Read cisena MASALIMO 141 Bible Online

MASALIMO 141 - cisena bible

MASALIMO 141

¹Salimo ya Davite. Ndikukuchemerani, MBUYA; ndiphedzeni chinchino! Ndivesereni ndzidzi unakuchemerani ine.

²Kupemphera kwanga pamaso panu mbakukhale ninga pyakununkhira; kukwiza kwanga manja m'dzulu mbakukhale ninga nsembe yakumawulo.

³MBUYA ikhani nyakuyang'anira wa mulomo wanga; nyakuyang'anira msuwo wa mulomo wanga.

⁴Ndikhondeseni kukwatika na pyakudawa, pontho kuphatizana na anyakuipa kuchita pyakudawika; mbandileke kwata khundu m'maphwando mwawomo.

⁵Nyakulungama anakwanisa kunditchunyusa, pontho kundisumulula mwakukoma mtima, mbwenye ine nkhabe dzatawira chilemedzo kubulukira kuna anthu akuipa tayu, thangwi ndzidzi onsene ndimbapemphera mwakupokanyisana na pyakuipa pimbachita iwopyo.

⁶Atongi awo angaponywa pansi na pamatelero anyakudawika anatawira kuti mafalanga akhali akuona.

⁷Ninga mumbapandulirwa nkhuni m'mapindi-mapindi, sasawambo magogodo awo amwazwa pakanwa padziko ya anyakufa.

⁸Mbwenye ine ndimbaikha maso anga pana imwe, MBUYA Mulungu wanga. Imwe ndimwe pakubisala panga; lekani tawirisa kuti ndife.

⁹Ndichitiseni kuti ndileke kukweshwa na msampha wanditeyera iwo, nditchinjirizeni kuna misampha ya anyakudawika.

¹⁰Anyakuipa mbakweshwe na misampha yawo yonthoyo, mwenemo ine ndikwenda pyanga okhonda kuwazika.