Read cisena MASALIMO 147 Bible Online

MASALIMO 147 - cisena bible

MASALIMO 147

¹MBUYA mbakuzwe! Mphyadidi kuimbira Mulungu wathu nyimbo zakumkuza nazo; mphyakukomadi pontho pyakuthema pyakwanga kumkuza.

²MBUYA akumanga pontho Yerusalemu; iye akudzesa Aisraele kuabweza kubulukira kumadziko akutali kudathawira iwo kule.

³Iye ambawangisa anyakusweka mtima mbamanga pironda pyawo.

⁴Iye ambalengesa nthondowa mbazithula zonsene madzina.

⁵Wamkulu pontho wamphamvu ndi Mbuyathu; munthu nkhabe kwanisa kupima nzeru zache tayu.

⁶MBUYA ambakwiza anyakupichepesa, mbwenye ambaponya pansi anyakudawika.

⁷Imbani nyimbo zakukuza nazo MBUYA; phatisa basa anyakatangale kuimbira napyo Mulungu wathu.

⁸Iye ambachitisa kuthambo kukhale makole; iye ambagwisa mvula padziko yapansi mbachitisa kuti maudzu amere m'mapiri.

⁹Nyama ambazipasa phoso mbadyesa ana makhungubwe ndzidzi unachemera iwo.

¹⁰Iye nkhabe komerwa na akavalo amphamvu, penu anyankhondo akuwanga mtima tayu;

¹¹mbwenye MBUYA ambakomerwa na anyakumgopa, anthu ambanyindira kuafuna kwache kokhonda mala ale.

¹²Yerusalemu, kuza MBUYA! Zioni, kuza Mulungu wako!

¹³Nyakuchitisa mphinga za misuwo yako kukhala zamphamvu ndiye; anthu ako ambaatsanzayisa ndiye.

¹⁴Madire ako ambaayang'anira mwadidi mbakukhutisa na tirigu wadidi.

¹⁵Iye ambapereka matongero kuna dziko yapansi, pontho pimbalonga iye pimbachitika kabodzi kene.

¹⁶Iye ambaphopha pansi na matalala ninga na chakufinika, mbamwaza bume ninga dotha.

¹⁷Iye ambagwisa matalala ninga ntchangalabwe; nkhabe mbodzi anakwanisa kupirira tayu kutonthola kumbatumiza iye kule!

¹⁸Pontho iye ambatonga madzi akuphatana kunyunguluka; iye ambagwisa mphepo, madzimbo mbakuka.

¹⁹Iye ambapereka mphangwa zache kuna Yakobo, ambapereka matongero na mwambo wache kuna Israele.

²⁰Penepi iye hadapichitire madzinza anango tayu; iwo nkhabe dziwa mwambo wache tayu. MBUYA mbakuzwe!