wautombo dzinache Elifazi ndiye akhali kholo wa mafumu awa: Temani, Omara, Zefo, Kenazi,

¹⁶Kora, Gatamu na Amaleki. Pyonsenepi ndiye pikhali pidzukulu pya Esau na mkazache Ada.

¹⁷Mwana Esau dzinache Reuele ndiye akhali kholo wa mafumu awa: Nahati, Zera, Shama na Miza. Pyonsenepi ndiye pikhali pidzukulu pya Esau na mkazache Basemati.

¹⁸Mafumu ali m'tchindemu mbana a Esau na mkazache Oholibama, mwana Anahi: Yeushi, Yalamu na Kora.

¹⁹Mafumu onsenewa adabulukira muna Esau.

²⁰Awa mbana achimuna a Seiri wa Chihori, ale akhakhala m'nthemba mule: Lotani, Shobali, Zibeoni, Anahi,

²¹Dishoni, Ezeri na Dishoni. Ana enewa a Seiri mu Edomu akhali mafumu a Chihori.

²²Lotani adabala ana awiri achimuna, Hori na Hemani. Lotani akhali na nyamainga dzinache Timina.

²³Shobali adabala ana achimuna Alivani, Manahati, Ebali, Shefo na Onamu.

²⁴Zibeoni adabala ana achimuna Aia na Anahi. Anahi weneyu ngule adagumana mchera wa madzi akupisa m'thando yatchetcha pandzidzi ukhadyesa iye mabulu a babache Zibeoni.

²⁵Anahi adabala mwana wamamuna dzinache Dishoni, pontho mwana wamkazi dzinache Oholibama.

²⁶Dishoni adabala ana anayi achimuna, Hemidani, Eshibani, Ithirani na Kerani.

²⁷Ezeri adabala ana atatu achimuna, Bilihani, Zaavani, na Akani.

²⁸Dishani adabala ana awiri achimuna, Uzi na Arani.

²⁹Mafumu a Chihori mbawa: Lotani, Shobali, Zibeoni, Ana, Dishoni, Ezeri na Dishani. Enewa ndiye akhali mafumu a Chihori malingana na mbumba zawo m'dziko ya Seiri.

³¹Mafumu, ale akhatonga mu Edomu, mfumu wa Israele adzati tonga tayu mbawa:

³²Bela mwana Beori ndiye akhali mfumu wa Edomu. Mzindache udathulwa Dinihaba.

³³Pidafa Bela, Yobabu, mwana Zera wa kumzinda wa Bozira ndiye adapita m'mbuto mwache.

³⁴Pidafa Yobabu, mwana Hushamu wa kunthemba ya Temani ndiye adapita ufumu m'mbuto mwache.

³⁵Pidafa Hushamu, Hadadi, mwana Bedadi ule adakunda Amidiani m'dziko ya Moabu ndiye adapita ufumu m'mbuto mwache. Mzindache udathulwa Aviti.

³⁶Pidafa Hadadi, Samula, wa ku Masireka ndiye adapita ufumu m'mbuto mwache.

³⁷Pidafa Samula, Shauli, wa ku Rehoboti, gombe ya mkulo wa Yufurate, ndiye adapita ufumu m'mbuto mwache.

³⁸Pidafa Shauli, Baala-Hanani, mwana Akibori ndiye adapita ufumu m'mbuto mwache.

³⁹Pidafa Baala-Hanani, mwana Akibori, Hadari ndiye adapita ufumu m'mbuto mwache. Mzindache udathulwa Pau. Pontho dzina ya mkazache ikhali Mehetabele mwana Matiredi mdzukuluache Mezahabu.

⁴⁰Madzina a mafumu akubalwa na Esau malingana na mbumba pontho nthembache mbawa: Timina, Aliva, Yeteti,

⁴¹Oholibama, Ela, Pinoni,

⁴²Kenazi, Temani, Mibizari,

⁴³Magidiele na Iramu. Enewa ndiye akhali mafumu a Edomu malingana na kukhazikika kwawo m'dziko ikhakhala iwo. Esau akhali kholo wa Aedomu.