Read cisena 1 MBIRI 6 Bible Online

1 MBIRI 6 - cisena bible

1 MBIRI 6

¹Levi adabala ana atatu achimuna: Gereshomu, Kohati na Merari.

²Kohati adabala ana anayi achimuna: Amuramu, Izihara, Hebroni na Uziele.

³Amuramu adabala ana awiri achimuna: Aroni na Mose pontho na mwana mkazawo mbodzi dzinache Miriamu. Aroni adabala ana anayi achimuna: Nadabu, Abihu, Eleazara na Itamara.

⁴Eleazara adabala Finiasi, Finiasi adabala Abishua,

⁵Abishua adabala Buki, Buki adabala Uzi,

⁶Uzi adabala Zerahia, Zerahia adabala Meraioti,

⁷Meraioti adabala Amaria, Amaria adabala Ahitubu,

⁸Ahitubu adabala Zadoki, Zadoki adabala Ahimaazi,

⁹Ahimaazi adabala Azaria, Azaria adabala Yohanani,

¹⁰Yohanani adabala Azaria, (ule akhaphata basa m'Nyumba ya Mulungu idamanga Mfumu Solomoni ile),

¹¹Azaria adabala Amaria, Amaria adabala Ahitubu,

¹²Ahitubu adabala Zadoki, Zadoki adabala Shalumu,

¹³Shalumu adabala Hilikia, Hilikia adabala Azaria,

¹⁴Azaria adabala Seraia, pontho Seraia adabala Yehozadaki.

¹⁵Mfumu Nebukadinezara adathamangisa Yehozadaki pabodzi pene na anthu a ku Yuda pontho na Yerusalemu, ale akhadendeswa na MBUYA kudziko ya unyaperezo.

¹⁶Levi adabala ana atatu achimuna: Gereshomu, Kohati na Merari.

¹⁷Onsene utatuawo adabalambo anawo achimuna. Gereshomu adabala Libini na Shimei.

¹⁸Kohati adabala Amuramu, Izihara, Hebroni na Uziele;

¹⁹Merari adabala Mahili na Mushi. Ali m'tchindemu ndi mbumba ya Levi malingana na makolo awo:

²⁰Nkhonda Gereshomu: Gereshomu adabala Libini, Libini adabala Yahati, Yahati adabala Zima,

²¹Zima adabala Yoa, Yoa adabala Ido, Ido adabala Zera, pontho Zera adabala Yeaterai.

²²Nkhonda Kohati: Kohati adabala Aminadabu, Aminadabu adabala Kora, Kora adabala Asiri,

²³Asiri adabala Elikana, Elikana adabala Ebiasafu, Ebiasafu adabala Asiri,

²⁴Asiri adabala Tahati, Tahati adabala Uriele, Uriele adabala Uzia, pontho Uzia adabala Shauli.

²⁵Elikana akhali na ana awiri achimuna, Amasai na Ahimoti. Ahimoti adabala Elikana.

²⁶Nkhonda Elikana: Elikana adabala Zofai, Zofai adabala Nahati,

²⁷Nahati adabala Eliabu, Eliabu adabala Yerohamu, pontho Yerohamu adabala Elikana.

²⁸Samuele adabala ana awiri achimuna: Yowele[10] wautombo na Abia nyamsolo wache.

²⁹Nkhonda Merari: Merari adabala Mahili, Mahili adabala Libini, Libini adabala Shimei, Shimei adabala Uza,

³⁰Uza adabala Shimei, Shimea adabala Hagia, pontho Hagia adabala Asaia.

³¹Amuna enewa ngale Mfumu Davite adaaikha kuti akhale anyakuyang'anira pyakuimba-imba pambuto yakupambulika mu Yerusalemu pidadzeswa Bokosi ya Chiverano mwenemo.

³²Iwo akhachita buswa-buswa m'Chikhumbi cha Mulungu, mwenemo Mfumu Solomoni mbadzati manga Nyumba ya MBUYA.

³³Nyandandanda wa mabanja, ale akhali anyakuyang'anira basa yeneyi mbawa: Nkhonda Kohati: Hemani mwana Yowele, ule akhali mkadamu wa gulu yakutoma ya anyakuimba. Nyandandanda wa banjache udafikiratu mpakana kuna Yakobo ninga tenepa: Hemani, Yowele, Samuele,

³⁴Elikana, Yerohamu, Eliele, Toa,

³⁵Zufu, Elikana, Mahati, Amasai,

³⁶Elikana, Yowele, Azaria, Zefania,

³⁷Tahati, Asiri, Ebiasafu, Kora,

³⁸Izihara, Kohati, Levi na Yakobo.

³⁹Asafu akhali mkadamu wa gulu yachiwiri ya anyakuimba. Nyandandanda wa banjache udafikiratu mpakana kuna Levi ninga tenepa: Asafu, Berekia, Shimea,

⁴⁰Mikaele, Baaseia, Malikia,

⁴¹Etini, Zera, Adaia,

⁴²Etani, Zima, Shimei,

⁴³Yahati, Gereshomu na Levi.

⁴⁴Etani wa nkhonda Merari akhali mkadamu wa gulu yachitatu ya anyakuimba. Nyandandanda wa banjache udafikiratu mpakana kuna Levi ninga tenepa: Etani, Kishi, Abidi, Maluki,

⁴⁵Hashabia, Amazia, Hilikia,

⁴⁶Amizi, Bani, Shemeri,

⁴⁷Mahili, Mushi, Merari na Levi.

