Read cisena 1 MAFUMU 7 Bible Online

1 MAFUMU 7 - cisena bible

1 MAFUMU 7

¹Solomoni adamangambo nyumbache yachifumu. Nyumbayo idakwata pyaka khumi na pitatu kuti imale kumangwa.

²Iye adamanga Chinyumba chakuchemerwa Msitu wa Lebanoni[12] ulaphiache ukhali makhono makumanayi na manayi, umimbache ukhali makhono makumawiri na awiri, chengo chache chikhali makhono khumi na atatu na kati ya khono. Ikhali na mizere mitatu[13] ya mizati yamkungudza. Pamzera ponsene pakhali na mizati khumi na mishanu na mphalupalu zamkungudza kutsamira mizati yeneyi. Nsoyi yache idamangwa na matabwa amkungudza; chenechi chidafika mpakana kumasubi akukoyeramo pyombo na pinthu pinango, ale akhawangiswa na mizati yeneyi.

⁴Kukhundu zonsene ziwiri za mafufu kukhali mizere mitatu ya mazhanera.

⁵Misuwo na mazhanera ikhali na nkhomo zinayi pontho mizere mitatu ya mazhanera m'mafufu kukhundu ziwiri zonsene ikhayang'anisana.

⁶Iye adamanga Chinyumba cha Nsanamira ulaphiache ukhali makhono makumawiri na mawiri, umimbache makhono khumi na matatu na kati ya khono. Kunkhope kwache kukhali balanda ile ikhali na nsanamira.

⁷Iye adamanga Chinyumba cha Mpando Wachifumu, chakuchemerwa pontho Chinyumba cha Kutongeramo Miseru, mule mukhatongera Solomoni miseru, tenepo pansi pache kufikirana kunsoyi pakhali mapembo amkungudza.

⁸Nyumba zache zene za Solomoni, zile zidamangwa kunduli kwa Chinyumba cha Kutongeramo Miseru, zikhali sasawa na nyumba zinango. Iye adamanga pontho nyumba yakukhala ninga zontho zile kuti ikhale ya mkazache, ule akhali mwana wamkazi wa mfumu wa ku Iguputo.

⁹Nyumba zonsenezi na chintalo chikulu chene zikhali zakumangwa na miyala yadidiletu kutomera maziko mpakana kunsoyi. Miyalayo ikhali yakusemwa yakusiyana-siyana mathungawo mbichitwa kucheketezwa mwadidi uku na uku pakuphatisa basa lima.

¹⁰Maziko a nyumbazo adamangwa na miyala mikulu-mikulu yadidi yakusemwaletu. Miyala inango kulapha kwache kukhali makhono matatu na kati ya khono, inango makhono manayi.

¹¹Padzulu pa miyala yeneyi pakhali pontho miyala inango yakusiyana-siyana mathungache pontho na matabwa amkungudza.

¹²Chintalo chikulu chidazungulirwa na mpanda wakukhala na mzera ubodzi wakuikhwa matabwa pamzera wachitatu onsene wa miyala; ninga mudachitirwambo mpanda wakuzungulira chintalo cha Nyumba ya Mulungu, pontho na balanda ya nyumba yachifumu.

¹³Mfumu Solomoni adachemeresa munthu unango dzinache Hiramu. Iye akhali misiri wankuwa wakukhala kumzinda wa Turo, pontho akhali nyaluso pyakwanga pabasa yankuwa.

¹⁴Babache ule adafa kale ene akhali wakubulukira ku Turo, iyembo akhali misiri waluso pyakwanga wankuwa; mache Hiramu akhali wa dzinza ya Nafitali. Hiramu akhali wanzeru pyakwanga pontho wakuidziwa mwadidi mwene basache. Iye adatawira kuchemerwa kudachita iye na Mfumu Solomoni kuti iye akhale nyakuyang'anira basa yonsene yankuwa.

¹⁵Hiramu adasasanya nsanamira ziwiri zankuwa. Ibodzi ulaphiache ukhali makhono masere. Kukula kwache manungo kukhali makhono mashanu na dzanja, pontho ntchindu yache ikhali pyala pinayi mbazitchimika pamsuwo wakupitira m'Nyumba ya Mulungu.

¹⁶Iye adasasanya pontho mphanda zankuwa padzulu pa nsanamira; ubodzi ulaphiache ukhali makhono mawiri na dzanja ibodzi.

