Read cisena MASALIMO 116 Bible Online

MASALIMO 116 - cisena bible

MASALIMO 116

¹Ndimbamfuna MBUYA, thangwi ambandiva ndingalonga; iye ambavesera kulira kwanga kufuna chiphedzo.

²Na thangwi yakuti ambandivesera ndinamchemera nsiku zonsene za moyo wanga.

³Misampha ya imfa idandizungulira; kugoswa kwa dziko ya anyakufa kudandifungira; ndidakundwa na mantha pontho kutsukwala.

⁴Tenepo ndidachemera MBUYA kuti, “Ndipulumuseni, MBUYA, ndipulumuseni!”

⁵MBUYA ngwansisi, pontho wakulungama; Mulungu wathu ngwakuva nyambalo.

⁶MBUYA ambatchinjiriza anthu akupichepesa; ndzidzi ukhali ine panyatwa, iye adandipulumusa.

⁷Khazikika pontho, moyo wanga, thangwi MBUYA andikomera mtima.

⁸Thangwi MBUYA adapulumusa moyo wanga kuimfa; maso anga kuna misozi, pontho manyalo anga kuna kugwegweduka,

⁹towera ndifambe pamaso pa MBUYA, m'dziko ya anthu amoyo.

¹⁰Ine ndinathimiza kukhulupira, podi kwene kuti ndidalonga kuti, “Ndapeyiwa monsene mwene,”

¹¹podi kwene ndikhali na mantha ndidalonga kuti, “Nkhabe na mbodzi ene anakwanisa kunyindirwa.”

¹²Ndinaperekanji kuna MBUYA thangwi ya udidi wache onsene kuna ine?

¹³Ndinadza na nsembe ya vinyu kuna MBUYA, kupereka takhuta kuna iye thangwi ya kundipulumusa.

¹⁴Pambuto panagumanyikana anthu ache onsene ndinampasa pinthu pidadumbira ine kuna MBUYA pile.

¹⁵Imfa ya anthu ache akuchena njakufunika pyakwanga kuna MBUYA.

¹⁶Ine ndine nyabasanu, MBUYA; ndimbakutumikirani, ninga mudachitira mamanga. Imwe mwandipulumusa kuimfa.

¹⁷Ndinapereka nsembe yakupereka nayo takhuta mbandipembedza MBUYA.

¹⁸Pambuto panagumanyikana anthu anu, pambuto yakuchena ya Nyumbanu mumzinda wa Yerusalemu, ndinakupasani pidadumbira ine kuna MBUYA pile. MBUYA mbakuzwe!