Read cisena MASALIMO 138 Bible Online

MASALIMO 138 - cisena bible

MASALIMO 138

¹Salimo ya Davite. Ndinapereka takhuta kuna imwe, MBUYA, na mtimanga onsene; ndikukuimbirani nyimbo zakukukuzani nazo pamaso pa milungu.

²Ndikuyang'ana ku Nyumbanu yakuchena, kulamba na kukuza dzinanu thangwi ya kundifuna kwanu kokhonda mala pontho na kukhulupirika kwanu, thangwi imwe mwaonesa kuti dzina na mafalanu mphikululetu kupiringana pinthu pyonsene.[95]

³Ndzidzi udakuchemerani ine, imwe mudanditawira; na mphamvu zanu imwe mudandiwangisa mtima.

⁴Mafumu onsene padziko yapansi anakukuzani imwe, MBUYA, thangwi iwo ava kudumbira kudachita imwe.

⁵Iwo anaimba pya pinthu pyachita MBUYA, pontho na pya demelero ikulu ya MBUYA.

⁶Podi kwene kuti MBUYA ali kudzululetu, iye ambayang'anira mwadidi anyakupichepesa, pontho anyakutumbama nkhabe kwanisa kumbisalira tayu.

⁷Ndinganenseka na nyatwa, imwe mumbandikoya mwadidi. Imwe mumbapokanya anyamalwanga aukali mbamundipulumusa na mphamvu zanu.

⁸MBUYA anachita pyonsene malingana na kudumbira kudachita iye; MBUYA, kutifuna kwanu nkhokhonda mala. Malisani basa yatoma imwe kale ile.