¹⁷Padzulu pa nsanamira zile iye adazithemesera mwadidi na mangalade asimbi.

¹⁸Tenepo iye adasasanya pinango pyakuoneka ninga ntheme mbapiikha m'mizera miwiri kuzungulira mangaladewo.

¹⁹Mphanda zile zikhali padzulu pa nsanamira zile zidasasanywa kuoneka ninga maluwa a m'madzi; thungache ukhali khono ibodzi na manja manayi.

²⁰Pansanamira, padzulu pa mangalade akhadazungulira nsanamira zile, iye adaikha nkhata. Tenepo padzulu pa nkhata padaikhwa ntheme madzana mawiri m'mizera pamphanda ziwiri zile.

²¹Hiramu adaikha nsanamira ziwiri zankuwa kunkhope kwa msuwo wakupitira m'Nyumba ya Mulungu. Nsanamira yakumwera idathula Yakini,[14] inangombo yakumpoto adaithula Boazi.[15]

²²Mphanda yankuwa ile ikhakhala ninga maluwa a m'madzi idaikhwa padzulu pa nsanamira zile. Natenepo basa yakusasanya nsanamira idamala.

²³Hiramu adasasanya phiso ikulu yankuwa yakukoyeramo madzi. Kuzwika kwache kukhali makhono mawiri na dzanja ibodzi; milomo yache ikhali makhono manayi; manungo ache akhali makhono khumi na matatu na dzanja ibodzi.

²⁴Kuzungulira minenwa ya phisoyo kunsi adaikhako mizere miwiri ya pinango pyakuoneka ninga ndiko zankuwa, pile pidaumbirwa kubodzi kwene na phiso ile.

²⁵Phisoyo adaithikitiza pamsana pa ng'ombe zimuna zankuwa khumi na ziwiri, zile zikhayang'ana kunja, zitatu kuyang'ana kumpoto, zitatu kuyang'ana kumadokero dzuwa, zitatu kuyang'ana kumwera, pontho zitatu kuyang'ana kumabulukiro dzuwa.

²⁶Ntchindu ya phiso ikuluyo ikhali ninga pyala pinayi. Milomo yache ikhali ninga milomo ya khomitcho, yakufuthukira kunja ninga masamba a maluwa a m'madzi. Chinthu chenechi chikhakoya madzi akukwana nkhali pikwi piwiri.

²⁷Hiramu adasasanya pontho pigudumu pyankuwa khumi. Chigudumu chibodzi ulaphiache ukhali khono ibodzi na manja manayi, umimbache ukhali khono ibodzi na manja manayi, pontho thungache ikhali khono ibodzi na manja mawiri.

²⁸Masasanyiro ache akhali tenepa: akhali na magulupiya, ale adaphatiswa na masimbi m'nkhomo mwawo.

²⁹Pamagulupiya pakati pa masimbi pakhadathemeserwa na pinthu pyakuoneka ninga nkhalamu, ng'ombe na pyakulengwa pyakukhala na maphaphido; penepi pikhali pontho pamasimbi akuphatisira m'nkhomo mwawo ale. Padzulu na pansi pene pa nkhalamu, ng'ombe na pyakulengwa pyakukhala na maphaphido pikhali pontho na pyakuthemesera pya nkhata.

³⁰Pigudumu pyonsene pikhali na magaleta manayi ankuwa pontho pakati pa magaleta mawiri onsene pakhali mtanda wankuwa wakuphataniza magaleta. M'khomo zonsene zinayi zikhali na mafuwa, ale akhaphatiswa basa kukhazika phiso. Mafuwa onsene akhathemeserwa mwadidi na nkhata.

³¹Pakati pa nkhomo zinayi zile zidabulukira kunja padzulu pakhali magulupiya ale chengo chawo chikhali kati ya khono. Kuzwika kwa chakuphatisira phiso chile chikhadazungulirwa na magulupiya kukhali manja manayi, pontho milomo yache ikhadathemeserwa mwadidi na mangalade.

³²Magaletawo ulaphiache ukhali manja manayi; magaletawo akhali m'tchinde mwa magulupiya, pontho mitanda ikhadaphataniza magaleta akhadasasanywa kukhala phindi ibodzi ene na pigudumu.

³³Magaletawo akhadasansanywa ninga a chingolo; mitandache yakuphataniza magaleta mawiri ale, maviri, masipoko na mahabu ache pikhali pyankuwa.

