Read cisena YOBU 13 Bible Online

YOBU 13 - cisena bible

YOBU 13

¹“Pyonsenepi maso anga apiona, pontho na makutu anga ndapiva mbandipivesa mwadidi mwene.

²Chimbadziwa imwe, ndiye chimbadziwa inembo. Imwe nkhabe piringana ine tayu.

³Mbwenye ndimbapifunadi kulonga na Nyamphamvu zonsene, mbandiketesana na Mulungu pya mseru wanga.

⁴Kwache na kunama kwanu imwe mukundiphata m'maso; monsenene ndimwe ng'anga zakusowa basa.

⁵Mbamudakhala kwene pyanu mulomo phoo, kuna imwe, mbidakhala nzeru.

⁶“Veseranimbo mphokanga; ikhani makutu kuna kudungunya kwa milomo yanga.

⁷Ayi imwe munalonga pyakudawika m'mbuto mwa Mulungu? Ayi munalonga pyakunama m'mbuto mwache?

⁸Ayi imwe munafuna kumuikhira kunduli? Ayi imwe munatonga mseru m'mbuto mwa Mulungu?

⁹Iye mbadakuyesani, ayi mbipidakhala pyadidi? Ayi imwe mbamudakwanisa kumnyengeza khala ninga mukunyengeza anthu?

¹⁰Andedi, iye mbadakusumululani ngakhala mudatonga mseru chibiso-biso mwakuyang'ana nkhope.

¹¹Ayi demelero yache mbidakuchitisani mantha tayu? Ayi kugoswa kwache mbukudakugwerani tayu?

¹²Miyambi yanu njakusowa basa ninga dotha. Kupitchinjiriza kwanu kwakhala ninga dongo.

¹³Matamani, ndilonge; pinthu pyonsene pyakundidzera pilekeni pidze.

¹⁴“Thangwi yache ninji kuti ndiikhe moyo wanga pamoto; kuti ndipiphese ndekha ene?

¹⁵Ine ndidataya chidikhiro, apo Mulungu angandipha pinakhala tani? Ndinati ndilonge mseru wanga kuna iye.

¹⁶Mwinango kuwanga kwanga mtima kunandipulumusa, thangwi munthu wakuipa nkhabe wanga mtima kuonana na Mulungu tayu.

¹⁷Veserani mafala anafuna ine kulonga. Fungulani makutu anu kuti pinafuna ine kulonga piveke.

¹⁸Podi chinchino ndasasanyika kulonga mseru wanga, ndikupidziwa kuti ine nkhabe dzakonwa tayu.

¹⁹“Ayi alipo munthu ule anakwanisa kundisumulula? Ngakhala pili tenepo ndinati ndimatame pyanga mbandifa.

²⁰Kwache Mulungu ndinakupemphani kwene pinthu piwiripi, penepo ine nkhabe dzabisala pamaso panu:

²¹lekani kunditchunyusa, pontho kundithuswa na kugoswa kwanu.

²²“Kubuluka penepo ndichemereni, ine ndinakutawirani, penu nditawiriseni ndilonge, imwe munditawire.

²³Ayi ine pyakudawa na umambalanga mphingasi? Ndioneseni pyakuipa na pyakudawa pyachita ine.

²⁴“Thangwi yache ninji mukundibisira nkhope yanu, mbamundiyesa nyamalwanu?

²⁵Ayi imwe munathuswa tsamba yakupheluka pyayo na mphepo? Ayi munathamangisa dzungu yakumbuluka pyayo?

²⁶“Thangwi imwe mumbalemba pinthu pyakupha pyakupokanyisana na ine, mbamundichitisa kuti ndikwate pyakudawa pya uphaleanga.

²⁷Mumbamanga matandadza miyendo yanga, mbamuikha maso mafambiro anga pakuikha pidzindikiro pana mphondero yanga.

²⁸Natenepo munthu ambapakatika pyache ninga chinthu chakuvunda, ninga nguwo yakudyiwa na maberethe.”