Read cisena 1 MBIRI 27 Bible Online

1 MBIRI 27 - cisena bible

1 MBIRI 27

¹Uli m'tchindewu ndi nyandandanda wa akadamu a mabanja a Aisraele na akadamu a madzinza na mathubu awo ale akhafambisa pya ufumu. Mwezi na mwezi gulu inango ya anthu pikwi makumawiri na pinayi ikhapita kaphata basa pansi pa mkadamu wa mwezi wenewo.

²Uli m'tchindewu ndi nyandandanda wa akadamu mwezi na mwezi: Mwezi wakutoma: Yashobeamu mwana Zabidiele (iye akhali wa m'banja ya Perezi mbodzi wa dzinza ya Yuda) Mwezi wachiwiri: Dodai chidzukulu cha Ahohi (Mikiloti ndiye akhali wachiwiriache) Mwezi wachitatu: Benaia mwana Yehoiada nyansembe; iye akhali mkadamu wa “Anthu Makumatatu”, ale mwanache Amizabadi adapita m'mbuto mwache kukhala mkadamu wa guluyo. Mwezi wachinayi: Asahele mbaleache Yoabu (mwana Zebadia ndiye adapita m'mbuto mwache) Mwezi wachishanu: Shamuhuti chidzukulu cha Izara. Mwezi wachitanthatu: Ira mwana Ikeshi wa ku Tekoa. Mwezi wachinomwe: Helezi chidzukulu cha Eferemu wa ku Peloni. Mwezi wachisere: Sibekai wa ku Husha (iye akhali wa banja ya Zera khundu inango ya dzinza ya Yuda) Mwezi wachifemba: Abiezere wa ku Anatoti m'nthemba ya Benjemani. Mwezi wakhumi: Maharai wa ku Netofa (iye akhali wa m'banja ya Zera) Mwezi wakhumi na chibodzi: Benaia wa ku Piratoni m'(...)

¹⁶Uli m'tchindewu ndi nyandandanda wa mathubu a madzinza a Israele: Dzinza ya Rubeni, thubu wawo akhali Eliezere mwana Zikiri ya Simioni, akhali Shefatia mwana Maaka ya Levi, akhali Hashabia mwana Kemuele ya Aroni, akhali Zadoki ya Yuda, akhali Elihu mbodzi wa abale ache Mfumu Davite ya Isakara, akhali Omri mwana Mikaele ya Zebuloni, akhali Ishimaia mwana Obadia ya Nafitali, akhali Yeremoti mwana Aziriele ya Eferemu, akhali Hoshea mwana Azazia ya Manase yakumadokero dzuwa, akhali Yowele mwana Pedaia ya Manase yakumabulukiro dzuwa, akhali Ido mwana Zekaria ya Benjemani, akhali Yaasiele mwana Abineri, pontho ya Dani akhali Azarele mwana Yerohamu.

²³Davite hadachite kalembera wa anthu okhonda kwanisa pyaka makumawiri pyakubalwa tayu, thangwi MBUYA adadumbira kuti anachitisa Aisraele kuinjipa ninga nyenyezi za kuthambo.

²⁴Yoabu, ule mache akhali Zeruia, adatoma kuchita kalembera, mbwenye hadamalise tayu. Mulungu adatchunyusa Israele, thangwi ya kalembera weneyu. Natenepo konta yakumalisira hidalembwe tayu m'mabukhu a mbiri ya Mfumu Davite.

²⁵Uli m'tchindewu ndi nyandandanda wa anthu ale akhayang'anira pinthu pya mfumu: Azimaveti mwana Adiele akhayang'anira masubi akukoyeramo pinthu pya mfumu; Yonatani mwana Uzia akhayang'anira mfuma yakubulukira kunthemba, mizinda, midzi na nsanja za anyakulondali; Ezeri mwana Kelubi akhayang'anira anyabasa akumunda; Shimei wa ku Rama akhayang'anira munda wamfesa; Zabidi wa ku Shefamu akhayang'anira basa ya kusasanya na kukoya vinyu; Baala-Hanani wa ku Gederi akhayang'anira miti yaolivi na ya mikuyu ya m'tchinde mwa mapiri kumadokero dzuwa; Yoasi akhayang'anira mwakukoyera mafuta aolivi; Shitirai wa ku Sharoni akhayang'anira basa ya kuuswa ng'ombe pamtetete wa Sharoni; Shafati mwana Adilai akhayang'anira basa ya kuuswa ng'ombe m'maphedi; Obili wa Chiishimaele akhayang'anira ngamila; Yedeia wa ku Meronoti akhayang'anira mabulu; pontho na Yazizi wa Chihagiri akhayang'anira mabira na mbuzi.

³²Yonatani, mbuyache Mfumu Davite, akhali phungu wanzeru pontho wakufunza pyakwanga. Iye pabodzi pene na Yehiele mwana Hakimoni akhali anyakufunzisa ana mfumu.

³³Ahitofelo akhali phungu wa mfumu. Hushai wa Chiariki akhali shamwaliache mfumu.

³⁴Pidafa Ahitofelo, Abiatara na Yehoiada mwana Benaia adakhala mapungu. Yoabu akhali mkadamu wa anyankhondo a mfumu.