Read cisena EZARA 2 Bible Online

EZARA 2 - cisena bible

EZARA 2

¹Anthu azinji, akhadakwatwa unyaperezo na Mfumu Nebukadinezara ale, adabuluka kudziko ya Babiloni mbabwerera ku Yerusalemu na Yuda, kada munthu mbaenda kumzinda kwache kwene. Mabanjawo adakhala kudziko ya unyaperezo ku Babiloni kutomera ndzidzi udaakwata Mfumu Nebukadinezara ninga anyaperezo.

²Akadamu awo akhali: Zerubabele, Yoswa, Nehemia, Seraia, Reelaia, Moredekai, Bilishani, Misipari, Bigivai, Rehumu na Baana. Ufu ndi nyandandanda wa mbumba ya Israele pabodzi pene na konta yonsene ya mbumba idabwerera kubulukira kudziko ya unyaperezo:

³Pidzukulu pya Paroshi; pikwi piwiri na dzana ibodzi na makumanomwe na piwiri

⁴pidzukulu pya Shefatia; madzana matatu na makumanomwe na awiri

⁵pidzukulu pya Ara; madzana manomwe na makumanomwe na ashanu

⁶pidzukulu pya Pahati-Moabu, wakudziwika pontho na dzina yakuti Yeshua na Yoabu; pikwi piwiri na madzana masere na khumi na awiri

⁷pidzukulu pya Elamu; chikwi na madzana mawiri na makumashanu na anayi

⁸pidzukulu pya Zatu; madzana mafemba na makumanayi na ashanu

⁹pidzukulu pya Zakai; madzana manomwe na makumatanthatu

¹⁰pidzukulu pya Bani; madzana matanthatu na makumanayi na awiri

¹¹pidzukulu pya Bebai; madzana matanthatu na makumawiri na atatu

¹²pidzukulu pya Azigadi; chikwi chibodzi na madzana mawiri na makumawiri na awiri

¹³pidzukulu pya Adonikamu; madzana matanthatu na makumatanthatu na atanthatu

¹⁴pidzukulu pya Bigivai; pikwi piwiri na makumashanu na atanthatu

¹⁵pidzukulu pya Adini; madzana manayi na makumashanu na anayi

¹⁶pidzukulu pya Ateri (wakuchemerwa pontho Hezekia) makumafemba na asere

¹⁷pidzukulu pya Bezai; madzana matatu na makumawiri na atatu

¹⁸pidzukulu pya Yora; dzana ibodzi na khumi na awiri

¹⁹pidzukulu pya Hashumu; madzana mawiri na makumawiri na atatu

²⁰pidzukulu pya Gibari; makumafemba na ashanu.

²¹Anthu ale makolo awo akhakhala m'maluwani ali m'tchindewa adabwererambo: Amuna a ku Betelehemu; dzana na makumawiri na atatu

²²amuna a ku Netofa; makumashanu na atanthatu

²³amuna a ku Anatoti; dzana na makumawiri na asere

²⁴amuna a ku Azimaveti; makumanayi na awiri

²⁵amuna a ku Kiriati-Yearimu, Kefira na Beeroti; madzana manomwe na makumanayi na atatu

²⁶amuna a ku Rama na Geba; madzana matanthatu na makumawiri na mbodzi

²⁷amuna a ku Mikimashi; dzana na makumawiri na awiri

²⁸amuna a ku Betele na Ai; madzana mawiri na makumawiri na atatu

²⁹amuna a ku Nebo; makumashanu na awiri

³⁰amuna a ku Magibishi; dzana na makumashanu na atanthatu

³¹amuna a ku Elamu unango; chikwi na madzana mawiri na makumashanu na anayi

³²amuna a ku Harimu; madzana matatu na makumawiri

³³amuna a ku Lodi, Hadidi na Ono; madzana manomwe na makumawiri na ashanu

³⁴amuna a ku Yeriko; madzana matatu na makumanayi na ashanu

³⁵amuna a ku Sena; pikwi pitatu na madzana matanthatu na makumatatu

³⁶Uwu ndi nyandandanda wa anyansembe ale adabwererambo kubulukira kudziko ya unyaperezo: pidzukulu pya Yedaia, wakudziwika pontho na dzina yakuti Yeshua; madzana mafemba na makumanomwe na atatu

³⁷pidzukulu pya Imeri; chikwi chibodzi na makumashanu na awiri

³⁸pidzukulu pya Pashuri; chikwi na madzana mawiri na makumanayi na anomwe

³⁹pidzukulu pya Harimu; chikwi chibodzi na khumi na anomwe

⁴⁰Alevi: adabwerambo kubulukira kudziko ya unyaperezo: Pidzukulu pya Yeshua na Kadimiele (pidzukulu pya Hodavia); makumanomwe na anayi

⁴¹Anyakuimba nyimbo Nyumba ya Mulungu: Pidzukulu pya Asafu; dzana na makumawiri na asere.

