Read cisena MASALIMO 14 Bible Online

MASALIMO 14 - cisena bible

MASALIMO 14

¹Kuna nyakutchemula nyimbo. Salimo ya Davite. Mapupwe ambalonga mumtima mwawo kuti, “Kunja kuno nkhabeko Mulungu.” Onsene manyerezero amala vungika, pontho achita pinthu pyakuipa pyakugoswa; nkhabe na mbodzi ene ambachita pyakulungama tayu.

²Na kudzulu MBUYA ambayang'ana pansi pana anthu kuti aone ngakhala pana munthu ene mbodzi wanzeru, munthu ene mbodzi wakusaka-saka Mulungu.

³Mbwenye onsene amala bauka kwenda pyawo m'tsanga; onsene ntchibodzi-bodzi ngakuipa. Nkhabe mbodzi ambachita pinthu pyakulungama, nee na mbodzi ene nkhabe.

⁴MBUYA akuvunza mbati, “Kadi iwo nkhabe dziwa tayu? Kadi onsene anaphata pyakuipawa nkhabe dziwa pinthu tayu? Iwo ambakhala na moyo, thangwi ya kubera anthu anga kumbachita iwoko, pontho iwo nkhabe pinthu na kupemphera kuna ine tayu.”

⁵Mbwenye iwo anati athuswe pikulu pene, thangwi Mulungu ambakhala kukhundu ya anyakulungama.

⁶Anyakuipa ambadzudzumisa manyerezero a atcherengi, mbwenye MBUYA ndiye pakubisala pawo.

⁷Ndimbapemphera pikulu pene kuti chipulumuso cha Israele chibulukire ku Zioni. Anthu a ku Israele anakomerwa pyakwanga, MBUYA angachitisa pontho pinthu pyawo kufamba mwadidi!