Read cisena 1 MBIRI 4 Bible Online

1 MBIRI 4 - cisena bible

1 MBIRI 4

¹Pili m'tchindemu mphidzukulu pya Yuda: Perezi, Hezironi, Karimi, Huri na Shobali.

²Shobali adabala Reaia, Reaia adabala Yahati, Yahati adabala Ahumai na Lahadi makolo a anthu akhakhala mu Zora.

³Huri akhali mwana wautombo wa Kalebu na mkazache Efurata, tenepo pidzukulu pyache pidamanga Betelehemu. Huri adabala ana atatu achimuna:[4] Etamu, Penuele na Ezeri. Etamu adabala ana atatu achimuna: Yezereele, Ishima na Idibashi, pontho na mwana wamkazi mbodzi dzinache Hazeleliponi. Penuele ndiye adamanga mzinda wa Gedori, Ezeri adamanga mzinda wa Husha.

⁵Ashuri, ule adamanga luwani wa Tekoa, akhali na akazi awiri: Hela na Naara.

⁶Iye na Naara adabala ana anayi achimuna: Ahuzamu, Hefere, Temeni na Haahashitari.

⁷Ashuri na Hela adabala ana atatu achimuna: Zereti, Izihara na Etinani.

⁸Kozi adabala Anubu na Zobeba, pontho akhali kholo ya pidzukulu pya Aharihele mwana Harumu.

⁹Pakhali munthu unango dzinache Yabezi ule akhali wakulemedzwa pyakwanga pabanjache. Mache adampasa dzina yakuti Yabezi,[5] thangwi kubalwa kwache kukhali kwa kupha pyakwanga.

¹⁰Mbwenye Yabezi adapemphera kuna Mulungu wa Israele mbati, “Mulungu nditsanzayiseni pakundipasa mbuto ikulu ene. Khalani nane mbamundikhazike kutali na pyakuipa pile pinakwanisa kundionesa nyatwa.” Tenepo Mulungu adampasa pidapempha iye pile.

¹¹Kelubi mbaleache Shuha adabala Mehiri. Mehiri adabala Eshitoni.

¹²Eshitoni adabala ana atatu achimuna: Beti-Rafa, Pasea, na Tehina. Tehina adabala Irinahashi. Pidzukulu pya anthu enewa pikhakhala mu Reka.

¹³Kenazi adabala ana awiri achimuna Oteniele na Seraia. Oteniele adabalambo ana awiri achimuna Hatati na Meonotai.[6]

¹⁴Meonotai adabala Ofara. Seraia adabala Yoabu, ule adamanga Phedi ya Amisiri, kule anthu onsene akhali anyaluso pamabasa akusiyana-siyana.

¹⁵Kalebu mwana Yefune adabala ana atatu achimuna: Iru, Ela na Naamu. Tenepo Ela adabala Kenazi.

¹⁶Yehalelele adabala ana anayi achimuna: Zifi, Zifa, Tiria na Asarele.

¹⁷Ezara adabala ana anayi achimuna: Yetere, Meredi, Eferi, na Yaloni. Meredi adasemba Bitia mwana wamkazi wa mfumu wa ku Iguputo mbabala naye mwana wamkazi dzinache Miriamu, pontho ana awiri achimuna Shamai na Ishiba. Ishiba ndiye adamanga luwani ya Eshitemoa. Meredi adasembambo mkazi wakubulukira kudzinza ya Yuda mbabala ana atatu achimuna: Yeredi, ule adamanga luwani ya Gedori; Heberi ule adamanga luwani ya Soko na Yekutiele ule adamanga luwani ya Zanoa.

¹⁹Hodia adasemba nyamaingache Nahamu. Pidzukulu pyawo ndi nkhonda Garimu, ale akhakhala muluwani ya Keila, pontho nkhonda Maaka ale akhakhala muluwani ya Eshitemoa.

