Read cisena MASALIMO 122 Bible Online

MASALIMO 122 - cisena bible

MASALIMO 122

¹Nyimbo yakukwira nayo ku Yerusalemu kapembedza. Salimo ya Davite. Ndidakomerwa pidalonga iwo kuna ine mbati, “Tendeni ku Nyumba ya MBUYA.”

²Natenepo chinchino ife tili pano, kuimira m'bwalo mwa misuwo ya mzinda wa Yerusalemu!

³Yerusalemu ndi mzinda wakumangwa mwakubalika, pontho mwakuthithikizana mwadidi.

⁴Kweneku ndiye kumbaenda madzinza a MBUYA kupereka takhuta kuna MBUYA kuteweza na matongero ache.

⁵Penepa mafumu a Israele adakhala pansi kutonga anthu awo mseru.

⁶Pemphererani mtendere wa Yerusalemu kuti: “Anthu ambakufunani ale pinthu pyawo mbapifambe mwadidi.”

⁷Mbamukhale mtendere m'bwalo mwa mpandamu, pontho nyumbanu yachifumu mbikhale pakupata.

⁸Na thangwi ya abale anga na ashamwali anga ndinalonga kuna Yerusalemu kuti, “Mtendere mbukhale namwe!”

⁹Na thangwi ya Nyumba ya MBUYA Mulungu wathu ndimbapemphera kuti pinthu pyanu pifambe mwadidi.