⁴⁸Alevi anzawo anango adapaswa mabasa anango onsene a pambuto yakupembedzerapo.

⁴⁹Aroni na pidzukulu pyache adapereka pyakupereka pyakununkhira mbapereka nsembe zile zikhadapiswa paguwa yansembe. Iwo basawo ikhali yakuyang'anira chipembedzo chonsene chikhachitika pa Mbuto Yakuchenesesa na nsembe zile kudzera muna izo, Mulungu akhalekerera pyakudawa pya anthu a Israele. Iwo adachita pinthu pyonsene malingana na mudapangirwa iwo na Mose nyabasa wa Mulungu.

⁵⁰Pili m'tchindemu mphidzukulu pya Aroni: Aroni adabala Eleazara, Eleazara adabala Finiasi, Finiasi adabala Abishua,

⁵¹Abishua adabala Buki, Buki adabala Uzi, Uzi adabala Zeraia,

⁵²Zerahia adabala Meraioti, Meraioti adabala Amaria, Amaria adabala Ahitubu,

⁵³Ahitubu adabala Zadoki, pontho Zadoki adabala Ahimaazi.

⁵⁴Mbuto idapaswa pidzukulu pya Aroni nkhonda Kohati njishi: Iwo adatambira khundu yakutoma ya dziko idapaswa Alevi ile.

⁵⁵Penepa nkhuthimizapo Hebroni m'nthemba ya Yuda na mbuto zache zampovu zakuzungulira.

⁵⁶Mbwenye minda na midzi yakuzungulira mzinda ule, idaperekwa kuna Kalebu mwana Yefune.

⁵⁷Maluwani ali m'tchindemu adaperekwa kuna pidzukulu pya Aroni: Hebroni mzinda wakuthawirako,[11] Libina, Yatiri, Eshitemoa, Hileni, Debiri, Ashani, na Beti-Shemeshi, pabodzi pene na mbuto zawo zampovu.

⁵⁸

⁵⁹

⁶⁰M'nthemba ya Benjemani iwo adapaswa maluwani ali m'tchindemu pabodzi pene na mbuto zawo zampovu: Geba, Alemeti, na Anatoti. Maluwani onsene akhakhala mabanjawo adakwana khumi na atatu.

⁶¹Maluwani khumi a dzinza ya Manase yakumadokero dzuwa adaperekwa kuna mabanja anango a nkhonda Kohati adasalira ale pakuchita ntsango.

⁶²Kuna nkhonda Gereshomu, mabanja onsene adapaswa maluwani khumi na atatu m'nthemba ya Isakara, Asheri, Nafitali na dzinza ya Manase wakumabulukiro dzuwa m'nthemba ya Bashani.

⁶³Montho-monthomo maluwani khumi na awiri m'nthemba za Rubeni, Gadi na Zebuloni zidaperekwa kuna mabanja onsene a nkhonda Merari.

⁶⁴Na njira yeneyi anthu a ku Israele adapereka maluwani kuna Alevi kuti akhalemo pabodzi pene na mbuto zampovu zakuzungulira maluwaniwo.

⁶⁵Maluwani a m'nthemba za Yuda, Simioni na Benjemani alongwa padzuluwa adaperekwa pakuchita pontho ntsango.

⁶⁶Anango mwa mabanja a nkhonda Kohati adapaswa maluwani na mbuto zawo zampovu m'nthemba ya Eferemu:

⁶⁷Shekemu mzinda wakuthawirako ule ukhali m'mapiri a Eferemu, Gezeri,

⁶⁸Yokomeamu, Beti-Horoni,

⁶⁹Aialoni na Gati-Rimoni.

⁷⁰M'nthemba ya dzinza yakumadokero dzuwa ya Manase adapaswa maluwani a Aneri na Bileamu pabodzi pene na mbuto zawo zampovu.

⁷¹Mabanja a nkhonda Gereshomu adapaswa maluwani ali m'tchindemu pabodzi pene na mbuto zawo zampovu: M'nthemba ya dzinza ya Manase yakumabulukiro dzuwa, Golani m'nthemba ya Bashani na Ashitaroti.

⁷²M'nthemba ya Isakara: Kedeshi, Daberati,

⁷³Ramoti na Anemu.

⁷⁴M'nthemba ya Asheri: Mashali, Abidoni,

⁷⁵Hukoki na Rehobu.

⁷⁶M'nthemba ya Nafitali: Kedeshi m'Galilea, Hamoni na Kiriataimu.

⁷⁷Kuna mabanja anango onsene akusalira a nkhonda Merari adapaswa maluwani ali m'tchindewa pabodzi pene na mbuto zawo zampovu. M'nthemba ya Zebuloni: Rimono na Tabori.

⁷⁸M'nthemba ya Rubeni, kumabulukiro dzuwa a mkulo wa Yorodani kuyang'anisana na Yeriko: Bezeri kuphedi, Yaza,

⁷⁹Kedemoti na Mefaati.

⁸⁰M'nthemba ya Gadi: Ramoti m'Gileadi, Mahanaimu,

⁸¹Heshiboni na Yazere.