Read cisena 1 MBIRI 24 Bible Online

1 MBIRI 24 - cisena bible

1 MBIRI 24

¹Magulu-magulu a pidzukulu pya Aroni mbawa: Aroni adabala ana anayi achimuna: Nadabu, Abihu, Eleazara na Itamara.

²Nadabu na Abihu adafa babawo mbadzati kufa, tenepo iwo adafa akusowa ana, natenepo abale awo Eleazara na Itamara adakhala anyansembe.

³Mfumu Davite adagawa pidzukulu pya Aroni kuaikha m'magulu malingana na mabasawo. Iye adaphedzwa kuchita penepi na Zadoki, chidzukulu cha Eleazara, pontho na Ahimeleki, chidzukulu cha Itamara.

⁴Pidzukulu pya Eleazara pidaikhwa m'magulu khumi na atanthatu, mwenemo pidzukulu pya Itamara pidaikhwa m'magulu masere. Penepi pidachitika, thangwi pakati pa pidzukulu pya Eleazara pakhali akadamu achimuna azinji a m'mabanja.

⁵Na thangwi yakuti pakhali akadamu a Nyumba ya MBUYA, na akadamu a chipembedzo pakati pa pidzukulu pya Eleazara na Itamara, tenepo basa idaperekwa kuna iwo pakuchita ntsango.

⁶Pidzukulu pya Eleazara na Itamara pikhachita kupitisirana pakuchita ntsango. Kubuluka penepo iwo adalembwa na Shemaia mwana Netanele, nyakulemba wa Chilevi. Mfumu, mathubu ache, nyansembe Zadoki, Ahimeleki mwana Abiatara, akadamu a mabanja a anyansembe na mabanja a Chilevi, onsene akhali mboni.

⁷Uli m'tchindewu ndi nyandandanda wa mule mukhaphatira basa magulu-magulu makumawiri na anayi akubulukira m'mabanja: Ntsango yakutoma idagwera Yehoiaribu yachiwiri idagwera Yedaia yachitatu idagwera Harimu yachinayi idagwera Seorimu yachishanu idagwera Malikia yachitanthatu idagwera Miamini yachinomwe idagwera Hakozi yachisere idagwera Abia yachifemba idagwera Yeshua yachikhumi idagwera Shekania yachikhumi na chibodzi idagwera Eliashibu yachikhumi na chiwiri idagwera Yakimu yachikhumi na chitatu idagwera Hupa yachikhumi na chinayi idagwera Yeshebeabu yachikhumi na chishanu idagwera Biliga yachikhumi na chitanthatu idagwera Imeri yachikhumi na chinomwe idagwera Heziri yachikhumi na chisere idagwera Hapizezi yachikhumi na chifemba idagwera Petahia yachimakumawiri idagwera Yehezikele yamakumawiri na chibodzi idagwera Yakini yamakumawiri na chiwiri idagwera(...)

¹⁹Amuna enewa adalembwa malingana na mabasa adapaswa iwo akupita m'Nyumba ya MBUYA kaphata mabasa adakhazikisa kholo yawo Aroni pakuvera pidatonga MBUYA Mulungu wa Israele pile.

²⁰Ali m'tchindemu mbakadamu anango a mabanja a pidzukulu pya Levi: Yedeia, mwana Shubaele, mdzukuluache Amuramu;

²¹Ishia, chidzukulu cha Rehabia;

²²Yahati, mwana Shelomoti, mdzukuluache Izihara;

²³Yeria, Amaria, Yahaziele na Yekameamu ana Hebroni panyandandanda wa kubalwa kwawo;

²⁴Shamiri mwana Mika, mdzukuluache Uziele;

²⁵Zekaria mwana Ishia mbaleache Mika, mdzukuluache Uziele;

²⁶Mahili, Mushi na Yaazia, pidzukulu pya Merari.

²⁷Yaazia adabala ana atatu achimuna: Shohamu, Zakuri na Ibiri.

²⁸Mahili adabala ana awiri achimuna: Eleazara na Kishu. Eleazara hadabale mwana wamamuna tayu, mbwenye Kishi adabala mwana mbodzi wamamuna dzinache Yerameele.

³⁰Mushi adabala ana atatu achimuna: Mahili, Ederi na Yerimoti. Enewa ndiye akhali mabanja a Levi.

³¹Iwo akhachitambo ntsango ninga mukhachitira abale awo pidzukulu pya Aroni pamaso pa Mfumu Davite, Zadoki, Ahimeleki na pamaso pa mafumu a mabanja a unyansembe na Alevi. Mabanja a mbaleawo autombo akhachitambo sasawa na mabanja a chimalisira bele.