Read cisena MASALIMO 11 Bible Online

MASALIMO 11 - cisena bible

MASALIMO 11

¹Kuna nyakutchemula nyimbo. Salimo ya Davite. Ndimbanyindira MBUYA kuti ananditchinjiriza. Ndimwe akupupwa, ale mumbalonga kuna ine kuti, “Mbuluka ninga mbalame kuthawira kumapiri,[6]

²thangwi anyakudawika akunga kale mautawo, pontho aikhapo matswimo kuti kubulukira mumdima alase anyakulungama.

³Nkhabe chinango chinakwanisa kuchita nyakulungama, ngakhala mizati yonsene yamala vungika.”

⁴MBUYA ali m'Nyumba yache yakuchena; iye ana mpando wache wachifumu kudzulu. Iye ambayang'ana anthu onsene konsene kwene mbadziwa pinaphata iwo.

⁵MBUYA ambayesa anyakulungama pontho na anyakudawa ene sasawa; na mtimache onsene iye ambazonda anthu, ambafuna pyakuzunguza ale.

⁶Iye ambagwisa makala[7] a moto, pontho miyala ya moto yasulufule pana anyakudawa. Iye ambaatchunyusa na mphepo ikulu yakuvunga.

⁷MBUYA ngwakulungama, pontho iye ambafuna mabasa adidi; ale anaphata mabasa enewo anafika pamaso pache.