Read cisena MASALIMO 20 Bible Online

MASALIMO 20 - cisena bible

MASALIMO 20

¹Kuna nyakutchemula nyimbo. Salimo ya Davite. MBUYA, mbave kupempha kwako pandzidzi wako wa nyatwa! Mulungu wa Yakobo mbakutchinjirize.

²Iye mbatumize chiphedzo kubulukira kumbuto yache yakuchena, pontho mbakupase, kubulukira pa phiri ya Zioni, pinthu pyakuti uphedzeke napyo.

³Iye mbatambire nsembe zako zonsene, pontho mbakomerwe na nsembe zako zonsene.

⁴Iye mbakupase pyonsene pinakhumba mtimako, pontho mbachitise kufamba mwadidi pyonsene pinanyerezera iwe.

⁵Tenepo ife tinakhuwa na kukomerwa, thangwi ya kukunda kwako. Na dzina ya Mulungu wathu tinati tikwize mabandera. MBUYA mbave pyonsene pinapempha iwe.

⁶Chinchino ndapidziwa kuti MBUYA ambaphedza mfumu asankhula iye ule; iye ambava kubulukira kudzulu kwache kwakuchena pimbapempha iye, pontho na mphamvu zache ambampasa kukunda kukulu.

⁷Anango ambanyindira pingolo pyawo pyankhondo, anangombo ambanyindira akavalo awo, mbwenye ife timbanyindira mphamvu za MBUYA, Mulungu wathu.

⁸Anthu ninga enewo anagwegweduka mbagwa, mbwenye ife tinalamuka mbatiimiraletu chiriri!

⁹MBUYA, chitisani mfumu kukunda; titawireni[11] ndzidzi unakuchemerani ife.