⁴²Anyakulondali misuwo ya Nyumba ya Mulungu: Pidzukulu pya Shalumu, Ateri, Talimoni, Akubu, Hatita na Shobai; dzana na makumatatu na afemba.

⁴³Anyakuphata basa m'Nyumba ya Mulungu ale adabwerambo kubulukira kudziko ya unyaperezo: Pidzukulu pya Ziha, Hasufa na Tabaoti,

⁴⁴Kerosi, Siaha, Padoni,

⁴⁵Lebana, Hagaba, Akubu,

⁴⁶Hagabi, Shalimai, Hanani,

⁴⁷Gidele, Gahari, Reaia

⁴⁸Rezini, Nekoda, Gazamu,

⁴⁹Uza, Pasea, Besai,

⁵⁰Asina, Meunimu, Nefisimu,

⁵¹Bakibuki, Hakufa, Harihuri,

⁵²Baziluti, Mehida, Harisha,

⁵³Barikosi, Sisera, Tema,

⁵⁴Nezia na Hatifa.

⁵⁵Pidzukulu pya anyabasa a Solomoni pile pidabwerambo kubulukira kudziko ya unyaperezo: Pidzukulu pya Sotai, Hasofereti na Peruda.

⁵⁶Pidzukulu pya Yaala, Darikoni na Gidele.

⁵⁷Pidzukulu pya Shefatia, Hatili, Pokereti-Hazebaimu na Ami.

⁵⁸Konta yonsene ya pidzukulu pya anyakuphata basa m'Nyumba ya Mulungu na pidzukulu pya anyabasa a Solomoni, ale akhadabwerera kubulukira kudziko ya unyaperezo, ikhali madzana matatu na makumafemba na awiri.

⁵⁹Anthu ali m'tchindewa adabulukira kumaluwani a Telemela, Teleharisha, Kerubi, Adani na Imeri; kwache iwo hadakwanise kupitsikimizira tayu kuti iwo akhali pidzukulu pya Israele.

⁶⁰Iwo akhali pidzukulu pya Delaia, Tobia na Nekoda; madzana matanthatu na makumashanu na awiri.

⁶¹Tenepo kubulukira pakati pa anyansembe: Pidzukulu pya Hobaia, Hakozi na Barizilai, adasemba mwana Barizilai wa ku Gileadi mbachemerwa na dzina yonthoyo ule.

⁶²Anthu enewa adasakanyula-sakanyula pale padalembwa pya mabanjawo, kwache hadakwanise kupigumana tayu, tenepo iwo adakhethiwa pakati pa anyansembe thangwi akhayeswa ninga anthu okhonda chena pamaso pa Mulungu.

⁶³Mkulu wa boma ya Chiyuda adaatonga kuti aleke kudya na pang'ono pene pyakudya pyakupambulirwa kuna Mulungu mpakana pakhale nyansembe wakutumikira pakuphatisa basa Urimu na Tumimu.

⁶⁴Konta yonsene ya anthu akhadabwerera kubulukira kudziko ya unyaperezo ale, idakwana pikwi makumanayi na piwiri na madzana matatu na makumatanthatu

⁶⁵kuthimizirapo anyabasa achimuna na achikazi pikwi pinomwe na madzana matatu na makumatatu na anomwe; iwo akhali pontho na anyakuimba nyimbo achimuna na achikazi ene madzana mawiri.

⁶⁶Iwo akhali na akavalo madzana manomwe na makumatatu na atanthatu, nyulu[2] madzana mawiri na makumanayi na zishanu;

⁶⁷ngamila madzana manayi na makumatatu na zishanu, pontho na mabulu pikwi pitanthatu na madzana manomwe na makumawiri.

⁶⁸Pidafika iwo ku Nyumba ya Mulungu ku Yerusalemu, anango mwa akadamu a mabanja adapereka mwakufuna kwawo pyakupereka kuti piphatiswe basa kumanga pontho Nyumba ya Mulungu pambuto pakhali iyo kale pale.

⁶⁹Iwo adapereka ninga mudakwanisira iwo pinthu pyakufunika pabasa yeneyi, tenepo pyonsenepyo pidakwana makilogramu madzana mashanu pya golidi, makilogramu pikwi piwiri na madzana masere pya siliva, pontho na mikhanjo ya anyansembe dzana ibodzi.

⁷⁰Anyansembe, Alevi na anthu anango adakhazikika mu Yerusalemu pontho chifupi na Yerusalemu;[3] anyakuimba nyimbo, anyakulondali ku Nyumba ya Mulungu na anyakuphata basa m'Nyumba ya Mulungu adakhazikika m'maluwani achifupi, tenepo Aisraele anango onsene adakhazikika m'maluwani mukhakhala makolo awo mule.