Read cisena 1 MBIRI 7 Bible Online

1 MBIRI 7 - cisena bible

1 MBIRI 7

¹Isakara adabala ana anayi achimuna: Tola, Pua, Yashubu na Shimironi.

²Tola adabala ana atanthatu achimuna: Uzi, Refaia, Yeriele, Yahimai, Ibisamu na Shemuele. Iwo akhali akadamu a mabanja a nkhonda Tola, pontho akhali anyankhondo akuveka pyakwanga. Pandzidzi ukhatonga Mfumu Davite pidzukulu pyawo pidakwana pikwi makumawiri na piwiri pontho na madzana matanthatu.

³Uzi adabala mwana mbodzi wamamuna dzinache Izirahia. Izirahia adabala ana anayi achimuna: Mikaele, Obadia, Yowele, na Ishia. Onsenewa akhali akadamu a mabanja.

⁴Iwo akhali na akazi azinji pontho na ana azinji mwakuti pidzukulu pyawo pidakwanisa kukhala na amuna akuphata basa ya unyankhondo pikwi makumatatu na pitanthatu.

⁵Anthu onsene a nkhonda Isakara, ale basawo ikhali kumenya nkhondo, adalembwa malingana na mifendu yawo mbakwana amuna pikwi makumasere na pinomwe.

⁶Benjemani adabala ana atatu achimuna: Bela, Bekeri na Yediaele.

⁷Bela adabala ana ashanu achimuna: Eziboni, Uzi, Uziele, Yerimoti na Iri. Iwo akhali akadamu a mabanja, pontho anyankhondo akuveka pyakwanga. Pidzukulu pyawo ale akhali akuthema kumenya nkhondo, akhalipo pikwi makumawiri na piwiri pontho na makumatatu na anayi.

⁸Bekeri adabala ana afemba achimuna: Zemira, Yoasi, Eliezere, Elioenai, Omri, Yeremoti, Abia, Anatoti na Alemeti.

⁹Anthu onsenewa adalemberwa malingana na mabanjawo mbakwana amuna pikwi makumawiri na madzana mawiri akuthema kumenya nkhondo.

¹⁰Yediaele adabala mwana mbodzi wamamuna dzinache Bilihani. Bilihani adabala ana anomwe achimuna: Yeushi, Benjemani, Ehudi, Kenaana, Zetani, Tarisisi na Ahishahari.

¹¹Iwo akhali akadamu a mabanja, pontho akhali anyankhondo akuveka pyakwanga. Pidzukulu pyawo amuna pikwi khumi na pinomwe pontho na madzana mawiri akhali amuna akuthema kumenya nkhondo.

¹²Shupimu na Hupimu akhali a m'dzinza yontho-yonthoyi. Dani adabala mwana mbodzi wamamuna dzinache Hushimu.

¹³Nafitali adabala ana anayi achimuna: Yahiziele, Guni, Yezeri na Shalumu. Iwo akhali pidzukulu pya Biliha.[12]

¹⁴Manase na mkazache wachibitchu wa ku Aramu adabalirana naye ana awiri achimuna Asriele na Makiri. Makiri adabala Gileadi.

¹⁵Makiri adagumana akazi awiri, mbodzi kuti asembwe na Hupimu, unangomboyo kuti asembwe na Shupimu. Nyamaingache akhali Maaka. Mwana wachiwiri wa Makiri akhali Zelofehadi, tenepo iye akhali na ana achikazi ene basi.

¹⁶Maaka mkazache Makiri adabala ana awiri achimuna: Pereshi na Shereshi. Pereshi adabala ana awiri achimuna: Ulamu na Rakemu.

¹⁷Ulamu adabala mwana mbodzi wamamuna dzinache Bedani. Pyonsenepi pikhali pidzukulu pya Gileadi mwana Makiri mdzukuluache Manase.

¹⁸Nyamaingache Gileadi Hamoleketi adabala ana atatu achimuna: Ishodi, Abiezere na Mala.

¹⁹Shemida adabala ana anayi achimuna: Ahiana, Shekemu, Liki na Aniamu.

²⁰Pili m'tchindemu mphidzukulu pya Eferemu: Eferemu adabala Shutela, Shutela adabala Beredi, Beredi adabala Tahati, Tahati adabala Eleada, Eleada adabala Tahati,

²¹Tahati adabala Zabadu, pontho Zabadu adabala Shutela. Eferemu akhali na ana anango awiri kupambula Shutela. Enewa akhali Ezeri na Eleada, ale adaphiwa pidayesera iwo kuba pifuyo pya mbalwa za m'dziko ya Gati.

²²Babawo Eferemu adaasintili nsiku zizinji zene, tenepo abale ache adadza kumuombera.

²³Kubuluka penepo iye adapita pontho m'bonde na mkazache mbabala mwana wa mamuna dzinache Beria,[13] thangwi ya nyatwa idaona iwo m'banja mwawo.

²⁴Eferemu adabala mwana wamkazi dzinache Sheera, ule adamanga maluwani a kumtunda na kuphedi kwa Beti-Horoni pabodzi pene na Uzeni Sheera.

²⁵Eferemu adabala pontho mwana wamamuna mbamthula Refa, ule pidzukulu pyache mphipi: Refa adabala Reshefi, Reshefi adabala Tela, Tela adabala Tahani,

²⁶Tahani adabala Ladani, Ladani adabala Amihudi, Amihudi adabala Elishama,

²⁷Elishama adabala Nuni, pontho Nuni adabala Yoswa.

²⁸Nthemba idakwata iwo mbakhazikikamo nkhuthimizapo Betele na maluwani akuzungulira mpakana na kumabulukiro dzuwa ku Naarani pontho na kafikiratu kumadokero dzuwa a Gezeri na maluwani akuzungulira. Ikuphataniza pontho na mizinda ya Shekemu na Aya na maluwani akuazungulira.

²⁹Pidzukulu pya Manase pidatonga maluwani a Beti-Shani, Taanaki, Megido, na Dori pontho na maluwani akuazungulira. Mbuto zonsenezi nsile zikhakhala pidzukulu pya Yosefe mwana Yakobo.

³⁰Pili m'tchindemu mphidzukulu pya Asheri. Iye adabala ana anayi achimuna: Imina, Ishiva, Ishivi na Beria, pontho na mwana mkazawo mbodzi dzinache Sera.

³¹Beria adabala ana awiri achimuna: Heberi na Malikiele. (Malikiele ndiye adamanga mzinda wa Birizaiti.)

³²Heberi adabala ana atatu achimuna: Yafuleti, Shomeri, na Hotamu, pontho na nyamaingawo mbodzi basi, Shua.

³³Yafuleti adabala ana atatu achimuna: Pasaki, Bimuhali na Ashivati.

³⁴Mbaleache Shomeri adabala ana atatu achimuna: Rohoga, Yehuba na Aramu.

³⁵Mbaleache Hotamu adabala ana anayi achimuna: Zofa, Imina, Sheleshi na Amali.

³⁶Ana a Zofa mbawa: Sua, Harineferi, Shuali, Beri, Imura,

³⁷Bezeri, Hodu, Shama, Shalisha, Itirani na Beera.

³⁸Ana a Yetere mbawa: Yefune, Pisipa na Ara,

³⁹pontho ana a Ula mbawa: Ara, Haniele na Rizia.

⁴⁰Pyonsenepi pikhali pidzukulu pya Asheri. Iwo akhali akadamu a mabanja, pontho anyankhondo akuveka pyakwanga. Pidzukulu pyonsene pya Asheri pikhalipo pikwi makumawiri na pitanthatu amuna akuthema kumenya nkhondo.