²⁰Shimoni adabala ana anayi achimuna: Aminoni, Rina, Beni-Hanani, na Tiloni. Ishi adabala ana awiri achimuna: Zoheti na Beni-Zoheti.

²¹Shela akhali mbodzi wa ana a Yuda. Pidzukulu pyache pikhali Eri ule adamanga luwani ya Leka; Laada ule adamanga luwani ya Maresha; mbumba zakudziwa pyakuluka-luka, zile zikhakhala muluwani ya Beti-Ashibea,

²²Yokimu na anthu akhakhala muluwani ya Kozeba; na Yoasi na Sarafi, ule adasemba mkazi wa Chimoabu mbakhazikika m'Betelehemu. (Mbiri yeneyi njakale pyakwanga.)

²³Iwo akhali anyakuumba pyombo, ale akhakhala muluwani ya Netaniamu na Gedera mbaphatira basa mfumu.

²⁴Simioni adabala ana ashanu achimuna: Nemuele, Yamini, Yaribu, Zera, na Shauli.

²⁵Shauli adabala Shalumu. Shalumu adabala Mibisamu, Mibisamu adabala Mishima,

²⁶Mishima adabala ana atatu achimuna: Hamuele, Zakuri, na Shimei.

²⁷Shimei adabala ana khumi na atanthatu achimuna na atanthatu achikazi, mbwenye abale ache adabala ana akuchepa, pontho dzinza ya Simioni hidakule ninga mudakulira dzinza ya Yuda tayu.

²⁸Kufikirana ndzidzi wa Mfumu Davite pidzukulu pya Simioni pidakhala m'maluwani awa: Beeresheba, Molada, Hazari-Shuali,

²⁹Biliha, Ezemu, Toladi,

³⁰Betuele, Horima, Zikilagi,

³¹Beti-Marikaboti, Hazari-Susimu, Beti-Biri na Shaaraimu.

³²Iwo adakhala pontho m'mbuto zinango zishanu Etamu, Aini, Rimoni, Tokeni na Ashani,

³³pontho na midzi yakuzungulira mpakana kufika kumwera kumadokero dzuwa na kuluwani ya Baalati. Yeneyi ndi mbiri idakoya iwo ya mabanjawo na mbuto zikhakhala iwo.

³⁴Madzina ali m'tchindemu mbamuna ale akhali akadamu m'mabanja mwawo: Meshobabu, Yamileki, Yosha mwana Amazia, Yowele, Yehu (mwana Yoshibia, mwana Seraia, mwana Asiele) Elioenai, Yaakoba, Yeshohaia, Asaia, Adiele, Yesimiele, Benaia, Ziza (mwana Shifi mwana Aloni, chidzukulu cha Yedaia, Shimri na Shemaia) Na thangwi yakuti mabanjawo adathimiza kukula,

³⁹iwo adafalikira kumadokero dzuwa chifupi na Gerari[7] mbadyesa mabirawo kukhundu yakumabulukiro dzuwa ya phedi mule mudakhazikiswa mzindawo.

⁴⁰Iwo adagumana mpovu uzinji pontho wadidi, pontho ikhali mbuto yakutambalala, yamtendere na yakumatama. Ahamu ndiye akhakhala kweneko pakutoma.

⁴¹Pandzidzi wa Hezekia mfumu wa Yuda, amuna alongwa padzuluwa adenda ku Gerari mbavunga makumbi a Ahamu na Ameuni akhakhala mwenemo ale.[8] Iwo adapha anthu onsene akhakhala mwenemo ale mbakhazikika mwenemo, thangwi mukhali mpovu uzinji wakudyesera mabirawo.

⁴²Anthu anango madzana mashanu a m'dzinza ya Simioni adenda kudziko yakumabulukiro dzuwa ya Edomu. Iwo adendeswa na ana achimuna a Ishi: Pelatia, Nearia, Refaia na Uziele.

⁴³Kweneko iwo adapha Aamaleki adasalira ale, mbakhala kweneko na lero.