Read cisena KUBULUKA 9 Bible Online

KUBULUKA 9 - cisena bible

KUBULUKA 9

¹MBUYA adalonga kuna Mose mbati, “Ndoko kuna mfumu ukampange kuti MBUYA, Mulungu wa Aheberi akulonga kuti, ‘Tawirisa anthu anga kwenda, towera akwanise kandipembedza.

²Ungakhonda pontho kuatawirisa kwenda

³ndinati ndikutchunyuse pakutumiza muliri wakugoswa pana pifuyo pyako; akavalo ako, mabulu ako, ngamila zako, ng'ombe zako, mabirako na mbuzi zako.

⁴Ndinasiyanisa pakati pa pifuyo pya Aisraele na pifuyo pya anthu ako, pontho nkhabe chifuyo na chibodzi chene cha Aisraele chinafa tayu.

⁵Ine MBUYA ndapifuna kuti penepi ndipichite mangwanawa.’ ”

⁶Mangwana mwache MBUYA adachita ninga mukhadalongera iye, tenepo pifuyo pyonsene pya ku Iguputo pidafa, mbwenye nkhabe chifuyo na chibodzi chene cha Aisraele chidafa tayu.

⁷Mfumu adatuma anthu kuti akavunze mwadidi pikhadachitika pile, tenepo adapangwa kuti nee chifuyo na chibodzi chene cha Aisraele chikhadafa tayu. Mbwenye mfumu adaumisa mtima mbakhonda tawirisa anthu kwenda.

⁸Tenepo MBUYA adalonga kuna Mose na Aroni mbati, “Tapa dotha yakudzala m'dzanja kubulukira pamoto; Mose akaiwazire m'dzulu pamaso pa mfumu.

⁹Iyo inabalalika ninga fumbi yakufinuka m'dziko yonsene ya Iguputo mbapichitisa kuti pakhale anyakadumu konsene kwene pana anthu na pifuyo pene.”

¹⁰Tenepo iwo adatapa dotha mbaimira pamaso pa mfumu; Mose adawazira dotha ile m'dzulu mbapabuluka anyakadumu mbichitisa kuti pamanungo pa anthu na pifuyo pakhale pironda.

¹¹Anyamatsenga hadakwanise tayu kuonekera kuna Mose, thangwi iwo akhali na anyakadumu okhokha ningambo anthu a ku Iguputo onsene.

¹²Mbwenye MBUYA adachitisa mfumu kuumisa mtimache, tenepo iye hadavesere Mose na Aroni tayu ninga montho mukhadalongera MBUYA.

¹³MBUYA adalonga kuna Mose mbati, “Mangwana na machibese uende kagumanikana na mfumu mbukampange kuti MBUYA, Mulungu wa Aheberi akulonga kuti, ‘Tawirisa anthu anga kwenda, towera akwanise kandipembedza.

¹⁴Ndzidzi uno ndinatchunyusa nee mathubu ako na anthu ako okha tayu, mbwenye ndinati nditchunyuse na iwe ene, towera upidziwe kuti nkhabeve unango sasawa na ine pano padziko yonsene yapansi.

¹⁵Ngakhala ine ndidatchunyusa iwe na anthu ako na utenda, monsene mbamudamaliratu kuvungika.

¹⁶Mbwenye kufuna kukuonesa mphamvu zanga ndatawirisa kuti imwe mukhale na moyo, towera ndidziwike konsene kwene padziko yonsene yapansi,

¹⁷kwache iwe ukuthimiza basi kutumbama mbukhonda tawirisa anthu anga kwenda.

¹⁸Mangwana pandzidzi ninga uno ndinati ndidzese chonzi cha matalala chakugoswaletu, ale chipo hadachitikepo mu Iguputo muno tayu kutomera pandzidzi udakhazikiswa iwo mpakana lero.

¹⁹Tenepo tongani kuti pifuyo pyanu na pinthu pyonsene pina imwe pikhale pakupata. Matalala anagwa pana anthu na pifuyo pyakusiyiwa pakwecha, tenepo pinafa.’ ”

²⁰Mathubu anango a mfumu adachita mantha na pikhadalonga MBUYA pile, tenepo adapitisa mabitchu awo na pifuyo pyawo pakupata.

²¹Kwache anango hadapiikhe konta tayu pidalonga MBUYA pile mbasiya pyawo mabitchu na pifuyo pyawo panja pakwecha.

²²Tenepo MBUYA adalonga kuna Mose mbati, “Kwiza dzanjako kuthambo, tenepo matalala anagwa ponsene pene m'dziko yonsene ya Iguputo pana na anthu, pifuyo na pana mbewu zonsene m'minda.”

²³Mose adathonyeza ndodo yache kuthambo, natenepo MBUYA adatumiza chiphaliwali na matalala, pontho njazi idamenya pansi. MBUYA adatumiza

²⁴matalala akulu-akulu pontho na njazi kuchetuma uku na uku. Chikhali chonzi chakugoswa, chile chipo nee chidachitikepo mu Iguputo tayu kutomera pandzidzi udakhazikiswa iwo.

²⁵Ponsene pene mu Iguputo matalala adagwisa pinthu kuthimiza anthu onsene na pifuyo pyonsene pikhali pakwecha. Adagwisa mbewu m'minda mbakaula nthambi m'miti yonsene.

²⁶Nthemba ya Gosheni kukhakhala Aisraele kule kukhali kumbuto kokha kwene kule kukhali nkhabe matalala.

²⁷Mfumu adachemeresa Mose na Aroni mbalonga mbati, “Ndzidzi uno ine ndadawa; MBUYA ngwakulungama, pontho anthu anga na ine ene tadawa.

²⁸Pempherani kuna MBUYA thangwi matalala na chiphaliwali penepi pyakwana. Ndinadumbira kukutawirisani kwenda; imwe nkhabeve funika kukhala kuno tayu.”

²⁹Mose adalonga kuna iye mbati, “Sindzidzi nkhubuluka mumzinda muno ndinati ndikwize manjanga m'dzulu kupemphera kuna MBUYA. Chiphaliwali chinamatama kulira, pontho nee panakhalave matalala tayu, towera mupidziwe kuti dziko yapansi nja Mbuya.

³⁰Mbwenye ndikupidziwa kuti imwe na mathubu anu na lero nkhabe gopa MBUYA Mulungu tayu.”

³¹Bwazi na mapira pidavungika, thangwi mapira adatokota, bwazimbo akhatoma kuchita maluwa.

³²Mbwenye tirigu hadavungike tayu, thangwi hukhali ndzidzi wache wakutokota tayu.

³³Mose adabuluka pana mfumupo mbabuluka mumzindamo. Iye adakwiza manjache m'dzulu mbapemphera kuna MBUYA. Matalala, chiphaliwali na mvula pyonsene pidaleka.

³⁴Pidaona mfumu pikhadachitika pile adadawa pontho. Iye na mathubu ache adaumisa mtima ninga mwakale,

³⁵pontho, ninga montho mukhadapilongera MBUYA kudzera muna Mose, mfumu hadatawirise Aisraele kwenda tayu.