Read cisena 2 SAMUELE 4 Bible Online

2 SAMUELE 4 - cisena bible

2 SAMUELE 4

¹Pidava Ishiboseti mwana Sauli kuti Abineri akhadaphiwa ku Hebroni, adachita mantha, pontho anthu onsene a mu Israele adagoswera napyo.

²Ishiboseti akhali na akadamu a magulu a nkhondo awiri, Baana na Rekabu, ana achimuna a Rimoni wa ku Beeroti a m'dzinza ya Benjemani. Beeroti ambawerengerwa ninga khundu ya Benjemani,

³mbwenye Abeeroti akhakhala mwenemo pakutoma adathawira ku Gitaimu kukhakhala iwo na kale ene kule.

⁴Chidzukulu chinango cha Sauli chikhali Mefiboseti mwana Yonatani ule akhali na pyaka pishanu pyakubalwa pidaphiwa Sauli na Yonatani. Pidava iye kubulukira ku Yezereele pya kuphiwa kwa Sauli na Yonatani makayayache adamthukula mbathawa naye. Kwache iye akhachimbiza pyakwanga mwakuti adamgwisa mbalamala miyendo.

⁵Baana na Rekabu adautoma ulendo wakwenda kunyumba ya Ishiboseti mbafika kweneko masikati mwenemo iye akupuma.

⁶Mkazi wakuyang'anira pamsuwo akhaodzira pikhabubuda iye tirigu, tenepo adagona chitulo. Baana na Rekabu adamyamira mbapita m'bwalo.[3]

⁷Kabodzi kene adenda kusubi kwa Ishiboseti mukhaliza iye mkhonono patalimba pache mbampha. Tenepo iwo adagwanda msolo wache mbaenda nawo mosiku onsene kugwanda na m'phedi ya Yorodani.

⁸Iwo adapereka msolowo kuna Mfumu Davite ku Hebroni mbalonga kuna iye mbati, “Ufu msolo wa Ishiboseti mwana wa nyamalwanu Sauli akhayesa kukuphani ule. Lero MBUYA atawirisa kuti mfumu mubwezere Sauli na pidzukulu pyache.”

⁹Davite adalonga kuna iwo mbati, “Ndinadumbira na dzina ya MBUYA ule adandipulumusa kuna pyakugoswa pyonsene.

¹⁰Nyamphangwa ule adadza kuna ine ku Zikilagi dzandipanga pya imfa ya Sauli, adanyerezera kuti adadza na mphangwa zadidi. Ine ndidamphata mbandimphesa. Wenewu ndiye ukhali mfupo udatambira iye thangwi ya mphangwa zache zadidizo.

¹¹Pinakhala pyakugoswa pyakwanga kuna munthu wakuchita upandu kuna munthu okhonda dawa wakugona pyache m'nyumba mwache! Ine ndinati ndikubwezereni thangwi ya upandu wachita imwe, pontho ndinati ndikutswaireni padziko yonsene yapansi.”

¹²Davite adatonga kuti anyankhondo ache aphe Baana na Rekabu mbaagwanda manja na manyalo. Tenepo adaamanika pamuti chifupi na thawale mu Hebroni. Iwo adakwata msolo wa Ishiboseti mbaufikhira m'masiye a Abineri mu Hebroni.