Read cisena 1 MBIRI 3 Bible Online

1 MBIRI 3 - cisena bible

1 MBIRI 3

¹Madzina ali m'tchindemu mbana achimuna a Davite kutomera wautombo kufikirana chimalisira bere, ale adabalwa pandzidzi ukhali Davite mu Hebroni: Aminoni ule mache akhali Ahinoamu waku Yezereele. Daniele ule mache akhali Abigaile wa ku Karimele. Abisalomu ule mache akhali Maaka mwana wamkazi wa Mfumu Talimai wa ku Geshuri. Adonia ule mache akhali Hagiti. Shefatia, ule mache akhali Abitali. Itireamu, ule mache akhali Egila.

⁴Onsene atanthatu adabalwa mu Hebroni pandzidzi ukhatonga Davite kweneko pyaka pinomwe na theka. Iye akhali mfumu mu Yerusalemu mbatonga pyaka makumatatu na pitatu,

⁵tenepo ana azinji adaabalira kweneko. Batisheba mwana wamkazi wa Amiele adambalira ana anayi achimuna: Shimea, Shobabu, Natani na Solomoni.

⁶Iye akhali pontho na ana anango afemba achimuna: Ibihari, Elishua, Elifeleti,

⁷Noga, Nefegi, Yafia,

⁸Elishama, Eliada na Elifeleti.

⁹Kuthimizira pa ana enewa, Davite akhali pontho na ana achimuna adambalira akazache achibitchu. Iye akhali pontho na mwana wamkazi dzinache Tamara.

¹⁰Ipi mphidzukulu pya Mfumu Solomoni kutomera baba munthu kufikirana mwana munthu: Solomoni, Rehoboamu, Abia, Asa, Yehosafati,

¹¹Yehoramu, Ahazia, Yoasi,

¹²Amazia, Uzia, Yotamu,

¹³Ahazi, Hezekia, Manase,

¹⁴Amoni, na Yosia.

¹⁵Yosia adabala ana anayi achimuna: Yohanani, Yehoiakimu, Zedekia na Shalumu.

¹⁶Yehoiakimu adabala ana awiri achimuna: Yehoiakini, na Zedekia.

¹⁷Ipi mphidzukulu pya Yehoiakini, ule adakwatwa unyaperezo kwenda ku Babiloni. Yehoiakini, adabala ana anomwe achimuna: Shealatiele,

¹⁸Malikiramu, Pedaia, Shenazara, Yekamia, Hoshama na Nedabia.

¹⁹Pedaia adabala ana awiri achimuna: Zerubabele na Shimei. Zerubabele adabala ana awiri achimuna: Meshulamu na Hanania, pontho na mwana wamkazi mbodzi dzinache Shelomiti.

²⁰Iye akhali pontho na ana anango ashanu achimuna: Hashuba, Ohele, Berekia, Hasadia na Yushabu-Hesedi.

²¹Hanania adabala ana awiri achimuna: Pelatia na Yeshaia. Yeshaia adabala Refaia. Refaia adabala Arinani, Arinani adabala Obadia, Obadia adabala Shekania.

²²Shekania adabala mwana mbodzi wamamuna dzinache Shemaia na pidzukulu pishanu: Hatushi, Igali, Baria, Nearia na Shafati.

²³Nearia adabala ana atatu achimuna: Elioenai, Hizikia na Azirikamu.

²⁴Elioenai adabala ana anomwe achimuna: Hodavia, Eliashibu, Pelaia, Akubu, Yohanani, Delaia na Anani.