Read cisena Kutoma 5 Bible Online

Kutoma 5 - cisena bible

Kutoma 5

¹Ipi mphidzukulu pya Adamu. Pidalenga Mulungu anthu, iye adaasasanya mwakulandana na iye ene.

²Iye adaalenga iwo mamuna na mkazi mbaatsanzayisa. Tenepo iye adaathula “Anthu.”

³Pikhali Adamu pyaka dzana na makumatatu pyakubalwa, iye adabala mwana wamamuna wakulandana na iye mbamthula Seti.

⁴Kubuluka penepo Adamu adakhala pontho na moyo pyaka pinango madzana masere. Iye adabala pontho ana anango

⁵mbafa ana pyaka madzana mafemba na makumatatu.

⁶Pikhali Seti na pyaka dzana na pishanu pyakubalwa, iye adabala mwana wamamuna dzinache Enosi.

⁷Kubuluka penepo adakhala pontho na moyo pyaka pinango madzana masere na pinomwe. Iye adabala ana anango

⁸mbafa ana pyaka madzana mafemba na khumi na piwiri.

⁹Pikhali Enosi na pyaka makumafemba pyakubalwa, iye adabala mwana wamamuna dzinache Kenani.

¹⁰Kubuluka penepo adakhala pontho na moyo pyaka pinango madzana masere na khumi na pishanu. Iye adabala ana anango

¹¹mbafa ana pyaka madzana mafemba na pishanu.

¹²Pikhali Kenani pyaka makumanomwe pyakubalwa, iye adabala mwana wamamuna dzinache Mahalalele.

¹³Kubuluka penepo adakhala pontho na moyo pyaka pinango madzana masere na makumanayi. Iye adabala ana anango

¹⁴mbafa ana pyaka madzana mafemba na khumi.

¹⁵Pikhali Mahalalele pyaka makumatanthatu na pishanu pyakubalwa, iye adabala mwana wamamuna dzinache Yaredi.

¹⁶Kubuluka penepo adakhala pontho na moyo pyaka pinango madzana masere na makumatatu. Iye adabala ana anango

¹⁷mbafa ana pyaka madzana masere na makumafemba na pishanu.

¹⁸Pikhali Yaredi pyaka dzana na makumatanthatu na piwiri pyakubalwa, iye adabala mwana wamamuna dzinache Enoki.

¹⁹Kubuluka penepo adakhala pontho na moyo pyaka pinango madzana masere. Iye adabala ana anango

²⁰mbafa ana pyaka madzana mafemba na makumatanthatu na piwiri.

²¹Pikhali Enoki pyaka makumatanthatu na pishanu pyakubalwa, iye adabala mwana wamamuna dzinache Metusela.

²²Kubuluka penepo Enoki adakhala na moyo wakuphatizana na Mulungu pyaka madzana matatu. Iye adabala ana anango

²³mbafa ana pyaka madzana matatu na makumatanthatu na pishanu.

²⁴Enoki moyo wache onsene adakhala mukuphatizana na Mulungu. Kubuluka penepo iye hadaonekeve tayu, thangwi Mulungu adamkwata.

²⁵Pikhali Metusela pyaka dzana na makumasere na pinomwe pyakubalwa, iye adabala mwana wamamuna dzinache Lameki.

²⁶Kubuluka penepo adakhala pontho na moyo pyaka pinango madzana manomwe na makumasere na piwiri. Iye adabala ana anango

²⁷mbafa ana pyaka madzana mafemba na makumatanthatu na pifemba.

²⁸Pikhali Lameki pyaka dzana na makumasere na piwiri pyakubalwa, iye adabala mwana wamamuna

²⁹mbalonga mbati, “Kubuluka kuna mataka onthowo ale adatembererwa na MBUYA mwana ushu anadzesa chiphedzo kubuluka panyatwa zathu zakuphata basa mwakunensa.” Tenepo mwanayo adamthula Nowa.[21]

³⁰Lameki adakhala pontho na moyo pyaka pinango madzana mashanu na makumafemba na pishanu. Iye adabala ana anango

³¹mbafa ana pyaka madzana manomwe na makumanomwe na pinomwe.

³²Pidakwanisa Nowa pyaka madzana mashanu, iye adabala ana atatu achimuna dzinawo Semu, Hamu na Yafeti.