Read cisena MASALIMO 107 Bible Online

MASALIMO 107 - cisena bible

MASALIMO 107

¹“Perekani takhuta kuna MBUYA, thangwi iye ngwadidi; kutifuna kwache nkhokhonda mala.”

²Anyakuombolwa na MBUYA onsene alonge penepi, ale adaombola iye m'manja mwa anyakuazonda,

³ale adabweza iye kubulukira kuna madziko achilendo, kubulukira kumabulukiro dzuwa na kumadokero dzuwa, kubulukira kumwera[82] na kumpoto.

⁴Anango akhatsalakatika pyawo m'thando yatchetcha mbachimwana kugumana njira yakwendera kumzinda kukhafuna iwo kukhazikika kule.

⁵Iwo akhali na njala pontho nyota mbatayiratu mtima.

⁶Tenepo pandzidzi wawo wa nyatwa iwo adachemera MBUYA; iyembo adaabulusira pyakutsukwalisa pyawo.

⁷Iye adaatsogolera m'njira yakuongoka, kwenda nawo kumzinda kukhafuna iwo khazikika kule.

⁸Iwo athema kupereka takhuta kuna MBUYA thangwi ya kuafuna kwache kukhonda mala, pontho thangwi ya pyakudodomesa pimbachitira iye anthu.

⁹Iye ambamwesa anyakuva nyota mbakhutisa anyakuva njala na pinthu pyadidi.

¹⁰Anango akhakhala mumdima pontho akhatsukwala, anyaperezo kusanyika na njema,

¹¹thangwi iwo akhadapandukira matongero a Mulungu, pontho akhadakhonda uphungu wa Nyakudzulu-dzulu.

¹²Iwo adakotola mtimawo na mabasa akupha; iwo akhagwa, tenepo nee mbodzi adaaphedza tayu.

¹³Tenepo pandzidzi wawo wa nyatwa iwo adachemera MBUYA; iyembo adaabulusira pyakutsukwalisa pyawo.

¹⁴Iye adaabulusira mdima, pontho kutsukwala kwawo mbaswa njema zawo.

¹⁵Iwo athema kupereka takhuta kuna MBUYA thangwi ya kutifuna kwache kokhonda mala, pontho thangwi ya pyakudodomesa pimbachitira iye anthu.

¹⁶Iye ambaswa misuwo yankuwa mbagwanda-gwanda mphinga yasimbi.

¹⁷Anango adasanduka akupupwa, kuona nyatwa thangwi ya pyakudawa pyawo, pontho thangwi ya pyakuipa pyawo;

¹⁸iwo adasikuka mtima na kuona phoso, pontho akhali chifupi na imfa.

¹⁹Tenepo pandzidzi wawo wa nyatwa iwo adachemera MBUYA; iyembo adaabulusira pyakutsukwalisa pyawo.

²⁰Iye adaawangisa na mafala ache mbaapulumusa kuna masiye.

²¹Iwo athema kupereka takhuta kuna MBUYA thangwi ya kuafuna kwache kokhonda mala, pontho thangwi ya pyakudodomesa pimbachitira iye anthu.

²²Iwo athema kupereka takhuta kuna iye na nsembe; na nyimbo zakukomerwa nazo iwo athema kulonga pyonsene pyachita iye.

²³Anango adenda pabara na miyadiya mikulu-mikulu mbakhala anyamalonda pamadzi amphamvu.

²⁴Iwo adaona pinthu pinakwanisa MBUYA kuchita, mabasache akudodomesa pabara.

²⁵Iye adatonga, tenepo mphepo yakugoswa idagwa mbilamusa mabimbi.

²⁶Miyadiya idathukuka m'dzulu mbibizwa pansi mwakuzwika. Pa nyatwa ninga zenezi amuna adataya mtima,

²⁷iwo adagwegweduka mbadzedzereka ninga anyakuledzera; luso yawo yonsene ikhali yakusowa basa.

²⁸Tenepo pandzidzi wawo wa nyatwa iwo adachemera MBUYA; iyembo adaabulusira pyakutsukwalisa pyawo.

²⁹Iye adamatamisa chonzi chakugoswa, tenepo mabimbi adamatama.

³⁰Iwo adakomerwa pyakwanga thangwi ya kumatamako, tenepo iye adaadzesa mwadidi mpakana pagombe pakhafuna iwo pale.

³¹Iwo athema kupereka takhuta kuna MBUYA thangwi ya kuafuna kwache kokhonda mala, pontho thangwi ya pyakudodomesa pimbachitira iye anthu.

³²Iwo athema kulalika pya ukulu wache pambuto panagumanyikana anthu ache, pontho amkuze pamaso pathando ya akulu-akulu.

³³Iye adachitisa mikulo kuuma kakata mbalekesa mphuno za madzi kubulusa madzi.

³⁴Iye adachitisa mataka akubalisa pinthu kusanduka thando yamunyu thangwi ya kudawika kwa anthu akhakhala mwenemo.

³⁵Iye adasanduza mathando atchetcha kukhala mathawale a madzi, mbuto zakuuma kukhala mphuno za madzi.

³⁶Iye adachitisa anthu anjala kakhazikika mwenemo mbamanga mzinda wakuti akhalemo.

³⁷Iwo adalima minda mbabzalamo mfesa, mbavuna pyakuinjipa.

³⁸Iye adatsanzayisa anthu ache, tenepo iwo adabala ana azinji; iye adachitisa mikumbi ya ng'ombe zawo kuti ileke punguzika.

³⁹Pidakundwa anthu a Mulungu, pontho kuchitiswa manyadzo na kuponderezwa na nyatwa zikulu,

⁴⁰iye adaipirwa na pidachita anyakuapondereza mbaachitisa kutsalakatika pyawo m'thando yatchetcha.

⁴¹Mbwenye iye adapulumusa anyakusowa pinthu kuna pyakutsukwalisa pyawo mbachitisa mabanjawo kuthimizirika ninga mikumbi.

⁴²Anyakulungama ambapiona penepi mbakomerwa, mbwenye anyakudawika onsene ambaphopha mulomo wawo.

⁴³Anthu anzeru aikhe mumtima pinthu penepi; iwo anyerezere pya kuafuna kokhonda mala kwa MBUYA.