Read cisena NEHEMIA 7 Bible Online

NEHEMIA 7 - cisena bible

NEHEMIA 7

¹Tenepo mpanda udamala mangwa pontho na misuwo ene idamala ikhwa m'mbuto mwache. Anyakulondali Nyumba ya Mulungu, anyakuimba nyimbo na Alevi anango, onsene adamala paswa mabasawo.

²Ndidasankhula amuna awiri kukhala akulu a mumzinda wa Yerusalemu; mbaleanga Hanani na Hanania, ule akhali mkadamu wa mbuto yakutchingwa na mpanda. Hanania akhali munthu wakunyindirika pontho akhali munthu wakugopa Mulungu, kupiringana amuna anango.

³Ine ndidalonga kuna iwo kuti, “Misuwo ya Yerusalemu hidatheme kufungulwa tayu mpakana dzuwa yavuka. Anyakulondali ali pabuswa ale mbadzati kotoka, apangeni kuti afunge misuwo mbaipiringidza. Pontho sankhulani anyakulondali kubulukira pakati pa anthu akukhala mu Yerusalemu na kuapasa basa anango a iwo pambuto zawo za basa, anangombo chifupi na m'misa mwawo.”

⁴Yerusalemu ukhali mzinda ukulu pontho mukhali nkhabe anthu azinji ene. Nyumba zizinji zikhali zidzati mangwa pontho tayu.

⁵Tenepo Mulungu wanga andipasa mtima wakufuna kugumanyisa akadamu, mathubu na anthu onsene kuti ndichite kalembera wa mabanjawo. Ndidagumana nyandandanda wa anthu akhali akutoma kubwerera kubulukira kudziko ya unyaperezo ale. Pidagumana ine pyalembwapyo mphipi:

⁶Anthu azinji, akhadakwatwa unyaperezo na Mfumu Nebukadinezara ale, adabuluka kudziko ya Babiloni mbabwerera ku Yerusalemu na Yuda, kada munthu mbaenda kumzinda kwache kwene. Mabanjawo adakhala kudziko ya unyaperezo ku Babiloni kutomera ndzidzi udaakwata Mfumu Nebukadinezara ninga anyaperezo.

⁷Akadamu awo akhali: Zerubabele, Yoswa, Nehemia, Azaria, Raamia, Nahamani, Moredekai, Bilishani, Misipereti, Bigivai, Nehumu na Baana. Nyandandanda wa amuna a ku Israele:

⁸pidzukulu pya Paroshi; pikwi piwiri na dzana ibodzi na makumanomwe na piwiri

⁹pidzukulu pya Shefatia; madzana matatu na makumanomwe na awiri

¹⁰pidzukulu pya Ara; madzana matanthatu na makumashanu na awiri

¹¹pidzukulu pya Pahati-Moabu (pidzukulu pya Yeshua na Yoabu); pikwi piwiri na madzana masere na khumi na asere

¹²pidzukulu pya Elamu; chikwi na madzana mawiri na makumashanu na anayi

¹³pidzukulu pya Zatu; madzana masere na makumanayi na ashanu

¹⁴pidzukulu pya Zakai; madzana manomwe na makumatanthatu

¹⁵pidzukulu pya Binui; madzana matanthatu na makumanayi na asere

¹⁶pidzukulu pya Bebai; madzana matanthatu na makumawiri na asere

¹⁷pidzukulu pya Azigadi; pikwi piwiri na madzana matatu na makumawiri na awiri

¹⁸pidzukulu pya Adonikamu; madzana matanthatu na makumatanthatu na anomwe

¹⁹pidzukulu pya Bigivai; pikwi piwiri na makumatanthatu na anomwe

²⁰pidzukulu pya Adini; madzana matanthatu na makumashanu na ashanu

²¹pidzukulu pya Ateri (wakuchemerwa pontho Hezekia) makumafemba na asere

²²pidzukulu pya Hashumu; madzana matatu na makumawiri na asere

²³pidzukulu pya Bezai; madzana matatu na makumawiri na anayi

²⁴pidzukulu pya Harifi; dzana ibodzi na khumi na awiri

²⁵pidzukulu pya Gibeoni; makumafemba na ashanu. Anthu ale pidzukulu pyawo pikhadakhala muluwani ali m'tchindewa adabwerambo kubulukira kudziko ya unyaperezo:

²⁶Amuna a ku Betelehemu na Netofa; dzana na makumasere na asere

²⁷amuna a ku Anatoti; dzana ibodzi na makumawiri na asere

²⁸amuna a ku Beti-Azimaveti; makumanayi na awiri

²⁹amuna a ku Kiriati-Yearimu, Kefira na Beeroti; madzana manomwe na makumanayi na atatu

³⁰amuna a ku Rama na Geba; madzana matanthatu na makumawiri na mbodzi

³¹amuna a ku Mikimashi; dzana na makumawiri na awiri

³²amuna a ku Betele na Ai; dzana ibodzi na makumawiri na atatu

³³amuna a ku Nebo unango; makumashanu na awiri

³⁴amuna a ku Elamu unango; chikwi na madzana mawiri na makumashanu na anayi

³⁵amuna a ku Harimu; madzana matatu na makumawiri

³⁶amuna a ku Yeriko; madzana matatu na makumanayi na ashanu

³⁷amuna a ku Lodi, Hadidi na Ono; madzana manomwe na makumawiri na mbodzi

³⁸amuna a ku Sena; pikwi pitatu na madzana mafemba na makumatatu.

