Read cisena MASALIMO 108 Bible Online

MASALIMO 108 - cisena bible

MASALIMO 108

¹Salimo ya Davite; nyimbo. Mtimanga wakhazikika, Mulungu, mtimanga wakhazikika! Ndinati ndikuimbireni, pontho kukukuzani! Galamuka moyo wanga!

²Lamukani, nyakatangale wanga na malimbanga! Ndinati ndilamuse dzuwa.

³Ndinati ndipereke takhuta kuna imwe, MBUYA, pakati pa madzinza. Ndinati ndikukuzeni pakati pa anthu onsene.

⁴Kundifuna kwanu kokhonda mala kwafika mpakana kudzulu; kukhulupirika kwanu kwaphata thambo.

⁵Mulungu onesani ukulu wanu kuthambo, pontho demelero yanu padziko yonsene yapansi.

⁶Tipulumuseni na mphamvu zanu zikulu; ivani kupemphera kwathu, towera anthu anafuna imwe apulumuke.

⁷Kubulukira kumbuto yache yakuchena[83] Mulungu alonga mbati, “thangwi ya kukunda kwanga ndinagawa Shekemu, pontho ndinagawa phedi ya Sukoti kuna anthu anga.

⁸Gileadi na Manase ene nganga; Eferemu ndiye chipewu changa chachisimbi, pontho Yuda ndiye ndodo yanga yachifumu.

⁹Mbwenye ndinaphatisa basa Moabu ninga nkhali yakusambira, pontho ndinaponya nkhwaira zanga pana Edomu, kukhala chidzindikiro kuti ngwanga. Ine ndinakhuwa kuonesa kukunda kwanga Afilisti.”

¹⁰Mbani Mulungu anandipitisa mumzinda wakutchingwa na mpanda? Mbani anandiphata nsenji kwenda ku Edomu?

¹¹Kadi imwe mwatikhonda? Kadi imwe nkhabe kwenda pabodzi na anyankhondo athu tayu?

¹²Tiphedzenimbo kumenyana na anyamalwathu; chiphedzo cha munthu nkhabe basabi.

¹³Mbwenye Mulungu angakhala kukhundu kwathu tinati tipikwanise; iye anakunda anyamalwathu.