Read cisena MASALIMO 111 Bible Online

MASALIMO 111 - cisena bible

MASALIMO 111

¹MBUYA mbakuzwe! Na mtimanga onsene ndinapereka takhuta kuna MBUYA pambuto panagumanyikana anthu achepo.

²Ngakudodomesa pyakwanga mabasa a MBUYA! Anyakuavesa onsene ambakomerwa nawo.

³Pyonsene pimbachita iye mphyademelero pontho pyachifumu; kulungama kwache nkhokhonda mala.

⁴MBUYA nkhabe kutitawirisa tayu kuduwalira mabasache akudodomesa; iye ngwakukoma mtima pontho wakuva nyambalo.

⁵Iye ambapereka pyakudya kuna anyakumgopa; iye nkhabe duwalira tayu chiverano chache kwenda na kwenda.

⁶Iye aonesa mphamvu zache kuna anthu ache pakuapasa dziko ya madzinza achilendo.

⁷Papyonsene pimbachita iye, iye ngwakukhulupirika pontho wakulungama; pifunziso pyache pyonsene mphyakunyindirika.

⁸Iwo ngakukhazikika kwenda na kwenda; iwo adaperekwa mwakukhulupirika pontho mwakulungama.

⁹Iye ambaombola anthu ache panyatwa mbachita nawo chiverano chokhonda mala. Nyakuchena pontho nyamphamvu ndiye!

¹⁰Kugopa MBUYA ndi nthomatoma ya kukhala na nzeru;[86] iye ambapasa kuvesa kuna ambateweza pifunziso pyache ale. Iye athema kukuzwa kwenda na kwenda.