³⁹Uwu ndi nyandandanda wa anyansembe ale adabwerambo kubulukira kudziko ya unyaperezo: Pidzukulu pya Yedaia, wakudziwika pontho na dzina yakuti Yeshua; madzana mafemba na makumanomwe na atatu

⁴⁰pidzukulu pya Imeri; chikwi chibodzi na makumashanu na awiri

⁴¹pidzukulu pya Pashuri; chikwi na madzana mawiri na makumanayi na anomwe

⁴²pidzukulu pya Harimu; chikwi chibodzi na khumi na anomwe.

⁴³Alevi ale adabwerambo kubulukira kudziko ya unyaperezo: Pidzukulu pya Yeshua na Kadimiele (pidzukulu pya Hodavia); makumanomwe na anayi

⁴⁴Anyakuimba nyimbo Nyumba ya Mulungu: Pidzukulu pya Asafu; dzana na makumanayi na asere

⁴⁵Anyakulondali msuwo a Nyumba ya Mulungu: Pidzukulu pya Shalumu, Ateri, Talimoni, Akubu, Hatita, na Shobai; dzana ibodzi na makumatatu na asere.

⁴⁶Anyakuphata basa m'Nyumba ya Mulungu ale adabwerambo kubulukira kudziko ya unyaperezo: Pidzukulu pya Ziha, Hasufa, Tabaoti

⁴⁷Kerosi, Sia na Padoni

⁴⁸Lebana, Hagaba, Shalimai,

⁴⁹Hanani, Gidele, Gahari,

⁵⁰Reaia, Rezini, Nekoda,

⁵¹Gazamu, Uza, Pasea,

⁵²Besai, Meunimu, Nefushesimu,

⁵³Bakibuki, Hakufa, Harihuri,

⁵⁴Baziluti, Mehida, Harisha,

⁵⁵Barikosi, Sisera, Tema,

⁵⁶Nezia, na Hatifa.

⁵⁷Pidzukulu pya anyabasa a Solomoni pile pidabwerambo kubulukira kudziko ya unyaperezo: Pidzukulu pya Sotai, Sofereti, Perida,

⁵⁸Yaala, Darikoni, Gidele

⁵⁹Shefatia, Hatili, Pokereti-Hazebaimu na Amoni.

⁶⁰Konta yonsene ya pidzukulu pya anyakuphata basa m'Nyumba ya Mulungu na pidzukulu pya anyabasa a Solomoni, ale akhadabwerera kubulukira kudziko ya unyaperezo, ikhali madzana matatu na makumafemba na awiri.

⁶¹Anthu ali m'tchindewa adabulukira kumaluwani a Telemela, Teleharisha, Kerubi, Adoni na Imeri; kwache iwo hadakwanise kupitsikimizira tayu kuti iwo akhali pidzukulu pya Israele:

⁶²pidzukulu pya Delaia, Tobia na Nekoda; madzana matanthatu na makumanayi na awiri.

⁶³Tenepo kubulukira pakati pa anyansembe: Pidzukulu pya Hobaia, Hakozi na Barizilai, adasemba mwana Barizilai wa ku Gileadi mbachemerwa na dzina yonthoyo ule.

⁶⁴Anthu enewa adasakanyula-sakanyula pale padalembwa pya mabanjawo, kwache hadakwanise kupigumane tayu, tenepo iwo adakhethiwa pakati pa anyansembe, thangwi akhayeswa ninga anthu okhonda chena pamaso pa Mulungu.

⁶⁵Mkulu wa boma ya Chiyuda adaatonga kuti aleke kudya na pang'ono pene pyakudya pyakupambulirwa kuna Mulungu mpakana pakhale nyansembe wakutumikira pakuphatisa basa Urimu na Tumimu.

⁶⁶Konta yonsene ya anthu akhadabwerera kubulukira kudziko ya unyaperezo ale, idakwana pikwi makumanayi na piwiri na madzana matatu na makumatanthatu

⁶⁷kuthimizirapo anyabasa achimuna na achikazi pikwi pinomwe na madzana matatu na makumatatu na anomwe; iwo akhali pontho na anyakuimba nyimbo achimuna na achikazi ene madzana mawiri.

⁶⁸Iwo akhali na akavalo madzana manomwe na makumatatu na atanthatu, nyulu[7] madzana mawiri na makumanayi na zishanu;

⁶⁹ngamila madzana manayi na makumatatu na zishanu, pontho na mabulu pikwi pitanthatu na madzana manomwe na makumawiri.

⁷⁰Anthu azinji adapereka pinthu kuti piphatiswe basa pa basayo. Mkulu wa boma adapereka: golidi wakulemera makilogramu asere ndilo makumashanu nguwo za unyansembe madzana mashanu na makumatatu. Anango mwa akadamu a m'mabanja adapereka: golidi wakulemera makilogramu dzana ibodzi na makumatanthatu na asere siliva wakulemera makilogramu chikwi chibodzi na madzana mawiri na makumashanu. Anthu anango onsene adaperekambo: golidi wakulemera makilogramu dzana ibodzi na makumatanthatu na asere siliva wakulemera makilogramu dzana ibodzi na makumanayi mikhanjo ya unyansembe makumatanthatu na minomwe.

⁷¹

⁷²

⁷³Anyansembe, Alevi, anyakulondali misuwo, anyakuimba nyimbo, na anyakuphata basa m'Nyumba ya Mulungu, pabodzi pene na Aisraele anango onsene adakhazikika m'maluwani mwawo mwene. Pamwezi wachinomwe, pidamala Aisraele kukhazikika kada munthu muluwani mwache.