Read cisena MASALIMO 12 Bible Online

MASALIMO 12 - cisena bible

MASALIMO 12

¹Kuna nyakutchemula nyimbo. Kuimbwa na bangwe. Salimo ya Davite. MBUYA, tiphedzenimbo ife! Nkhabe nyakulungama asala tayu; anyakukhulupirika hakuonekave tayu.

²Onsene ambanamizana pyawo; ambanyengezana pyawo na mafala akukoma kuava.

³Matamisani ana m'kanwa mwakutapirawo, MBUYA! Fungani mulomo wakudungudza umbalongawo mbati,

⁴“Na mafalathu timbagumana pimbafuna ife. Tinati tilonge pinafuna ife, tenepo nkhabe mbodzi anakwanisa kutikhondesa tayu.”

⁵MBUYA akulonga kuti, “Mbwenye chinchino ndinati ndibwere, thangwi anyakutcherenga akupondererwa pansi, pontho anyakubonereswa akubulira thangwi ya kuva kupha. Ine ndinati ndiapase chitchinjirizo chinafuna iwo.”

⁶Pinalonga MBUYA tinakwanisa kupinyindira; ipyo mphyamaso ninga siliva wakunyunguluswa kanomwe m'dzenje ya moto.

⁷Anthu akudawa akugaya konsene kwene, pontho munthu onsene ambakuza pyakuipa. Tiyang'anireni mwadidi MBUYA, pontho tikoyeni kutali na anthu enewa.