Read cisena MASALIMO 21 Bible Online

MASALIMO 21 - cisena bible

MASALIMO 21

¹Kuna nyakutchemula nyimbo. Salimo ya Davite. Mfumu akomerwa pyakwanga, MBUYA, thangwi mudampasa mphamvu; iye ambakomerwa thangwi mudamchitisa kukunda.

²Imwe mwampasa pikhakhumba mtimache; imwe mwamchitira chikhapempha iye.

³Imwe mudadza kuna iye na mtsanzayiso ukulu mbamumvazika chipewu chachifumu chagolidi mumsolo mwache.

⁴Iye adapempha moyo, tenepo imwe mudampasa moyo wakulapha, pontho okhonda mala.

⁵Demelero wache njikulu thangwi mudamphedza; imwe mudamchitisa kukhala munthu wakuveka, pontho wakugopeka.

⁶Mtsanzayiso wanu una iye kwenda na kwenda, pontho kukhala kwanu chifupi na iye kumbamchitisa kukomerwa pyakwanga.

⁷Mfumu ambanyindira MBUYA; na thangwi ya kumfuna kwa Nyakudzulu-dzulu kokhonda mala, iye nkhabe dzatekeseka tayu.

⁸Mfumu anaaphata anyamalwache onsene; iye anaphata anthu onsene ambamzonda ale.

⁹Imwe mungaonekera, munaavunga ninga mumbachitira dzenje ya moto. MBUYA anati aakhudyule na kuzhangali kwache, pontho na moto unaapyereza.

¹⁰Pidzukulu pyawo pinamaliratu padziko yonsene yapansi; nkhabe mbodzi anafuna dzaonekave tayu.

¹¹Iwo ambaverana na kusasanya njira zakuipa zakupokanyisana naye, mbwenye iwo hanamkwanisa tayu.

¹²Iye anaponya matswimo ache pana iwo mbaachitisa kuzungunuka mbathawa.

¹³Tinakukuzani, MBUYA, thangwi ya mphamvu zanu zikulu! Tinaimba na kukuza mphamvu zanu.