³⁴Pansi pa pigudumu pyonsene m'nkhomo zache mukhali pyakuimisiramo pinayi pile pikhadasasanywa kukhala phindi ibodzi na pigudumu.

³⁵Pakhali bande yakulapha yakukwana dzanja ibodzi kuzungulira padzulu pa chigudumu chonsene; pyakuimisira pyache na magulupiya ache pikhadasasanywa kukhala phindi ibodzi na chigudumu.

³⁶Pyakuimisira na magulupiya pikhali pyakuthemeserwa mwadidi na pyakulengwa pyakukhala na maphaphido, nkhalamu, na miti yamchindu, ponsene pene pakhali mbuto yakuikhapo pinthu penepi, pontho na mangalade kuzungulira konsene kwene.

³⁷Mwenemu ndiye mule mudasasanyirwa pigudumu; pyonsene pikhaoneka sasawa; thungawo ikhali ibodzi ene, pontho masasanyiro ache akhali abodzi ene.

³⁸Hiramu adasasanya pontho maphiso khumi. Phiso ibodzi pachigudumu chibodzi. Phiso ibodzi milomo yache ikhali khono ibodzi na manja manayi, pontho mukhapita madzi akukwana mabekete makumanayi.

³⁹Iye adaikha pigudumu pishanu kukhundu yakumwera kwa Nyumba ya Mulungu mbakwata pontho pigudumu pinango pishanu pile mbapiikha kukhundu yakumpoto kwa Nyumba ile; phiso ikulu yakukoyeramo madzi ile adaiikha pankhomo yakumwera kumabulukiro dzuwa.

⁴⁰Hiramu adasasanya pontho pikalango, mafosholo na ndilo. Iye adamalisa basa yonsene idampasa Mfumu Solomoni yakumanga Nyumba ya MBUYA. Pidasasanywa mphipi: Nsanamira ziwiri Mphanda ziwiri zakuoneka ninga ndilo padzulu pa nsanamira Pyakuthemesera piwiri pyakuoneka ninga mangalade pamphanda ziwiri Pyakuthemesera pyakuoneka ninga ntheme madzana manayi, kuikha madzana mawiri m'mizera miwiri kada mphanda ibodzi padzulu pa mangalade Pigudumu khumi Pyakusambiramo khumi Phiso ikulu yakukoyeramo madzi Ng'ombe zimuna khumi na ziwiri padakhazikwa phiso ikului Pikalango, mafosholo na ndilo. Pinthu pyonsene pya m'Nyumba ya MBUYA pidasasanya Hiramu kusasanyira Mfumu Solomoni pikhali pyankuwa wakuyetimira.

⁴¹

⁴²

⁴³

⁴⁴

⁴⁵

⁴⁶Mfumu adasasanyisa pyonsenepi pakunyungulusa nkuwa mbapiikha m'pikombole pya dongo m'phedi ya Yorodani pakati pa Sukoti na Zaretani.

⁴⁷Solomoni hadayese kulemera kwa pinthupyo tayu, thangwi pikhalipo pizinji pyakwanga, natenepo kulemera kwapyo hadakudziwe tayu.

⁴⁸Solomoni adasasanya pinthu pyonsene pyagolidi pya m'Nyumba ya Mulungu: guwa yansembe, thebulu yakuikhirapo mikate yakuperekwa kuna Mulungu;

⁴⁹pyakuikhirapo nyale khumi pile pidaikhwa patsogolo pa Mbuto Yakuchenesesa, pishanu kukhundu yakumwera, pishanumbo kukhundu yakumpoto; maluwa, nyale na chakukwizira tsakala;

⁵⁰makhomitcho, pyakukwizira tsakala ya nyale, ndilo, piwaya pyakufukizira pyakununkhira, na piwaya pyakupalira makala amoto; na pyakuphatisa msuwo wa m'Nyumba ya Mulungu na wa m'Mbuto Yakuchenesesa. Pyonsenepi pidasasanywa na golidi.

⁵¹Pidamalisa Mfumu Solomoni basa yonsene ya pa Nyumba ya Mulungu, adaikha m'masubi akukoyeramo pinthu pya m'Nyumba ya Mulungu, pinthu pyonsene pidapambulira babache Davite kuna MBUYA; siliva, golidi na pyombo pinango.