Read cisena MASALIMO 101 Bible Online

MASALIMO 101 - cisena bible

MASALIMO 101

¹Salimo ya Davite. Ndinaimba kuna imwepo, MBUYA pya kukhulupirika na chilungamo; ndinaimba nyimbo zakukukuzani nazo.

²Ndinachita mphole-mphole kuti makhaliro anga akhale akusowa chinthu chakupokanyisa. Munabwera lini kuna ine? Ndinakhala na moyo wangwiro m'nyumba mwanga,

³pontho ine nkhabe dzaphatizana na pyakuipa tayu. Ndimbazonda makhaliro a anthu ambakukhondani ale; ine nkhabeve dzachita nawo pinthu tayu.

⁴Sinakhala munthu wa manyerezero akupotoka tayu,[74] nkhabeve pinthu na kuchita pyakuipa[75] tayu.

⁵Munthu onsene wakulonga tsweda tsanthembache ine ndinammatamisa; ine nkhabe dzatawirisa munthu wakudungudza, pontho wakutumbama tayu.

⁶Ndinasankhula anthu akukhulupirika m'dziko muno kukhala pabodzi na ine m'nyumbanga yachifumu. Anyakukhala na makhaliro akusowa chinthu chakupokanyisa anatawiriswa kunditumikira.

⁷Nkhabe nyakunama anakhala m'nyumbanga yachifumu tayu; nkhabe mfaka-faka anaimira pamaso panga tayu.

⁸Nsiku na nsiku ndinavunga anyakudawika m'dziko mwathu; ndinalekesa anyakuipa onsene kukhala mumzinda wa MBUYA.