Read cisena MASALIMO 132 Bible Online

MASALIMO 132 - cisena bible

MASALIMO 132

¹Nyimbo yakukwira nayo ku Yerusalemu kapembedza. MBUYA, lekani duwalira Davite na nyatwa zonsene zimbapirira iye.

²Kumbukani, MBUYA, kudumbira kudachita iye, kudumbira pikulu kudachita iye kuna imwe, Mulungu Wamphamvu zonsene wa Yakobo kuti:

³“Ine nkhabe dzaenda kumusa, penu kugona patalimba tayu;

⁴ine nkhabe dzapuma, penu kugona chitulo tayu,

⁵kufikirana ndisasanyire mbuto MBUYA, Nyumba yakukhalamo Mulungu Wamphamvu zonsene wa Yakobo.”

⁶Muluwani ya Betelehemu tidava pya Bokosi ya Chiverano, tenepo tidaigumana m'munda mwa Yearimu.

⁷Tidalonga mbati, “Tendeni ku Nyumba ya MBUYA; tendeni timpembedze patsogolo pampando wache wachifumu.”

⁸Idzani ku Nyumbanu, MBUYA, na Bokosi ya Chiverano, chinthu chakuonesa mphamvu zanu, pontho mbamukhale pano kwenda na kwenda.

⁹Anyansembe anu ndzidzi onsene mbachite pinthu pyakulungama; anthu anu mbakhuwe thangwi ya kukomerwa.

¹⁰Imwe mudadumbira kuna nyabasanu Davite; lekani khonda mfumu wanu wakusankhulika.

¹¹MBUYA adadumbira pikulu kuna Davite, pile pinakhonda iye leka kupichita mbati: “Ndinaikha mbodzi wa anako achimuna kukhala mfumu, pontho iye anatonga m'nduli mwako.

¹²Ngakhala anako achimuna ngakukhulupirika kuna chiverano, pontho kuna matongero anga anapasa ine, anawombo achimuna anapita m'mbuto mwako mbakhala mafumu ndzidzi onsene.”

¹³MBUYA asankhula Zioni; anafuna ausanduze kukhala mbuto yache yakukhalako:

¹⁴“Penepa ndiye panafuna ine dzakhala kwenda na kwenda; penepa ndiye panafuna ine dzatonga.

¹⁵Ndinachitisa Zioni kukhala wakufuma na pinthu pyonsene pinasowa iye; anyakutcherenga a mwenemo ndinaakhutisa na pyakudya.

¹⁶Ndinatsanzayisa anyansembe ache papyonsene pimbachita iwo, pontho anthu ache akuchena anaimba mwakugaluza fala thangwi ya kukomerwa.

¹⁷Penepa ndinachitisa mbodzi wa pidzukulu pya Davite kukhala mfumu wamkulu; ndinakulisa utongi wa mfumu wanga wakusankhulika.

¹⁸Ndinampsampsira anyamalwache na manyadzo, mbwenye ufumu wache unaenda m'tsogolo na demelero.”