Read cisena MASALIMO 17 Bible Online

MASALIMO 17 - cisena bible

MASALIMO 17

¹Kupemphera kwa Davite. Vani MBUYA, kudungunyira kwanga chilungamo; veserani kulira kwanga kufuna kuti mundiphedze! Ndiverenimbo pinakupemphani ine mwakuona mtima.

²Imwe munati mutonge mseru mwakundikomera, thangwi mumbadziwa kuti pyakulungama ninji.

³Mtimanga mukuudziwa. Imwe mwabwera kuna ine na mosiku; imwe mwamphemphesa mwadidi mwene mbamugumana kuti nkhabe pikhumbo pyakuipa muna ine tayu.

⁴Ine nee ndimbalonga pyakuipa ninga mumbachitira anango tayu; ine ndavera matongero anu, pontho nee ndateweza njira za anyanthonga tayu.

⁵Ndzidzi onsene ndafamba m'njira yanu, pontho manyalo anga hadatherezike tayu.

⁶Ndikupempha kuna imwe Mulungu, thangwi munandiva, natenepo zungunukani kuna ine kuno kuti muve kupemphera kwanga.

⁷Onesani pakwecha kundifuna kwanu kokhonda mala, pontho mundipulumuse; m'khundu mwanu ndimbagumanamo kutchinjirizwa kuna anyamalwanga.

⁸Nditchinjirizeni ninga mboni ya diso; ndibiseni m'maphaphido anu,

⁹gopesera anyamalwanga anandiphata, anyamalwa aupandu andizungulirawo.

¹⁰Iwo nkhabe vera munthu nsisi tayu, pontho ambalonga mwakudungudza.

¹¹Iwo andizungulira konsene kwene kunazungunukira ine, kusaka-saka mwayi kuti andigwise.

¹²Iwo akhala ninga nkhalamu yakunjunja m'tsanga kudikhirira ine kufuna kuti andikhwadzule khwadzule.

¹³Bwerani, MBUYA, musumulule anyamalwanga, pontho muakunde. Ndipulumuseni m'manja mwa anthu akuipa na talasadanu;

¹⁴ndipulumuseni, MBUYA, m'manja mwa anthu, ale m'moyo uno ana pyonsene pinafuna iwo. Atchunyuseni na nyatwa zidaakoyera imwe, pontho pakhale pinango pyakukwana pya anawo, pontho pinango pyakusalirapyo pikhale pya pidzukulu pyawo.

¹⁵Mbwenye ine ndinati ndikuoneni, thangwi ine nee ndadawa tayu Pontho ndingalamuka kuchitulo ndinaona nkhope yanu; ndinakomerwa kukuonani maso na maso.